Yeshaya 10:17 - MUKANDA WA MYIDI MUKULU

¹⁷ Maweja-Nangila, butoke bua bena Izrayele, neikale bu kapia, kadi kosha meba ne mingonga, kabibutula dituku dimue.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Munya wa Bena Isalele newandamuke kahia, ne wandi wa Tshijila neandamuke ludimi lua kahia; neluoshe, nelumane meba andi ne mingonge yandi mu dituku dimue.

Yeshaya 10:17 ပူးပေါင်းရင်းမြစ်များ

Misambu 18:8

Ke buloba kuzakala, kunyungakana, bitaku bia mikuna kutenkakana, kunyukakana, bualu bua tshiji tshia Maweja-Nangila.

Misambu 21:9

Mukalenga, neukuate baluishi bebe, tshianza tshiebe katshiakupanga badi bakukina.

Misambu 27:1

Musambu wa mu mukanda wa misambu ya Davide. Maweja-Nangila udi bukole buanyi, kabidi mumpandishi wanyi, tshiena mua kuzakela muntu to. Maweja-Nangila udi undama, tshiena ntshina muntu.

Misambu 50:3

“Mvidi Mukulu wetu afike! Alekele kupuwa!” Kapia kanene kadi kamudianjidila, lupepele lua mvunde lumuela munkatshi.

Misambu 84:11

Bualu kusomba dituku dimue mu lubanza lua nzubu webe wa kutendelela, nkupite kusomba matuku tshinunu munga muaba. Mvidi Mukulu wanyi, kuimana kumbelu kua nzubu webe, nkupite kusomba mu ntenta ya bantu babi.

Misambu 97:3

Kapia kadi kadianjila kumpala kuende, kadi kuosha baluishi bende, kabanyunguluka nseke yonsu.

Yeshaya 26:11

Maweja-Nangila, wewe udi olola tshianza bua kubanyoka, kadi kabena bamona biudi musue kuenza to. Udi ubaluisha bundu, ubanyoka, bua bamone muudi unanga bantu bebe bikole! Kapia kaudi mufundile bena lukuna bebe, kababutule bonsu bungi buabu!

Yeshaya 27:4

Tshiena nabu kabidi tshiji to. Kadi pandi nsanganamu meba ne mingonga, nembiluishe kashidi. Nembikose, mbioshe mu kapia.

Yeshaya 27:7

Kadi Maweja-Nangila mmunyoke bantu bende bikole, amu muvuaye munyoke bavua babakengesha anyi? Mmushipeshe bantu bende bungi buvuaye mushipeshe bavua bashipe bende anyi?

Yeshaya 30:33

Mbamane kulongolola tshioshelu kale. Mbalongolole muaba udibu ne bua kuoshela mukalenga wa bena Ashure. Tshioshelu etshi tshidi tshinene, kabidi tshile. Bavua belamu nkunyi ya bungi. Nanku, Mueyelu wa Maweja-Nangila udi utemeshamu kapia. Nkunyi eyi idi bu kapia ka mu tshingoma kadi katema.

Yeshaya 31:1

Bantu badi baya mu Ejipitu bua kukeba diambuluisha, mbena diakabi! Badi batekemena ku nyama ya tubalu, ne ku matempu mavule a bena Ejipitu, ne ku babandi babu ba pa tubalu, bualu badi bilobu. Kadi kabena bakeba Mvidi Mukulu wa tshijila wa Izrayele. Kabena bakeba lungenyi kudi Maweja-Nangila.

Yeshaya 31:9

Bilobu nebinyeme mvita, bua bowa bukole budibu bakuatshika. Balombodi ba bena mvita nebatekete mu maboku, nebanyeme, bashiya dibendele diabu. Maweja-Nangila ke udi wamba nanku. Ke yeye udibu batendelela pa mukuna wa Siyone. Kapia kende kadi katemena ku Yerushalayime.

Yeshaya 33:12

Bisamba bikuabu nebabioshe, bishale amu butu. Nebabiele mu kapia, bu mudi bantu bela mu kapia mitshi ya meba buabu bakose.

Yeshaya 33:14

Mu Siyone, bena tshibawu badi bakuatshika bowa; badi kabayi bitaba Maweja-Nangila badi bazakala. “Nganyi wa kutudi washala pabuipi ne kapia aka kadi kabutulangana? Wa munkatshi muetu wasomba pamue, ne tshikutu tshitema kapia kashidi, udiku anyi?”

Yeshaya 37:23

Uuvua upenda nnganyi? Uuvua ujana ne dikamakama nnganyi? Wewe mutshimbakane, uuvua mutangile ne kapeja nnganyi? Uvua usendeka amu meme, Mvidi Mukulu wa tshijila wa bena Izrayele!

Yeshaya 37:36

Nanku, mutumibue wa Maweja-Nangila kuya mu mitanda ya bena Ashure. Kushipaye bantu binunu lukama ne makumi muanda mukulu ne bitanu. Butshia dinda, bantu bavua bashala ne muoyi babika, kumonabu bitalu bionsu abi.

Yeshaya 47:14

Kapia nekaboshe bu bisosa. Ndimi ya kapia neibabutule. Kakakuikala kapia ka makala makese, kadibu mua kuosha diampa, nansha tshiota tshia nkunyi mikese, idibu mua kuota to!

Yeshaya 60:19

Bua wewe kuikala ne butoke, kuakukengela kabidi diba mu munya, nansha ngondu butuku. Bualu meme Maweja-Nangila Mvidi Mukulu webe, nentekeshe muebe matuku onsu, nenkukenkeshe ne butoke buanyi buonsu.

Yeshaya 66:24

Nenku nebafike bua kumona bitalu bia bantu bavua bantombokele. Tshikusu tshidi tshibikunya katshiena mua kufua to. Kapia kadi kabiosha, kakena kajima lukasa to. Bidibu bamone nebikuatshishe bantu bonsu buowa.

Yeshaya 9:18

Tshiji tshia Maweja-Nangila muena bukole buonsu, tshidi bu kapia kadi kosha ditunga. Bantu ba mu ditunga badi bapia bu nkunyi, muntu nansha umue kena utangila muanabu to.

Yirmeya 4:4

Bu mudibu bamane kunuteka panshi, nuikale kabidi nanku mu mitshima yenu, bualu buanyi meme Maweja-Nangila. Nuenu bena Yuda, nuenu bena Yerushalayime, nuikale bantu ba tshijila, badi banyi meme Maweja-Nangila. Nuenu kanuyi benze nanku, tshiji tshianyi netshiteme bu kadilu bua buenzavi buenu. Nekabutule bintu bionsu. Kakuena muntu udi mua kujima kapia aku.

Yirmeya 7:20

Nanku, Maweja-Nangila Mvidi Mukulu udi wamba ne: “Nennyoke tshimenga tshijima etshi, bantu, bimuna, mitshi ne bintu bionsu bidi mu madimi. Dinyoka dianyi nedikale dikole bu kapia kadi kakayi kajima.”

Nahume 1:10

Nansha bobu banua maluvu bakuatshika basuikakana pamue bu tshipuka tshia meba a mingonga, nebapie babutuke bu bisosa biume.

Sefanya 1:18

Dituku didi Maweja-Nangila ufika munda, tshiamu tshitoke tshia mushinga mukole, nansha mpawungi, kabiena mua kubasungidila. Buloba bujima nebubutuke, ku kapia ka tshiji tshiende. Neabutule bantu bonsu ba pa buloba. Eyowa, bionsu ebi nebikuatshishe bantu bowa.

Zekâya 12:6

Dituku adi, nengenze bamfumu ba bena Yuda, bu tshikutu tshia kapia mu ditu, nansha bu tshikunyi tshia kapia muinshi mua bisumbu bia miepu ya ntete ya kuenza bukula. Nebabutule nseke yonsu bisamba bidi bibanyunguluke. Kadi bena mu Yerushalayime nebasombe amu mu tshimenga tshiabu.

Dibadika 16:35

Pashishe Maweja-Nangila kutuma kapia. Kubutulaku bantu bonsu nkama ibidi ne makumi atanu, batshikale ne muoyi. Ke bavua balambula musenga wa kamonya.

Matayi 3:12

Yeye ke udi ne lubenji mu bianza biende, bua kupepula bisote, kushiya ntete. Neateke ntete mu diyeba. Kadi bisote neabioshe mu kapia kadi kakayi kajima.

Dielulula 4:24

Bualu Maweja-Nangila Mvidi Mukulu wenu udi wosha, ubutula bu kapia. Yeye nkayende mmusue kuikala Mvidi Mukulu wenu.

Ebrewu 12:29

Bualu Mvidi Mukulu wetu udi kapia kadi kubutula.

Didimanyisha 21:23

Tshimenga katshiena tshikengela butoke bua diba, nansha bua ngondu, bualu butumbi bua Mvidi Mukulu budi butshitokesha; kabidi Muana wa mukoku ke muendu watshi.

Didimanyisha 22:5

Butuku kabuakuikala kabidi to. Kabakukengela munya, nansha muendu. Bualu Maweja-Nangila Mvidi Mukulu neabakenkeshile butoke buende. Nebadie bumfumu kashidi.