Yeshaya 10:18 - MUKANDA WA MYIDI MUKULU

¹⁸ Neavingutule ditu dijima, ne mitshi ya bimuma yonsu. Ne bikale bu muntu munyane ne disama.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Yeye neavingutule butumbi bua ditu diandi ne bua budimi buandi budi bulua ne bia kudia bia bungi ne muoyo wandi ne mubidi wandi. Bualu ebu nebuikale bu muntu musame unyananyana tô ne ku lufu.

Yeshaya 10:18 ပူးပေါင်းရင်းမြစ်များ

2 Bakalenga 19:23

Uvua mutume bantu bebe, bua bampende meme Maweja-Nangila! Uvua wamba ne: ‘Meme Senakeribe, ndi ne matempu a mvita mapite bungi. Ndi mubande ku nsongu ya mikuna. Ndi mubande ne pa mikuna ya Lebanone, bua kukosa mithi mimpe ya sedre, mipite mikuabu yonsu, ne mitshi ya siprese, mipite mikuabu ku bule. Nemfike ku nsongu ya mikuna idi mipite mikuabu, ne mu ditu dia Lebanone.

2 Bakalenga 19:28

Wewe udi mumfunyine bushuwa. Mvua mumvue muuvua mumpende ne dikamakama. Nanku nenkutekeshe, nkuela kakanu ku diulu, ne lukanu lua tshiamu mukana. Nenkupingaje kuebe, amu mu njila uuvua mufumine.

Yeshaya 10:16

Nenku mfumu wa bamfumu, Maweja-Nangila muena bukole buonsu, neajimije bubanji budi bena Ashure nabu. Neoshe lumu luabu, ne bionsu bidibu nabi.

Yeshaya 32:19

Mabue a mvula nealoke bikole muitu, mua baluishi babu, tshimenga tshiabu netshidine mu mayi.

Yeshaya 37:24

Wewe uvua mutume bantu bebe, bua bampende meme Maweja-Nangila. “Uvua wamba ne: ‘Meme Senakeribe, ndi ne matempu a mvita mapite bungi. Ndi mubande ku nsongu ya mikuna. Ndi muye ne munkatshi mua ditunga dia Lebanone, bua kukosa mitshi ya sedre, idi mipite mikuabu yonsu ku buimpe, ne mitshi ya siprese, idi mipite mikuabu yonsu ku bule. Nemfike ku nsongu ya mikuna, ku ndekelu kuayi, ne munkatshi mua ditu.

Yeshaya 9:18

Tshiji tshia Maweja-Nangila muena bukole buonsu, tshidi bu kapia kadi kosha ditunga. Bantu ba mu ditunga badi bapia bu nkunyi, muntu nansha umue kena utangila muanabu to.

Yirmeya 21:14

Kadi meme nennuluishe, nennunyoke bua bubi bunuvua benze. Nengoshe mitshi ya sedre idi mu nzubu yenu. Kapia aka nekabutule bionsu. Meme Maweja-Nangila ndi ngamba nanku.

Zekâya 12:6

Dituku adi, nengenze bamfumu ba bena Yuda, bu tshikutu tshia kapia mu ditu, nansha bu tshikunyi tshia kapia muinshi mua bisumbu bia miepu ya ntete ya kuenza bukula. Nebabutule nseke yonsu bisamba bidi bibanyunguluke. Kadi bena mu Yerushalayime nebasombe amu mu tshimenga tshiabu.