Yakobe 5:9 - MUKANDA WA MYIDI MUKULU

⁹ Bana hetu, lekelayi kubipishangana, bua Mvidi Mukulu kayi unupisha. Mukoshi wa nsambu ukadi pabuipi, ukadi pa kumueneka!

Mukanda wa Nzambi Dihungila Dikulukulu ne Dihungila Dihia-dihia 2003

⁹ Bana betu, kanutontolodianganyi, bua nuenu kanulumbuluishibu; tangilai, mulumbuluishi udi muimane ku mpala kua tshibi.

Yakobe 5:9 ပူးပေါင်းရင်းမြစ်များ

Genese 4:7

Bu wewe muenze bimpe, uvua ne bua kuikala ne disanka. Kadi paudi kuyi wenza bimpe, bubi budi bukuimanyine ku tshibi; kadi ukebe mua kubutshimuna.

Misambu 59:15

Badi bapingana dilolu tshisumbu, banyunguluka tshimenga tshijima, bela mikunda bu mbua.

Yezekiyele 7:12

Nshikidilu wafiki. Dituku dia tshilumbuluilu didi pabuipi. Basumbi ba bintu kabena mua kusanka, nansha basumbishi ba bintu kabena mua kunyingalala, bualu ndi mufikile bantu bonsu munda.

Lewitiki 19:18

Kanudisombuedi ne bana benu, kanujilanganyi nabu. Muntu yonsu wa kunudi anange muanabu, bu mudiye mudinange. Bualu Meme ndi Maweja-Nangila.

Matayi 24:33

Momumue kabidi, panuamona bionsu abi, numanye ne: bualu bunene abu budi pabuipi, bukadi ku tshiibi.

Marke 13:29

Bidi momumue kabidi, panuamona malu aa enzeka, mimanye ne: Muana wa muntu udi pabuipi, ukadi makasa mu njila.

Marke 6:19

Erodiyade uvua mulamine Yowanane lukuna. Uvua ukeba mua kumushipesha, kadi kavua ne tshia kuenza to.

1 Korente 10:11

Makenga awu avua mabakuate bua kutulongesha bualu. Bayua batufundilewu bua kutubela. Bualu tudi mu tshikondu tshia nshikidilu.

1 Korente 4:5

Nanku kanulumbuluishi muntu, diba kadiyi dianji kufika. Indilayi Mfumu. Afike! Yeye nealeje patoke bidibu basokoka mu miidima. Neasokolole bidi bisokome mu mioyi ya bantu. Diba adi muntu yonsu neapete kudi Mvidi Mukulu lumu ludiye ne bua kupeta.

2 Korente 9:7

Muntu yonsu afile mudiye muele meji, kayi ne muoyi mujoboke, kabayi bamuenzeje malu ku bukole. Bualu Mvidi Mukulu udi unanga udi upa ne disanka.

Ngalate 5:14

Bualu paudi “unanga muntu nebe, bu muudi mudinange,” udi ukumbaja mikenji yonsu.

Ngalate 5:26

Kanuditambishi, katufikishanganyi munda, katutekedianganyi lubabu.

Yakobe 4:11

Bana hetu, kanujananganyi to. Udi ujana muanabu, nansha umupisha, udi ujana mikenji, nansha uyipisha. Kadi paudi upisha mikenji, kuena uyitumikila kabidi, bualu udi uyitangila bu mibi.

Yakobe 4:12

Amu Mvidi Mukulu nkayende udi wela mikenji; amu Yeye ke udi mua kulumbuluisha. Yeye nkayende udi mua kuhingisha, nansha kupisha. Wewe mene udi upisha muanenu, udi nganyi?

Yakobe 5:10

Bana hetu, vulukayi bambi bavua balongesha mu dina dia Mfumu. Nulonde tshilejilu tshiabu, bualu bavua balame lutuulu mu makenga.

Yakobe 5:7

Bana hetu, ikalayi ne lutuulu too ne pafika Mfumu. Monayi mudi tshidime windila ne lutuulu biakudia bidibu nabi dikenga menemene, too ne diba didi buloba mua kubipatula. Udi utekemena mvulambedi ne wa ndekelu.

1 Petro 4:5

Kadi bua bivuabu benza nebadilumbuluile kudi Mvidi Mukulu, ukadi pa kulumbuluisha ba muoyi ne bafue.

1 Petro 4:9

Nuakidilangane mu nzubu yenu, kanuyi nusodia.

Didimanyisha 3:20

Teleja! Ndi ngimana ku tshiibi, nkokola. Padi muntu umvua diyi dianyi, unkanguila tshiibi, nembuele mu nzubu muende. Nendie nende, yeye neadie nanyi.