Tite 3:13 - MUKANDA WA MYIDI MUKULU

¹³ Ambuluisha Zenase, mulumbuluidi wa bantu, ne Apolose, bua bapete bionsu bidibu bakengela bua luendu luabu.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Utume Zena, mumanyi wa mikenshi, ne Apolo ku mpala ku luendu luabo lubilu; bua kabahangi tshintu tshimue tshidibo nʼatshi bualu.

Tite 3:13 ပူးပေါင်းရင်းမြစ်များ

Matayi 22:35

Umue wabu, mulongeshi wa mikenji, uvua musue kuteta Yezu. Kumukonkaye ne:

Luke 10:25

Ke mulongeshi wa mikenji kufika kudi Yezu, kumuela lukonku bua kumuteya, wamba ne: — Mulongeshi, bua kupeta muoyi wa kashidi, ngenze tshinyi?

Luke 11:45

Mulongeshi mukuabu wa mikenji kumuamba ne: — Mulongeshi, udi utupenda ne tuetu, paudi wamba nanku!

Luke 11:52

Nuenu balongeshi ba mikenji, nudi bena diakabi! Bualu nudi bumushe nsapi idibu mua kunzulula nayi tshiibi tshia muaba wa kumanya malu. Nuenu mene kanuena numubuela. Kadi nudi nukandika kabidi badi bajinga kubuelamu.

Luke 14:3

Yezu kukonka balongeshi ba mikenji ne Baparushe ne: — Mikenji yetu idi yanyisha bua tujikije disama dia muntu dituku dia Dikisha anyi idi ibenga?

Luke 7:30

Kadi Baparushe ne balongeshi ba mikenji bavua babenga tshivua Mvidi Mukulu mubalongoluele. Nanku kabavua basue bua Yowanane abatue mu mayi.

Bienzedi 15:3

Tshisumbu tshia bena ditaba kubambuluisha bua kuya ku luendu alu. Bavua bapitshila mu Fenisiya ne mu Samariya, balondela bena matunga aa, muvua bantu ba mu bisamba bikuabu bitabe Mvidi Mukulu. Bualu abu buvua busankisha bena ditaba bonsu bikole.

Bienzedi 18:24

Muena Yuda mukuabu, mulelela mu Aleksandriya, dina diende Apolose, kufikaye mu Efeze. Uvua ngamba malu, mumanye Mikanda ya tshijila bilenga.

Bienzedi 19:1

Patshivua Apolose mu Korente, Polu kupitshila mu matunga a munkatshi mua Aziya mukese, kufika mu Efeze. Kusanganayemu bamue bena ditaba.

Bienzedi 21:5

Kadi lumingu alu lujika, tuetu kutungunuka ne luendu luetu. Bena ditaba bonsu, bakaji babu ne bana, kuya kutushindikija too ne ku mpenga kua tshimenga. Tuetu kutua binu ku muelelu wa mayi manene, kutendelela Mvidi Mukulu.

Bienzedi 28:10

Bena mu tshidila kudisankisha ne bintu bishilangane. Diba dia kulayangana nabu, kutupabu bionsu bituvua tukengela bua luendu.

Rome 15:24

Mvua musue kupitshila kuenu, pakumbana luendu luanyi lua kuya ku Espanye. Bualu ndi ntekemena kufika kuenu mu luendu alu bua kumonangana nenu. Ndi musue kushala nenu amue matuku, njinga kabidi bua nungambuluishe, bua mmone mua kufika ku ditunga dia Espanye.

1 Korente 16:11

Muntu kamupetudi. Numuambuluishe bua atungunuke ne luendu luende bimpe, apingane kundi. Bualu meme ne bena ditaba bakuabu tudi bamuindile.

1 Korente 16:12

Mvua musengelele muanetu Apolose bikole, bua afike kuenu aku pamue ne bena ditaba netu bakuabu. Kadi kena musue kuvua mpindiewu. Neafike papetaye diba.