Yeshaya 10:14 - MUKANDA WA MYIDI MUKULU

¹⁴ Mvua mupete biuma bia bantu, bu mudi muntu ukuata disua dia nyunyi. Meme kusangisha bintu bionsu bidi pa buloba, bu mudi muntu usangisha makele malekela kudi nyunyi. Kakuvua muntu uvua mubuuke, nansha mukangule muinu, nansha mudile muadi.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Tshianza tshianyi tshiakaheta biuma bia bantu bu muditshi tshikuate disua dia nyunyu. Bu mudi muntu usangisha makela mu disua diakulekelabo kudi nyunyu, nakusangisha bia ha buloba bionso. Kakuakadi umue wakuolola dihuahua diandi, anyi wakubulula muinu, anyi wakudila.

Yeshaya 10:14 ပူးပေါင်းရင်းမြစ်များ

2 Kulondolola 32:13

Meme Senakeribe ne bankambua banyi, kanuena bamanye tshitudi benzela bisamba bikuabu bia pa buloba anyi? Mvidie ya bisamba ebiivua mimpangishe mua kukuata matunga abu anyi?

Yobe 31:25

Tshivua muditambishe bua biuma bivule bimvua nabi nansha. Tshivua muditembe bua bintu bia bungi bimvua mupete, ku mudimu wanyi.

Nsumuinu 18:12

Bantu badi baditambisha nebabutuke. Udi udipuekesha neapete lumu.

Yeshaya 14:6

Uvua utuuta bantu ne tshiji tshikole kayi ulekela. Uvua ukengesha bantu ba mu matunga avuaye mukuate, kakuyi dikisha nansha dikese.

Yeshaya 37:25

Meme ndi mumbule biina bia mayi, ndi munue mayi mu matunga a bende. Nengumishe misapa ya Nile, amu pandi ndiata makasa mu ditunga dia Ejipitu.’

Yeshaya 5:8

Bantu bonsu badi basakidila nzubu ku mikuabu, balamika madimi ku makuabu, mbena diakabi. Ku kakese ku kakese nebangate miaba yonsu. Nebashale bobu nkayabu mu ditunga!

Yirmeya 49:16

Uvua ukuatshisha bantu bonsu bowa. Uvua udimona bu udi mupile bisamba bionsu. Kadi uvua udidinga. Nansha wewe musombe mu mbuebue, nansha wewe muase pa mikuna mitumbuke, nansha wewe muenzele disua diebe kulu kupita, mudi nyunyi wa tshiminyi wenza, kadi nenkukulule panshi.” Ke mudi Maweja-Nangila wamba nanku.

Yezekiyele 35:13

Nudi bambunde, kadi meme tshiena mupue bipendu bienu muoyi to.

Obadya 1:4

Nansha nuenu banangapale mulu bu nyunyi ya tshiminyi, nansha nuenu bibakile disua dienu munkatshi mua mitotu, nennukulule. Meme Maweja-Nangila, ndi ngamba nanku.

Nahume 2:9

Kale bantu bavua ba bungi mu Ninive, mpindiewu badi banyemamu, bu mudi mayi apueka lubilu, padi nkila ubumbuka. Padibu bamba ne: “Pinganayi, pinganayi!” muntu nansha umue kena ukudimuka.