Tite 3:3 - MUKANDA WA MYIDI MUKULU

³ Bualu ku kale, tuetu kabidi katuvua ne meji to. Tuvua bena tshitunu, bantu bapambuke. Tuvua bapika ba malu mabi, ne ba masanka mabi a mishindu yonsu. Tuvua bena buenzavi ne lubabu. Tuvua tukina bakuabu, bobu kabidi bavua batukina.

Mukanda wa Nzambi Dihungila Dikulukulu ne Dihungila Dihia-dihia 2003

³ Bualu bua tuetu tuakadi bahote diambedi, tuakadi ne buhidia, tuakadi badingishibua, tuakadi tulonda nkuka ne masanka bia mishindu ya bungi; tuakadi tuikala ne lukinu ne mukau; tuakadi tukinyibua, tuakadi tukinangana.

Tite 3:3 ပူးပေါင်းရင်းမြစ်များ

Genese 38:9

Kadi misangu yonsu ivua Onane ubuelela mukaji awu mu nzubu, uvua wela mayi a balume panshi. Bualu kavua musue kulela ne mamu awu nansha. Uvua mumanye ne: bana badibu mua kupeta ne mukaji awu, nebikale anu ba mukuluende.

Genese 39:16

Mukaji kulama muntumpu wa Yozefe too ne pafiki bayende.

Misambu 36:2

Ndi muvuluke miaku idi ntomboji wakula, wamba ne: “Tutshine Mvidi Mukulu bua tshinyi?

Nsumuinu 8:5

Nuenu batshidi batshimbakane, longayi munudi mua kupeta meji. Nuenu bapote, ikalayi ne lungenyi.

Nsumuinu 9:6

Umbukayi padi batshimbakane, nenupete muoyi. Londayi njila wa lungenyi.”

Yeshaya 44:20

Bivua mua kuikala bimpe, batendelele nansha butu! Muoyi wabu mmubatshimbakaje, mubadinge. Mvidie wabu kena ubasungidila to. Kadi bobu mene kabena badiamba ne: “Bushuwa tshitudi natshi mu bianza, tshidi amu mvidie wa dishima.”

Obadya 1:3

Nudi nuditambisha, kadi nudi nudidinga. Nudi basombe pa mikuna mu mabue, miaba idi bantu kabayi mua kufika. Nudi nudiamba ne: ‘Nganyi watupatula? Nganyi watusakila panshi?’

Matayi 21:29

Muana kubenga ne: “Tshiena musue to.” Kadi pashishe kunyingalalaye bua miaku yende ayi, kuyaye mu budimi.

Luke 21:8

Yezu kuandamuna ne: — Nuadimukayi! Muntu kanushimi! Bualu bantu ba bungi nebafike, bangata dina dianyi, badiamba ne: “Ndi Kristu,” bamba kabidi ne: “Diba dikadi dikumbane!” Kanubalondi to.

Yowanane 8:34

Yezu kubandamuna ne: — Ndi nnujadikila ne: muntu yonsu udi wenza bualu bubi udi mupika wa bubi.

Rome 11:30

Kale nuenu bena bisamba bikuabu, nuvua batombokele Mvidi Mukulu. Kadi lelu Mvidi Mukulu mmunufuile luse, bualu bena Yuda bavua bamutombokele.

Rome 6:12

Nanku malu mabi kaena ne bua kutekesha kabidi mubidi wenu udi ufua, bua nuenu kuukumbajila bijingajinga biawu.

Rome 6:17

Kadi tutumbishayi Mvidi Mukulu: nuenu bavua kale bapika ba malu mabi, mpindiewu nudi bitabe ne muoyi wenu mujima malu malelela avuabu banulongeshe.

Rome 6:22

Kadi lelu mbanupikule ku bubi. Nudi nukuatshila Mvidi Mukulu mudimu. Ke munudi bantu ba tshijila, badi benza bidi Mvidi Mukulu musue. Ku ndekelu nenupete muoyi wa tshiendelele.

Rome 6:6

Tumanyayi bimpe bualu ebu ne: muntu utuvua kale awu wakafua ne Kristu ku mutshi mutshiamakane, bua mubidi wetu wa bubi ubutuke, bua katuikadi kabidi bapika ba bubi.

2 Korente 12:20

Ndi ntshina ne: pangafika, tshiakunusangana mushindu undi musue. Tshiyi munusangane nanku, nuenu kabidi kanuakunsangana mushindu unudi basue. Bumue nensangane amu mvita ne lubabu, tshiji ne difuilakana dia mianzu, bipendu ne buakulavi, ditambisha ne buenzavi. Ke tshindi ntshina.

Ngalate 6:3

Padi muntu uditemba ne: ndi kampanda, yeye kayi nanku, udi udishima nkayende.

Kolose 1:21

Ku kale nuenu kabidi nuvua kule ne Mvidi Mukulu. Nuvua baluishi bende, bua malu mabi onsu anuvua nuela meji, ne anuvua nuenza.

Kolose 3:7

Ku kale nuvua benze malu mabi a nanku, bualu mioyi yenu ivua mijame mu bilema ebi.

2 Timote 3:13

Kadi bantu babi ne bena dishima nebatungunuke amu kutungunuka ne dienza bibi. Nebashimangane. Bantu bakuabu nebabashime.

2 Timote 3:6

Bamue ba kudibu badi babuela mu nzubu ya bende, batekesha bakaji bena bitabataba, badi banyingalala bua mibi ivuabu benze kale, batua eku ne eku ne majinga a mishindu yonsu.

Tite 1:16

Badi bajadika ne: tudi bamanye Mvidi Mukulu. Kadi malu adibu benza adi aleja ne: kabena bamumanye to. Badi bantu babi, bantomboji, kabayi mua kukumbaja mudimu muimpe nansha umue.

Tite 2:12

Dinanga edi didi ditulongesha mua kuela nyima ku malu mabi, ne ku nkuka ya pa buloba, bua tuikale bena meji, tuenze bidi Mvidi Mukulu musue, tumuitabe.

Yakobe 1:26

Padi muntu wela meji ne: ndi nnemeka Mvidi Mukulu, kayi ulama ludimi luende, udi udishima. Dinemeka diende dia Mvidi Mukulu kadiena ne mushinga nansha mukese.

1 Petro 1:14

Nutumikile Mvidi Mukulu. Kanulondi majinga anuvua nawu kale, panuvua kanuyi banji kumanya bulelela.

Didimanyisha 12:9

Kuipatabu nyoka wa tshidika munene awu mu diulu. Nyoka awu ke nyoka wa kale, udibu binyika ne: diabolu, nansha Satane, udi udinga buloba bujima. Kumuimanshabu pa buloba, pamue ne batumibue bende bonsu.

Didimanyisha 13:14

Uvua upambuisha bantu ba pa buloba ku malu a dikema avuaye ne bukenji bua kuenza mu dina dia nyama wa kumpala. Kuambilaye bantu ba pa buloba, bua benze tshimfuanyi, banemekele natshi nyama uvuabu batape muele wa mvita, kadi mutshikale amu ne muoyi.

Didimanyisha 18:2

Uvua wela diyi dikole, wamba ne: “Eyi, tshimenga ntshibutuke! Tshimenga tshinene tshia Babilone ntshibutuke! Tshikadi mpindiewu muaba udi diabolu ne mikishi mibi ya mishindu yonsu bisombela. Nyunyi mibi ya mikiya ya mishindu yonsu kabidi idi isombamu.