Yakobe 3:2 - MUKANDA WA MYIDI MUKULU

² Tudi tuenza bonsu bibi mishindu mishilangane. Kadi padi muntu kayi wakula muaku mubi musangu nansha umue, awu mmuntu wa nsongu. mMumanye kabidi mua kukanda mubidi wende mujima.

Mukanda wa Nzambi Dihungila Dikulukulu ne Dihungila Dihia-dihia 2003

² Bualu bua buonso buetu tudi tulenduka mu malu a bungi. Bikala mukuabo kai ulenduka ku dî diandi eu udi muntu muakane tshishiki, udi mumanye mua kukanda mubidi wandi wonso.

Yakobe 3:2 ပူးပေါင်းရင်းမြစ်များ

1 Bakalenga 8:46

“Kakuena muntu nansha umue udi kayi mua kuenza bibi. Padi bena Izrayele bakutombokela, misangu mikuabu udi mua kubafikila munda, kubafila mu bianza bia baluishi babu, bua baye nabu mu bupika mu ditunga dia pabuipi, nansha dia kule.

2 Kulondolola 6:36

“Padi bena Izrayele bakutombokela, — bualu kakuena muntu nansha umue udi kayi mua kuenza bibi, — misangu mikuabu udi mua kubafikila munda, kubafila mu bianza bia baluishi babu bua baluishi babu abu baye nabu mu bupika mu ditunga diabu, nansha diodi dikale mutantshi mule.

Yobe 15:13

Udi ufikila Mvidi Mukulu munda, umujana bua tshinyi?

Misambu 34:13

Padi muntu musue kusanka panu, kupeta diakalenga matuku mavule,

Misambu 39:1

Musambu wa mu mukanda wa mulombodi wa bena misambu ne wa mu mukanda wa Yedutune. Wa mu mukanda wa misambu ya Davide.

Nsumuinu 10:19

Muntu udi wakula malu mavule, udi utupakana bikole. Kadi muntu wa meji udi mumanye mua kulama ludimi luende.

Nsumuinu 13:3

Muntu udi ukuba ludimi luende, udi ukuba muoyi wende. Kadi udi wakula kayi wela meji, udi udijimija.

Nsumuinu 20:9

Muntu kena mua kuamba ne: “Tshiena ne tshilema nansha tshimue. Kondu ka munda muanyi kakena kangasa tshilumbu.”

Nsumuinu 21:23

Muntu udi udilama ku bionsu bidiye wakula, udi udiepula ku makenga mavule.

Muambi 7:20

Mulengele kabula kalema, udi ne kende kamulamata.

Yeshaya 64:6

Kakuena muntu nansha umue udi ukeba kukulomba diambuluisha, ujinga kudilengeja, ukuitaba. Bualu wewe mene kuena musue kutumona kabidi. Ukadi mumane kutubenga bua bilema bietu.

Lewitiki 13:39

mutuangaji neamukenkete. Padiye usangana makeji mikale ne mubidi muimpe, disama adi kadiena dikole to. Nanku muntu awu kena mupie mikiya to.

Matayi 12:34

Nuenu ndelanganyi ya nyoka, nuenu bantu babi, mmunyi munudi mua kuamba bualu buimpe? Bualu mukana mudi muamba malu adi muwule mu muoyi tente.

Matayi 12:37

Bualu nebakupishe, nansha nebakubingishe, amu bilondeshile miaku yebe.

Rome 3:10

Mukanda wa tshijila udi ujadika ne: “Kakuena muntu udi wenza tshidi Mvidi Mukulu musue,

Rome 7:21

Nanku ndi mumone mudi bionsu bilonda njila ewu: pandi musue kuenza bimpe, ndi amu ne bukole bua kuenza bibi.

1 Korente 9:27

Ndi ndituuta bikole, nkengesha mubidi wanyi mujima. Tshianana ndi bu muntu udi ubikila bakuabu bua bipatshile nsala wa kalumbandi, meme mene tshiyi mua kumupeta, mpangila mu njila.

Ngalate 3:22

Kadi Mikanda ya tshijila idi yamba ne: “Bantu bonsu mbapika ba bubi.” Nanku bidi Mvidi Mukulu ulaya, nebabipete amu kudi Kristu, padibu bamuitaba.

Ngalate 5:17

Majinga mabi adi abengangana ne bidi Mueyelu musue. Mueyelu udi ujinga bidi muoyi wetu mubi ubenga. Mueyelu ne majinga mabi bidi biluishangana. Ke munudi kanuyi mua kukumbaja bilenga binudi nujinga.

Kolose 1:28

Ke mutudi mmanyisha muntu yonsu Kristu. Tudi tudimuja bantu, tubalongesha ne meji onsu atudi nawu, bua muntu yonsu amueneke kumpala kua Mvidi Mukulu mukole mushindame mu didisanga diende ne Kristu.

Kolose 4:12

Epafrase, udi kabidi wa kuenu aku, udi unuela muoyi. Muena mudimu wa Yezu Kristu ewu kena upungila bua kunulombela kudi Mvidi Mukulu, bua nuikale bashindame mu ditaba, bantu bakole mu lungenyi, badi amu bakeba kukumbaja bidi Mvidi Mukulu musue.

Ebrewu 13:21

Mvidi Mukulu wa bupole anupe bukole bua kuenza malu onsu adi mimpe bua nukumbaje tshidiye musue. Enze munda muetu malu adi amusankisha, kudi Yezu Kristu, udi ne butumbi mu nkama ne nkama ya bidimu. Amene.

Yakobe 1:26

Padi muntu wela meji ne: ndi nnemeka Mvidi Mukulu, kayi ulama ludimi luende, udi udishima. Dinemeka diende dia Mvidi Mukulu kadiena ne mushinga nansha mukese.

Yakobe 1:4

Kadi dinanukila dienu edi didi ne bua kudileja patoke mu malu onsu, bua nuikale bantu ba malu mimpe tshishiki, badi kabayi bakenga kantu.

Yakobe 2:10

Bualu padi muntu utumikila mikenji mikuabu, ulekela umue, udi ushipa mikenji yonsu.

1 Petro 3:10

mBafunde mu Mukanda wa tshijila ne: “Muntu udi musue kusanka panu, kupeta ne diakalenga, alekele kujana bantu, alekele kushima.

1 Petro 5:10

Mvidi Mukulu mmunubikile bua nudisange nende mu butumbi buende bua kashidi, panudi nudisanga ne Kristu. Nanku nuenu bamane kukenga tshitupa tshikese, Mvidi Mukulu, mpokolu wa dinanga dionsu, neanuenze bantu ba tshijila. Neanushindike, anukoleshe bua kanutenkakanyi.