Yakobe 4:11 - MUKANDA WA MYIDI MUKULU

¹¹ Bana hetu, kanujananganyi to. Udi ujana muanabu, nansha umupisha, udi ujana mikenji, nansha uyipisha. Kadi paudi upisha mikenji, kuena uyitumikila kabidi, bualu udi uyitangila bu mibi.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Kanusonguelanganyi, bana betu. Muntu udi usonguela muanʼabo wa ma Kilisto, anyi udi ulumbuluisha muanʼabo wa mu Kilisto, yeye udi usonguela mikenshi, udi ulumbuluisha mikenshi, kadi biwalumbuluisha mikenshi, wewe kuena muenji wa mikenshi kadi udi mulumbuluishi wai.

Yakobe 4:11 ပူးပေါင်းရင်းမြစ်များ

Misambu 140:11

Makala a kapia abaponene pambidi. Mvidi Mukulu abashidishe mu kapia, kabamonyi mua kupatukamu!

Luke 6:37

“Kanutangidi bantu bakuabu bu bantu babi, bua Mvidi Mukulu kanutangidi nuenu kabidi nanku. Kanudiwulu bakuabu, bua Mvidi Mukulu kanudiwulu nuenu kabidi. Nu-mvuilangane luse, nanku Mvidi Mukulu neanumvuile kabidi luse.

Rome 2:1

Nanku wewe udi ulumbuluisha bakuabu, kuena mubinge, nansha wewe nnganyi ne nnganyi. Bualu paudi ulumbuluisha bakuabu, wenza kabidi malu adibu benza, udi udipisha wewe nkayebe.

Rome 2:13

Bualu bantu badi basankisha Mvidi Mukulu ki mbadi bateleja mikenji patupu, kadi amu badi batumikila bidiyi ibafundila.

Rome 7:7

Kadi tshitudi mua kuamba kabidi ntshinyi? Mikenji idi mulongu umue ne bubi anyi? Nansha kakese! Kadi mikenji ivua mimmanyishe mudi bubi. Bualu tshivua mua kujingulula mudi lukuka, bu mikenji kayiyi miambe ne: “Kualakanyi to.”

1 Korente 4:5

Nanku kanulumbuluishi muntu, diba kadiyi dianji kufika. Indilayi Mfumu. Afike! Yeye nealeje patoke bidibu basokoka mu miidima. Neasokolole bidi bisokome mu mioyi ya bantu. Diba adi muntu yonsu neapete kudi Mvidi Mukulu lumu ludiye ne bua kupeta.

2 Korente 12:20

Ndi ntshina ne: pangafika, tshiakunusangana mushindu undi musue. Tshiyi munusangane nanku, nuenu kabidi kanuakunsangana mushindu unudi basue. Bumue nensangane amu mvita ne lubabu, tshiji ne difuilakana dia mianzu, bipendu ne buakulavi, ditambisha ne buenzavi. Ke tshindi ntshina.

Efeze 4:31

Lekelayi kanyinganyinga konsu, bumfika munda, ne tshiji tshionsu. Kanuedianganyi mbila ya bipendu. Kanuikadi ne lukinu kudi muntu nansha umue.

1 Timote 3:11

Bakaji babu kabidi badi ne bua kudinemeka. Kabikadi bena bijanu. Bamanye mua kudilama. Bikale bantu ba diyi dimue mu malu onsu.

2 Timote 3:3

Nebikale bantu ba malu makole, kabayi ne luse. Nebikale bena bijanu, bena tshikisu, bena lonji, baluishi ba bantu badi benza bimpe.

Tite 2:3

Longesha kabidi bakaji bakulumpe bua benze malu makanyine bantu ba tshijila, kabayi bena bijanu, kabayi basombela amu maluvu. Balongeshe kabidi bakuabu amu malu adi mimpe.

Yakobe 1:16

Bana hetu bananga, kanudishimi to.

Yakobe 1:19

Bana hetu basuibue, vulukayi bimpe bindi ngamba: muntu yonsu ateleje lukasa, kadi kena mua kuakula pa lukasa nansha. Kabidi kafiki munda lubilu.

Yakobe 1:25

Kadi muntu udi ukenketa ne ntema mikenji mimpe idi itupikula, kayi uyiteleja patupu amu bua kuyipua muoyi, kadi uyenza, muntu awu Mvidi Mukulu neamuele lupemba mu midimu yende.

Yakobe 2:8

Bushuwa, nudi nuenza bimpe, panudi nutumikila mikenji ya Bukalenga, mudi Mukanda wa tshijila uyilongesha ne: “Unange muntu nebe, bu muudi mudinange.”

Yakobe 5:10

Bana hetu, vulukayi bambi bavua balongesha mu dina dia Mfumu. Nulonde tshilejilu tshiabu, bualu bavua balame lutuulu mu makenga.

Yakobe 5:7

Bana hetu, ikalayi ne lutuulu too ne pafika Mfumu. Monayi mudi tshidime windila ne lutuulu biakudia bidibu nabi dikenga menemene, too ne diba didi buloba mua kubipatula. Udi utekemena mvulambedi ne wa ndekelu.

Yakobe 5:9

Bana hetu, lekelayi kubipishangana, bua Mvidi Mukulu kayi unupisha. Mukoshi wa nsambu ukadi pabuipi, ukadi pa kumueneka!

1 Petro 2:1

Nanku nubenge malu mabi onsu: dishima, mpala ibidi, lubabu ne bijanu.