Yakobe 5:13 - MUKANDA WA MYIDI MUKULU

¹³ Padi umue wa kunudi ne dikenga, atendelele. Padiye ne disanka, imbe musambu, atumbishe Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Muntu udi ne dikenga munkatshi muenu, anyi? Alombe biandi Nzambi. Muntu udi ne disanka, anyi? Imbe biandi misambu.

Yakobe 5:13 ပူးပေါင်းရင်းမြစ်များ

1 Kulondolola 16:9

Muimbilayi, numusamune ne misambu. Vuluijayi bantu bishima biende bionsu.

Yobe 33:26

Padiye utendelela, Mvidi Mukulu udi umuteleja bimpe. Nenku udi usemena kudi Mvidi Mukulu, wela mbila ya disanka. Bualu Mvidi Mukulu, mmumupingaje muende nuwuaye kale.

Misambu 105:2

Numuimbile misambu, numutumbishe nayi, nuambilangane malu ende a kukema onsu.

Misambu 118:5

Pamvua mu dikenga, meme kubikila Maweja-Nangila, kungitabaye, kumpandisha.

Misambu 18:6

Kandondu ka bafue kavua kasue kuya nanyi, buteyi buaku bukeba kumbakula.

Misambu 50:15

Pakukuata dikenga, umbikile nenkusungidile. Nenku neuntumbishe!

Misambu 91:15

Pambikilaye bua kumuambuluisha, nemmuambuluishe, mu dikenga nengikale pabuipi nende, nemmusungidile, nemmutumbishe.

Misambu 95:2

Tuye kumpala kuende, tuimbe misambu ya kumusankidila, tumusankidile ne misambu.

Yeshaya 65:14

Nebikale ne disanka dinene, nebele mbila bua diakalenga didibu nadi. Kadi nuenu, yenu mbila neikale ya dikenga. Nenukengakane ne muadi, muoyi neunushikile munda.

Danyele 5:4

Bonsu bamane kunua maluvu a bungi, kutumbishabu mvidie idibu batula ne tshiamu tshia mpawungi, ne tshiamu tshitoke tshia mushinga mukole, tshikunze, tshifiike, ne mvidie idibu basonge ne mabaya, kabidi ne mabue.

Osheya 6:1

Nudi nuamba ne: “Tuyayi, tupinganayi kudi Maweja-Nangila. Yeye udi mututape mputa, neatuondape kabidi. Yeye udi mutukume, neatusuike tshilamba pa mputa.

Yona 2:2

Pavua Yona munda mua mushipa, uvua utendelela Maweja-Nangila Mvidi Mukulu wende, wamba ne:

Yona 2:7

Mvua mudine mu mayi too ne kasuki, kufika ne ku tshitaku tshia mikuna. Bakavua banginjidila biibi bia nzubu wa lufu. Kadi anu wewe Maweja-Nangila Mvidi Mukulu wanyi, ke uvua mumpatule mu dijimba edi ne muoyi.

Mika 4:5

Muntu yonsu mu tshisamba tshiende, udi ukeba kusankisha mvidie yende. Kadi tuetu tudi tukeba kusankisha Maweja-Nangila Mvidi Mukulu wetu tshiendelele.

Matayi 26:30

Kuimbabu misambu ya tshibilu. Pashishe kuyabu ku mukuna wa Olive.

Luke 22:44

Bowa bukole buvua bukuata Yezu. Ke kutendelelaye bikole bipite. Tshisululu tshiende tshifua tshiandamuka mashi, amata panshi.]

Luke 23:42

Ke kuambaye kabidi ne: — Yezu, wamyuluka, pawabuela mu Bukalenga buebe.

1 Korente 14:15

Kadi ngenze tshinyi? Nengenze bionsu bibidi, nentendelele pamue ne Mueyelu wanyi, nentendelele kabidi ne lungenyi. Nengimbe misambu ne Mueyelu wanyi, nengimbe misambu kabidi pamue ne lungenyi luanyi.

1 Korente 14:26

Bana hetu, telejayi nkomenu wa bionsu bitudi bambe ebi. Panudi ntendelela Mvidi Mukulu, umue wa kunudi udi wimba musambu, munga udi ulongesha, mukuabu udi umanyisha malu adi Mvidi Mukulu mumuambile, ewu udi wakula mu miakulu idi bantu kabayi bamanye, munga udi uyumvuija. Kadi bionsu ebi bidi ne bua kukolesha bena Tshisumbu mu ditaba diabu.

Efeze 5:19

Nukoleshangane ku muoyi, nuimbilangane misambu, miyenga ne tusala, mudi Mueyelu unusaka bua kuimba. Imbayi, elayi Mfumu tuasakidila ne muoyi wenu mujima.

Ebrewu 5:7

Patshivua Yezu pa buloba, uvua ulomba Mvidi Mukulu, umutendakena, wela mbila mikole, ne binsonji ku mesu, kudi uvua mua kumusungila ku lufu. Mvidi Mukulu kumuteleja bualu Yezu uvuaumutumikila.

Yakobe 5:10

Bana hetu, vulukayi bambi bavua balongesha mu dina dia Mfumu. Nulonde tshilejilu tshiabu, bualu bavua balame lutuulu mu makenga.

Didimanyisha 14:3

Bantu aba binunu ne binunu bavua bimane kumpala kua nkuasa wa butumbi, kua Bia muoyi binayi, ne kua bakulu, bimba musambu mupiamupia. Muntu nansha umue kavua mua kulonga musambu awu, amu bantu abu binunu lukama makumi anayi ne binayi bavuabu bapikule, bumushe pa buloba.

Didimanyisha 7:10

Bavua bela mbila mikole, bamba ne: “Lupandu luetu ludi lufuma kudi Mvidi Mukulu wetu udi musombe mu nkuasa wa butumbi, ne kudi Muana wa mukoku!”