Yakobe 4:3 - MUKANDA WA MYIDI MUKULU

³ Panudi nulomba, kanuena nupeta, bualu meji anudi nubilomba nawu, adi mabi. Nudi basue kubipeta bua kudisankisha amu nkayenu.

Mukanda wa Nzambi Dihungila Dikulukulu ne Dihungila Dihia-dihia 2003

³ Nudi nulomba ne kamuena nuangata bintu, bualu bua nudi nabilomba bibi, anu bualu bua kubimuangalasha ku masanka enu.

Yakobe 4:3 ပူးပေါင်းရင်းမြစ်များ

1 Bakalenga 3:11

Nanku, Maweja-Nangila kuandamuna mukalenga Shelomu ne: — Kuena mulombe bua wewe kuikala ne muoyi matuku a bungi. Kuena mulombe bua wewe kuikala mubanji, nansha bua baluishi bebe bafue bonsu. Kadi udi ulomba anu lungenyi, bua wewe kulombola bantu banyi bimpe, kabidi ne meji.

Yobe 35:12

Badi balomba diambuluisha bua kuluisha bena ditambisha, bantu babi. Kadi kena ututeleja nansha.

Misambu 18:41

Udi unyemesha baluishi banyi. Ndi mbutula badi nanyi lukuna.

Nsumuinu 1:28

Dituku adi nenumbikile bua meme kunuambuluisha, kadi tshiakunuandamuna to. Nenunkebe, kadi kanuakummona to.

Nsumuinu 15:8

Maweja-Nangila udi udiwula milambu ya bantu babi. Kadi udi wanyisha bikole dilomba dia bantu ba diyi dimue.

Nsumuinu 21:13

Muntu udi ubenga kuteleja lubila lua muena dikenga, nebabenge kuteleja kabidi luende diba didiye mu dikenga.

Nsumuinu 21:27

Bantu babi badi balambula milambu mibi, nangananga padibu bayilambula ne meji mabi.

Yirmeya 11:11

Ke padi Maweja-Nangila wamba ne: “Ndi mbatumina dikenga bua kubabutula. Bobu bambikila musangu ewu bua kubambuluisha, tshiena mbateleja to.

Yirmeya 11:14

Nenku wewe Yirmeya, tshimenga etshi kuena mua kutshilombela kundi. Kuena mua kuntendelela nansha kunsengelela kabidi bualu buatshi to. Bualu padi makenga abakuata nebansengelele bua meme kubambuluisha. Kadi tshiena mua kubateleja to.

Yirmeya 14:12

Nansha bobu bajila biakudia, tshiena nteleja dilomba diabu to. Nansha bobu balambula milambu ya kuosha anyi milambu mikuabu, tshiena mua kuyanyisha to. Kadi nembashipe ku mvita, ku tshiyole tshia nzala, ne ku disanka dia tshiambu.

Mika 3:4

Nanku bobu badidila Maweja-Nangila bua abambuluishe, Maweja-Nangila kena ubumvuila. Kadi neabakome nyima, bua malu mabi avuabu benze.

Zekâya 7:13

wamba ne: “Pamvua mubabikile bua benze mundi musue, kabavua basue kunteleja. Nanku pavuabu bambikila bua meme kubambuluisha, meme kubenga kabidi.

Matayi 20:22

Yezu kuandamuna ne: — Kanuena bajingulule tshinudi nulomba nansha. Dikopu dia dikenga dinganua, nudi mua kudinua anyi? Bobu kumuandamuna ne: — Tudi mua kudinua.

Marke 10:38

Yezu kubandamuna ne: — Kanuena bamanye tshinudi nulomba to. Nuenu nudi mua kunua dikopu dindi ne bua kunua meme, nansha badi mua kunutua mu mayi bu mudibu mua kuntua anyi?

Luke 11:10

Bualu muntu yonsu udi ulomba tshintu, udi utshipeta. Udi ukeba, udi umona. Udi ukokola ku tshiibi, badi bamunzuluila.

Luke 15:13

Munkatshi mua matuku makese muana muakunyi kupana bintu biende bionsu, kuya ne makuta ku ditunga dia kule. Kuine aku uvua wenza buenzayi, utulakaja biuma biende.

Luke 15:30

Kadi muanebe wawa upingana, yeye uvua mutule biuma biebe bionsu ku bakaji bena tshiendenda, wewe kumushipela muana wa ngombe utuvua badiundishe!”

Yakobe 4:1

Mvita ne matandu bidi munkatshi muenu mbifume penyi? mBifume ku majinga mabi adi aluangana munda muenu, kaayi apungila.

1 Yone 3:22

Bionsu bitudi tulomba, tudi tubipeta kudiye, bualu tudi tulonda mikenji yende, tuenza tshidiye musue.

1 Yone 5:14

Tudi tutekemena muetu muonsu kudi Mvidi Mukulu, bualu tudi bajadike ne: Mvidi Mukulu neatuteleje, patuikala bamulombe tshintu tshidi tshiumvuangana ne disua diende.