Yeshaya 1:30 - MUKANDA WA MYIDI MUKULU

³⁰ Nenushale bu mitshi eyi, idi mimane kupopoka mabeji. Nenuikale bu mpangu eyi, idi kayiyi kabidi ne mayi.

Mukanda wa Nzambi Dihungila Dikulukulu ne Dihungila Dihia-dihia 2003

³⁰ Bualu bua nenuikale bu mutshi wa telebinta udi mabeshi au mafubidila, ne bu tshibidi tshidi katshiyi mai.

Yeshaya 1:30 ပူးပေါင်းရင်းမြစ်များ

Genese 12:6

kupitshilabu mu ditunga adi too ne ku mutshi wa tshijila uvua mu Moreya pabuipi ne musoku wa Shekeme. — Bena Kenaane batshivua mu ditunga adi. —

Yeshaya 5:6

Nebushale lububa: muntu nansha umue kena mua kusolela budimi abu, muntu kena mua kubuipidila kabidi Meba ne mingonga nebitolokemu. Nenkandike mavuba, bua mvula kalokedi kabidi mu budimi ebu.”

Yeshaya 58:11

Maweja-Nangila neanulombole. Nansha nuenu bende mu tshipela, neanudishe nuukute, nupete bukole. Badi banumona nebasanke. Bualu nenuikale bu lupangu, ludibu bamiamina mayi mavule, bu mpokolu wa mayi a bungi, adi kaayi akama.

Yeshaya 64:5

Tudi bonsu bantu babi, katuena bakanyine kukukuatshila mudimu. Tudi bu tshintu tshipia mikiya. Nansha mianda mimpe ituvua tuenza, idi kabidi mikuatshike muendi bu tshilamba tshidi ne makeji a mashi. Bualu bua bilema bietu, tudi bu mabeji mume a mutshi, adi lupepele luambula luya nawu.

Yeshaya 64:6

Kakuena muntu nansha umue udi ukeba kukulomba diambuluisha, ujinga kudilengeja, ukuitaba. Bualu wewe mene kuena musue kutumona kabidi. Ukadi mumane kutubenga bua bilema bietu.

Yirmeya 31:12

Nebafike pa mukuna wa Siyone, bela mbila ya disanka. Nebaleje mpala wa disanka, pamonabu bionsu bidibu bapeta kudi Maweja-Nangila: ntete ya kuenza bukula, maluvu mapiamapia, mafuta mimpe, mikoku, mbuji ne ngombe. Nebikale bu budimi budi ne mayi ntavule. Nebapete bionsu bidibu nabi dikenga.

Yezekiyele 17:24

Diba adi, mitshi yonsu ya mu mpata neyimanye ne: ndi Maweja-Nangila. Ndi ngipidija mitshi idi mitumbuke, ndi ndepesha idi mipi. Ndi ngumisha mitshi mibishi. Ndi ngelesha mitshi miume ntonga. Meme Maweja-Nangila ndi njadika nanku awu. Nenkumbaje anu mundi muambe amu.”

Matayi 21:19

Kumonaye mutshi wa mfiku ku muelelu wa njila. Kuyaye pabuipi nawu, kusangana anu mabeji. Ke kutshipaye mutshi awu ne: — Wewe kuakukuama kabidi bimuma kashidi! Diakamue mutshi kuumawu.