Yakobe 5:20 - MUKANDA WA MYIDI MUKULU

²⁰ mmanye ne: muntu udi mupingaje muena bubi mu njila muimpe, neamusungidile ku lufu, kabidi mibi yende mivule neyijimine.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ amanye biandi ne, Muntu udi wandamuna muntu mubi ku dihambuka dia mu nshila wandi, yeye neasungile muoyo wa muntu ku lufu, neabuikile malu mabi a bungi.

Yakobe 5:20 ပူးပေါင်းရင်းမြစ်များ

Misambu 32:1

Kasala ka mu mukanda wa misambu ya Davide. Udi muena diakalenga, padi Mvidi Mukulu ukujimijila mibi yebe, ukufuila luse bua bilema biuvua muenze.

Nsumuinu 10:12

Lukinu ludi lujuula matandu, kadi dinanga didi dijibikila bilema.

Nsumuinu 10:2

Biuma bipeta ku bubi kabiena bilubuluka kudi udi nabi, kadi muntu udi uvuluka Mvidi Mukulu mu midimu yende neashale ne muoyi.

Nsumuinu 11:30

Bidi muntu udi utshina Mvidi Mukulu wenza, bidi bipetesha muoyi. Muntu wa meji udi usankisha bakuabu.

Nsumuinu 11:4

Biuma kabiena bituambuluisha dituku didi Mvidi Mukulu ukosa nsambu. Amu udi ulamata Mvidi Mukulu ke udi upanduka ku lufu.

Nsumuinu 17:9

Kupua tshilema muoyi nkulengeja bulunda. Kadi kutshiela misangu ne misangu kudi kushipa malanda.

Yowanane 5:24

Ndi nnujadikila ne: muntu udi uteleja bindi ngamba, witaba uvua muntume, udi ne muoyi wa tshiendelele. Kabena bamupisha ku tshilumbu to. Kadi ukadi mumane kumuka ku lufu, mupete muoyi.

Rome 11:14

Bualu ndi ntekemena kujula lubabu kudi bena kuetu, bua nansha bamue ba kudibu bamone mua kupeta lupandu.

1 Korente 1:21

Bualu Mvidi Mukulu mmuleje meji ende mu bionsu. Kadi bantu ne meji abu nkayabu kabavua mua kujingulula mudi Mvidi Mukulu. Ke padi Mvidi Mukulu musue kusungidila bena ditaba ku dilongesha dietu dia Lumu lua Disanka, nansha badiamba ne: ndia bupale.

1 Korente 9:22

Pandi ne bantu badi batekete mu ditaba, ndi nsomba amu mudibu basomba bobu, bua kubafikisha kudi Kristu. Ndi nditeka mulongu umue ne muntu yonsu, bua mmone mua kupandisha nansha bamue ba kudibu.

1 Timote 4:16

Udilame biakane. Ulongolole bimpe dilongesha diebe. Unanukilemu. Wewe muenze nanku, neudisungidile, neusungidile kabidi bantu badi bakuteleja.

Filemone 1:19

Ndi mfunda ne tshianza tshianyi miaku eyi ne: Dibanza adi, meme Polu, nenkufutedi. (Bushuwa, tshiena musue kukuvuluija ne: udi kabidi ne dianyi dibanza, ke muoyi webe mene.)

Yakobe 1:15

Pashishe majinga mabi adi akidila bubi munda, alela bubi. Padi bubi bumane kukola, budi bulela lufu.

Yakobe 1:21

Nanku bengayi bibidilu bibi bionsu, ne malu mabi a mishindu yonsu. Nuanyishe ne bupuekele muaku udi Mvidi Mukulu ukuna mu mioyi yenu, bualu udi mua kunusungidila.

Yakobe 5:15

Panudi ntendelela ne ditaba, Mvidi Mukulu neapandishe mubedi, amupingajile bukole bua mubidi, ajimije mibi yende.

Yakobe 5:19

Bana hetu, pikala umue wa kunudi mupambuke mu njila wa bulelela, mukuabu mumupingaje mu njila muimpe,

1 Petro 4:8

Bualu bua kumpala: nunangangane ne muoyi wenu mujima. Bualu dinanga didi dijimija mibi ya bungi.

Didimanyisha 20:6

Bantu bavua bafululuka musangu wa kumpala awu mbena diakalenga, badi Mvidi Mukulu muele lupemba mushindu musunguluke! Lufu luibidi kaluena lubakuata to. Nebakuatshile Mvidi Mukulu ne Kristu mudimu wa butuangaji. Nebadie bukalenga pamue ne Kristu bidimu tshinunu.