Tite 2:2 - MUKANDA WA MYIDI MUKULU

² Longesha bantu bakulakaje bua badilame bimpe, badinemeke, bikale bena meji, bashindame mu ditaba, mu dinanga ne mu lutuulu.

Mukanda wa Nzambi Dihungila Dikulukulu ne Dihungila Dihia-dihia 2003

² ne balume bakulumpe bikale ne meshi mahole; bikale ne kanemu; bikale ne meshi mahuekele; bikale balenge mu ditabusha ne mu dinanga ne mu ditantamana.

Tite 2:2 ပူးပေါင်းရင်းမြစ်များ

Yobe 12:12

Bantu bakulumpe badi bajingulula malu. Badi balala panu baboboke, ke badi ne lungenyi.”

Misambu 92:14

Udi bu mutshi mukuna mu lubanza lua nzubu wa Mvidi Mukulu, udi udiunda mu nzubu mua Maweja-Nangila Mvidi Mukulu wetu.

Nsumuinu 16:31

Nsuki mitoke nnsala wa kalumbandi, bualu amu bantu bakane ke badi balala matuku mavule pa buloba.

Yeshaya 65:20

Kabakusangana kabidi muana mutekete ufua ne bidimu bikese, nansha mukulumpe udi kayi ukulakaja uboboka. Bualu wafua mutekete amu udi ufua pa mvula lukama. Wikale kayi mupete bidimu ebi, nebamutangile bu muntu muela mulawu.

Lewitiki 19:32

“Panudi numona muntu mukulumpe, nujuke kulu ne kanemu. Nuleje munudi nunnemeka. Bualu meme ndi Maweja-Nangila Mvidi Mukulu wenu.

Marke 5:15

Batantshila kudi Yezu, kumonabu muntu uvua ne mikishi mibi ya bungi awu musombe panshi, muvuale bilamba, lungenyi luende lubutame. Buowa kubakuata.

Luke 8:35

Ke bantu kufika bua kudimuena bivua bienzeke. Basemena pabuipi ne Yezu, kusanganabu muntu uvua mikishi mibi mishiye, musombe ku makasa a Yezu, muvuale bilamba, lungenyi lubutama. Ke bowa kukuata bantu.

Bienzedi 24:25

Kadi pakavua Polu ulongesha mudi muntu ne bua kukumbaja bidi Mvidi Mukulu musue, kudikolela, kudilongolola ku dituku diavua Mvidi Mukulu kulumbuluisha bantu, Felikse kukuatshika buowa, kuamba ne: — Abi mbikumbane! Nenkubikidishe kabidi, pangapeta diba.

Rome 12:3

Mu dina dia dipa didi Mvidi Mukulu mumpeshe ku luse luende, ndi nnuambila bonsu ne: kanuditembi bu bapite bakuabu nansha. Ikalayi ne lungenyi lua kalolu. Yonsu wa kunudi adiangate ne mushinga, bilondeshile mudiye muitabe Mvidi Mukulu.

1 Korente 15:34

Mbimpe nupete tshiakabidi meji mempe. Lekelayi kuenza malu mabi. Bamue ba kunudi kabena bamanye Mvidi Mukulu to, ke bundu buenu!

1 Korente 9:25

Bonsu badi banaya nanku, badi badikengesha, bajila bintu bivule. Badi benza nanku bua kupeta nsala wa kalumbandi wa matuku makese. Kadi tuetu tudi tunyema bua kupeta nsala wa kalumbandi udi ushala kashidi.

2 Korente 5:13

Pikalabu batuambule mulu, tshilumbu atshi tshidi tshitutangila amu tuetu ne Mvidi Mukulu. Kadi bualu buenu tudi ne bua kukuata mudimu ne lungenyi.

Ngalate 5:23

bupole, didikanda. Bushuwa, mikenji kayena ibengangana ne malu a nanku.

Filipe 4:8

Nanku bana hetu, nutambe kutabalela bionsu bidi bimpe, kabidi bidi bantu mua kupa lumu: ke bionsu bidi bia bulelela, bidi bantu mua kunemeka, bidi biakane, bidi kabiyi ne kalema, bidi bisankisha bantu, bidi bantu mua kutumbisha.

1 Tesalonike 5:6

Nenku katuena ne bua kulala tulu, mudi bantu bakuabu benza. Kadi tutabalayi, tudilame ku bunuavi.

1 Tesalonike 5:8

Kadi tuetu badi benda mu munya, tudilame ku bunuavi ne ku budiavi. Tudi ne bua kuvuala ditaba ne dinanga, mudibu bavuala kazaku ka tshiamu mu mvita. Tuvuale kabidi ditekemena dia tuetu kupanda, mudibu basa tshifulu tshia tshiamu ku mutu.

1 Timote 1:10

bena buendenda, bakulumpe badi banyanga bana, bantu badi basumbishangana bapika, bena dishima, bantu badi baditshipa mitshipu ya dishima, ne bonsu badi benza malu adi abengangana ne dilongesha dilelela.

1 Timote 1:14

Nanku Mfumu wetu kunnanga ne dinanga dipite bunene. Kumpeshaye ditaba ne dinanga, bitudi tupeta patudi tudisanga ne Yezu Kristu.

1 Timote 1:2

Timote, muananyi menemene mu ditaba, ndi nkufundila mukanda ewu, nkujingila ne: dinanga, luse, ne bupole, bia kudi Mvidi Mukulu Tatu ne Mfumu wetu Yezu Kristu, bishindame mu muoyi webe.

1 Timote 1:5

Ndi nkutumina diyi edi bua usake bantu ku dinanga, didi bantu ba muoyi mutoke nadi, padibu banyisha bilenga bidi kondu ka munda kabambila. Bikale kabidi ne ditaba dishindame.

1 Timote 3:11

Bakaji babu kabidi badi ne bua kudinemeka. Kabikadi bena bijanu. Bamanye mua kudilama. Bikale bantu ba diyi dimue mu malu onsu.

1 Timote 3:2

Kadi mulombodi wa Tshisumbu tshia bena ditaba kikadi ne bualu budibu mua kumudiwula nabu. Ikale muena mukaji umue. Ikale muntu udi udilama, muena meji, muntu udi mumanye mua kusomba ne bantu, kuakidila benyi, kulongesha bimpe.

1 Timote 3:4

Amanye mua kulombola nzubu wende bimpe. Bana bende bamutumikile ne kanemu.

1 Timote 3:8

Bambuluishi ba balombodi kabidi badi ne bua kudinemeka. Bikale kabidi bena diyi dimue. Kabikadi banuavi, nansha bantu badi bakeba kupeta biuma mu njila mibi.

1 Timote 5:1

Kubedi mukulumpe ne lonji nansha. Kadi uyukile nende, mumutangile bu tatuebe. Uyukile ne bansonga, mubatangile bu bana benu.

Tite 1:13

mMuambilemu! Ke paudi ne bua kubabela bikole bua bapingane mu ditaba dilelela.

Tite 1:8

Amanye mua kuakidila bimpe benyi. Anyishe bilenga bidi bantu benza. Ikale muntu wa meji, muntu muimpe, wa tshijila, udi mumanye mua kudikokesha.

Tite 2:7

Wewe mene wikale tshilejilu mu midimu mimpe yonsu. Wikale muambi wa nsongu, udi mushindike tshidiye ulongesha.

Filemone 1:9

ndi musue amu kukusengelela, bua dinangangana dietu dimueneke patoke. Meme Polu nkadi mukulakaje. Ndi kabidi mu lukanu, bualu ndi muitabe Yezu Kristu.

1 Petro 1:13

Nanku nudilongolole bua numone mua kukuata mudimu. Nutabale muenu muonsu, batekemene bikole dipa dianupeshabu dituku diamueneka Yezu Kristu.

1 Petro 4:7

Nshikidilu wa bionsu ukadi pabuipi. Nusombe ne meji, batabale, bua numone mua kutendelela.

1 Petro 5:8

Ikalayi batabale, nudimuke! Bualu muluishi wenu diabolu udi bu nyama wa ntambue, ukungula, ukeba wa kudiaye.

2 Petro 1:6

ku dimanya didikolela, ku didikolela dinanukila, ku dinanukila dinemeka Mvidi Mukulu,