Yakobe 1:11 - MUKANDA WA MYIDI MUKULU

¹¹ Diba didi dibanda ne luya luadi, diumisha bisosa. Tshilongu tshidi tshipona panshi, bulenga buatshi budi bujika. Ke mudi muena biuma ujimina munkatshi mua midimu yende.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Bualu bua diba didi dibanda hohamue ne luhehele lua luiya lukole ne bidi bifubisha bisosa; ne tshilongo tshiabi tshidi tshimata hanshi ne bulengele bua mu mpala muatshi budi bujimina; muomumue kabidi, muntu mubanshi neajimisbibue mu nshila yandi.

Yakobe 1:11 ပူးပေါင်းရင်းမြစ်များ

2 Samuele 22:46

Kabatshiena bantuila nkanana. Badi bapatuka miaba idibu basokome, bazakala.

Misambu 102:11

Bualu udi ne tshiji, udi mufike munda, ke paudi mungambule, mungimanshe kule.

Misambu 102:4

Bualu matuku anyi a panu adi ajimina, bu mudi muinshi wa kapia, mifuba yanyi idi ipia bu nkunyi.

Misambu 103:15

Matuku a muntu a panuapa adi bu tshisosa tshia mu budimi, tshidi tshiela nzeba,

Misambu 37:2

Bualu nebafube lukasa bu bisoosa, nebuume bu biseki.

Misambu 39:6

Matuku anyi a panu adi anu bu ntanta ya tshianza. Bidimu bianyi bidi amu tshianana ku mesu ebe. Muntu nansha yeye ne muoyi, udi amu bu lupepele.

Misambu 90:6

mu dinda tshiela nzeba, tshidiunda, dilolu tshifuba, tshiume.

Muambi 5:15

Ndiakabi kaayi edi! Udi umuka pa buloba, amu muvuaye mufikepu! Mmuenze mudimu bua kupeta tshinyi? Amu lupepele!

Yeshaya 28:1

Nuenu bena Efrayime, nuenu badi bakuathika maluvu, nudi bena diakabi. Nudi nuditambisha bua tshimenga tshienu tshia Samariya, tshidi bu tshikata tshia lumu, tshinuvua base kulu, tshitangilangane ne tshibandabanda tshidi ne madimi mimpe. Kadi tshiotshi tshidi amu bu tshifulu tshienza ne bilongu bimpe. Bilongu ebi bidi bifubidile pa mitu ya bakuatshiki ba maluvu.

Yeshaya 28:4

Bilongu bikadi bifubidila. Bivua ku tshifulu tshivua tshitangilangane ne tshibandabanda tshia madimi mimpe, nebabidiatakaje mu makasa. Tshimenga tshia Samariya netshikale bu tshimuma tshia mfiku, tshidi tshidianjila kuboba, tshikondu tshia kupola, katshiyi tshianji kukumbana. Muntu wa kumpala watshimona, udi utshipola diakamue, udia.

Yeshaya 49:10

Kabakufua kabidi nzala nansha nyota to. Nansha tshipepele tshia mu tshipela, nansha munya mukole kabiakubakuata to. Bualu Meme udi ubaludika, ndi mbananga. Nembanuishe mayi matalale a mu mpokolu.

Matayi 13:6

Kadi munda munya, diba kuosha buloba. Mitshi kuuma, bualu kayi vua ne miji mile.

Matayi 20:12

bamuambila ne: “Udi mutete bena mudimu, bauvua muangate ku mudimu ku ndekelu, difutu dia momumue ne dietu. Kadi bobu bavua bakuate mudimu amu diba dimue. Tuetu tuvua bakuate mudimu mu munya mukole dituku dijima!”

Matayi 6:30

Mvidi Mukulu udi uvuadika bisosa, bidi lelu mu mpata, maloba babiosha. Nanku kena mua kunuvuadika nuenu bantu bilamba bimpe bipite anyi? Kadi ditaba dienu ndikese be!

Marke 4:6

Padi diba dibanda mulu, kuoshadi bisekiseki bivua bitoloke, kumabi bualu kabivua ne miji minene.

1 Korente 7:31

badi bakuata mudimu ne bia panu, basombe bu badi kabayi bakuata nabi mudimu. Bualu bia panu kabiena binenga kabidi mutantshi mule to.

1 Petro 1:4

kusanka bua bilenga bidi Mvidi Mukulu mulamine bantu bende. Bilenga abi kabiena bibola, kabiena binyanguka, kabiena bifubidila. Mvidi Mukulu mmunulaminebi mu diulu.

1 Petro 5:4

Nanku pamueneka Mfumu wa balami ba mikoku, nenupete nsala wa butumbi, udi kashidi kayi ututuka.