Yakobe 5:2 - MUKANDA WA MYIDI MUKULU

² Biuma bienu mbibole. Misuasua neyidie bilamba bienu.

Mukanda wa Nzambi Dihungila Dikulukulu ne Dihungila Dihia-dihia 2003

² Bubanshi buenu buakoneka, bivualu bienu biakudibua kudi bishi.

Yakobe 5:2 ပူးပေါင်းရင်းမြစ်များ

Yobe 13:28

Kadi ndi amu bu mutshi mumane kuuma, nansha bu tshilamba tshimana kudia kudi musuasua.

Misambu 39:11

Ukadi muntuute, mbikumbane. Mituutu yebe idi mipite.

Yeshaya 50:9

Eyowa, Maweja-Nangila Mvidi Mukulu udi umbingisha. Udi mua kungamba ne: udi muena tshibawu nnganyi? Bena lukuna banyi nebasunsuke bonsu, mudi tshilamba tshisunsuka, padibu batshidia kudi musuasua.

Yeshaya 51:8

Bualu nebasunsuke, bu tshilamba tshidibu badia kudi musuasua. Kadi lupandu lundi mfika nalu, nelushale matuku onsu. Bumfumu buanyi nebutungunuke ku ndelanganyi ne ku ndelanganyi ya bantu.”

Yirmeya 17:11

Mudi nzolu uladila mayi a dibata, ke mudi muntu udi upeta bubanji mu buivi. Patshidiye ne bukole, bintu biende bidi bimujika. Yeye mumane kukulakaja, udi bu muntu mutatakane.

Osheya 5:12

Mpindiewu, meme Maweja-Nangila ndi bu tshiuja ne tufina kudi bena Efrayime. Ndi bu mputa mubole wa lubangu kudi bena Yuda.

Luke 12:33

Nupane bintu bienu, nupeshe bapele makuta anuapeta. Kebayi mua kupeta bibuta bidi kabiyi binyanguka. Kungujayi bubanji mu diulu, mudibu kabuyi bujimina. Muamua bivi kabena mua kubuangata. Misanda kayena mua kubunyanga.

Yakobe 2:2

Tutele tshilejilu: muntu mubanji udi ubuela mu tshisangilu tshienu, muele kakanu ka tshiamu tshia mpawungi ku munu, muvuale bilamba bimpe. Kadi mupele, muvuale bilamba bisunsuke, kabidi udi ubuelamu.

1 Petro 1:4

kusanka bua bilenga bidi Mvidi Mukulu mulamine bantu bende. Bilenga abi kabiena bibola, kabiena binyanguka, kabiena bifubidila. Mvidi Mukulu mmunulaminebi mu diulu.