Tite 2:14 - MUKANDA WA MYIDI MUKULU

¹⁴ Yeye mene uvua mudifile buetu tuetu, bua kutupikula ku bubi buonsu, kutulengeja, kutuenza bantu bende badi bamuitaba amu Yeye, benza midimu mimpe ne disuminyina.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Yeye wakadifila bua bualu buetu, bua kutuhikula ku malu mabi onso, ne bua kudilengeshila bantu badi mua kuikala bandi bine, bikala ne lukunukunu lua kuenza midimu mimpe.

Tite 2:14 ပူးပေါင်းရင်းမြစ်များ

Genese 48:16

Mutumibue wa Mvidi Mukulu, uvua mungepule ku malu mabi onsu, neele bana banyi aba lupemba. Dina dianyi ne dia bankambua banyi, Abrahame ne Izake, disanguke ku bukole bua bana ba balume aba! Bana aba bikale ne ndelanganyi ya bungi, buwuje ditunga edi!

Misambu 130:8

Yeye ke udi mua kunusungidila ku bilema bienu bionsu.

Misambu 135:4

Maweja-Nangila mmusungule Yakobe, musungule Izrayele bua ikale tshintu tshiende.

Ekesode 15:16

Bowa ne dipampakana kubakuata bonsu. Baluishi kumona bukole buebe. Kuimanabu bu mabue, kabayi banyunga. Bantu baudi musungule, mubenze bebe, kupita talalaa, kamuyi bualu.

Yezekiyele 36:25

Nennupumuine mayi matoke pambidi penu bua kunumusha mikiya. Eyowa, nennumushe bubi buenu buonsu, ne bukoya bunuvua bapete pa kutendelela mvidie mikuabu.

Yezekiyele 37:23

Kanuena nudinyanga kabidi pa kutendelela mvidie mikuabu ya manyanu, pa kuenza malu mabi a mishindu yonsu. Nennusungidile bua nulekele mibi yonsu ivua inupetesha tshibawu kundi. Nennumushe mikiya. Nenuikale bantu banyi, meme nengikale Mvidi Mukulu wenu.

Lewitiki 25:41

Tshidimu atshi, numulekele, aye ne bana bende kuabu. Numupingajile kabidi madimi ende.

Malaki 3:3

Neasombe panshi, bu mudi muntu udi wengulula, ulengeja tshiamu. Neumbushe mikiya yonsu ya batuangaji ba mu ndelanganyi ya Levi, pashishe bobu nebalambule milambu yabu kudi Maweja-Nangila. Neabatokeshe bu mudibu batokesha tshiamu tshia mpawungi, ne tshiamu tshitoke tshia mushinga mukole. Diba adi, batuangaji nebafile milambu yabu kudi Maweja-Nangila, mushindu udi mikenji yamba.

Dibadika 25:13

Ndondu awu udi bualu buende ne bua ndelanganyi yende, udi ubenza batuangaji bua kashidi. Pinhase wandeji mudiye mundamate, meme Mvidi Mukulu wende, muende muonsu. Ke pandi mufuile bena Izrayele bonsu luse mu dina diende.

Matayi 1:21

Nealele muana wa balume. Neumuinyike dina ne: Yezu, bualu neasungile bantu bende ku mibi yabu.

Matayi 20:28

Nanku Muana wa muntu kena mufike bua bamuenzele mudimu, kadi amu bua kukuatshila bantu bakuabu mudimu, ne bua kufila muoyi wende bua kupikula bantu ba bungi.

Matayi 3:12

Yeye ke udi ne lubenji mu bianza biende, bua kupepula bisote, kushiya ntete. Neateke ntete mu diyeba. Kadi bisote neabioshe mu kapia kadi kakayi kajima.

Yowanane 6:51

Meme ndi diampa dia muoyi difume mu diulu. Wadia diampa edi, neashale ne muoyi tshiendelele. Diampa dindi mfila, mmubidi wanyi meme. Ndi ngufila bua bantu bikale ne muoyi.

Bienzedi 15:14

Simone mmutulondele muvua Mvidi Mukulu mene mudianze kukuata mudimu, bua kusungula munkatshi mua bantu ba bisamba bikuabu bantu bende, badi banemeka dina diende.

Bienzedi 15:9

mMumushe kansungasunga konsu munkatshi muetu nabu. Ke padiye mujimije mibi yabu, bualu bavua bitaba.

Bienzedi 20:28

Dimukayi! Nudilame bimpe, nulame Tshisumbu tshia mikoku, tshidi Mueyelu wa Tshijila munupe. Nukube Tshisumbu tshia bena ditaba, tshidi Mvidi Mukulu mupete ku lufu lua muanende mulela.

Bienzedi 9:36

Mu Yope muvua mukaji muena ditaba, dina diende Tabita (ke “Dorkase” mu buena ngreke, mmomumue ne “ngulungu.”) Uvua wenza malu mempe a bungi, wambuluisha kabidi bapele.

Ngalate 1:4

Kristu mmudifile bua kutusungidila ku mibi yetu, kutupikula ku tshikondu tshibi tshia lelu etshi. Ke muvuaye mukumbaje bivua Mvidi Mukulu Tatu wetu musue.

Ngalate 2:20

Nanku udi ne muoyi ki mmeme to. Kadi Kristu udi ne muoyi munda muanyi. Muoyi undi nawu mpindiewu panu, ndi nawu, bualu ndi ngitaba Muana wa Mvidi Mukulu, uvua munnange, mufue kabidi bualu buanyi.

Ngalate 3:13

Kristu uvua mudienze muena tshibawu pa muaba wetu, bua kutupikula ku tshibawu tshituha natshi bualu bua mikenji. Bualu Mikanda ya tshijila idi yamba ne: “Muntu udibu balembeleja ku mutshi mmuena tshibawu.”

Efeze 1:11

Munda mua Kristu, tudi bafike muaba wa lupandu. Mvidi Mukulu mmudianze kutusungula muvuaye musue. Bualu Mvidi Mukulu udi ukumbaja bionsu, amu muvuaye mubijadike, mujinge kabidi ne: bikale nanku.

Efeze 2:10

Bualu amu Mvidi Mukulu ke udi mutufumbe, mutufuke bua tuetu kudisanga ne Yezu Kristu, bua tukumbaje malu mimpe akavuaye mudianze kulongolola bua tuetu kuenza.

Efeze 5:2

Nulonde njila wa dinanga. Vulukayi muvua Kristu mutunange, mudifile bualu buetu, bu mulambu wa dipembu dimpe, uvua usankisha Mvidi Mukulu.

Dielulula 14:2

Nudi tshisamba tshia tshijila tshia Maweja-Nangila Mvidi Mukulu wenu. Nuenu ke badiye musungule munkatshi mua bisamba bikuabu bidi pa buloba, bua nuikale tshisamba tshiende menemene.

Dielulula 26:18

Nuenu kabidi nuvua bamulaye bua kuikala tshisamba tshiende, tshia bantu badiye mupite kunanga, badi bakumbaja meyi ende ne mikenji yende.

Dielulula 4:20

Kadi nuenu bena Izrayele, Maweja-Nangila mmunukebe, munupatule kabidi mu Ejipitu, munuvua munkatshi mua dikenga dikole, bua nuikale tshisamba tshiende yeye, bu munudi lelu.

Dielulula 7:6

Nuenu bena Izrayele nudi tshisamba tshijidila Maweja-Nangila Mvidi Mukulu wenu. Nuenu ke badi Maweja-Nangila musungule, bua nuikale tshisamba tshiende tshisunguluke munkatshi mua bisamba bikuabu bionsu bia pa buloba.

1 Timote 1:15

Bindi ndongesha ebi bidi bilelela. Bantu bonsu bitabe ne: Yezu mmufike pa buloba bua kusungidila bantu babi. Meme ndi mubapite bonsu ku bubi.

1 Timote 2:10

Kadi badilengeje ne malu mimpe adibu benza. Ke bidi bakaji badi banemeka Mvidi Mukulu ne bua kuenza.

1 Timote 2:6

Yeye uvua mudifile bua kupikula bantu bonsu. Ke muvuaye muleje mu tshikondu tshivua Mvidi Mukulu mujadike ne: Mvidi Mukulu mmusue kusungidila bantu bonsu.

1 Timote 6:18

Ubambile bua benze malu amu mimpe. Buabu buneme buikale mu midimu ya luse. Bikale bantu ba kalolu, badi bamanye mua kuabanyangana ne bakuabu bidibu nabi.

Tite 2:7

Wewe mene wikale tshilejilu mu midimu mimpe yonsu. Wikale muambi wa nsongu, udi mushindike tshidiye ulongesha.

Tite 3:8

Miaku indi ndongesha eyi idi milelela. Ndi musue wambulule malu awu misangu mivule, bua bantu badi bitaba Mvidi Mukulu bakumbaje midimu mimpe ne dinanukila. Ke bidi bimpe, bilengelela bantu.

Ebrewu 1:3

Muanende ewu ke udi uleja bukole bua butumbi bua Mvidi Mukulu, ke udi uleja menemene mudi Mvidi Mukulu, kabidi udi ushindika bintu bionsu ku bukole bua muaku wende. Mumane kujimijila bantu bubi buabu, mmuye kusomba mu diulu ku tshianza tshia balume tshia Mvidi Mukulu, muena bukole buonsu.

Ebrewu 10:24

Tuambuluishanganayi bua tumone mua kukoleshangana ku muoyi, tunangangane, tuenze malu mimpe.

Ebrewu 9:14

Pikalabi nanku, kadi mashi a Kristu neikale ne bukole kaayi? Neikale ne bukole bupite. Ku bukole bua Mueyelu wa tshiendelele, uvua mudilambule nkayende kudi Mvidi Mukulu bu mulambu kauyi kalema. Nanku mashi ende neumushe mu muoyi wetu malu onsu a tshianana, bua tumone mua kuenzela Mvidi Mukulu wa muoyi mudimu.

Yakobe 4:8

Semenayi kudi Mvidi Mukulu. Nanku Yeye neasemene kunudi. Nuenu bena mibi, owayi bianza bienu. Nuenu bena mpala ibidi, shindikayi mioyi yenu kudi Mvidi Mukulu nkayende!

1 Petro 1:18

Nudi bamanye muvuabu banupikule ku nsombelu wa patupu, uvua bankambua benu banushile. Ki mbanupikule ku bintu bia lupitapita, bu mudi tshiamu tshia mpawungi, nansha tshiamu tshitoke tshia mushinga mukole.

1 Petro 1:22

Panuvua bitabe bulelela, nuvua badilengeje, bua numone mua kunanga ne muoyi umue bena ditaba nenu. Nanku nunangangane bikole, kabidi ne muoyi wenu mujima.

1 Petro 2:12

Nuenze malu mimpe munkatshi mua bantu ba bisamba bikuabu. Nanku nansha bobu banushiminyina ne: nudi benji ba malu mabi, pafika Mvidi Mukulu nebajingulule malu enu mimpe. Diba adi nebatumbishe Mvidi Mukulu.

1 Petro 2:9

Kadi nuenu nudi tshisamba tshisungula. Nudi batuangaji ba Mukalenga, tshisamba tshia tshijila, bantu ba Mvidi Mukulu. mBanusungule bua kumanyisha bantu malu a dikema adi Mvidi Mukulu muenze. Bualu uvua munubikile bua nupatuke mu miidima, nubuele mu butoke buende bupite buimpe.

1 Petro 3:18

Bualu Kristu mene mmufue musangu umue bua kashidi, bualu bua mibi ya bantu. Yeye, uvua kayi ne bualu, mmufuile bena tshibawu, bua kunufikisha kudi Mvidi Mukulu. mBamushipe, bualu uvua muntu. Kadi mbamubishe ku bafue ku bukole bua Mueyelu wa Tshijila.

1 Yone 1:7

Kadi tuetu bende mu butoke, mudi Mvidi Mukulu mu butoke, nanku bonsu tudi tuenza tshintu tshimue, kabidi mashi a Yezu, Muanende, adi atupikula ku bubi buonsu.

1 Yone 1:9

Kadi tuetu batondele Mvidi Mukulu mibi yetu, tudi mua kutekemena ne: Mvidi Mukulu neakumbaje bivuaye mulaye. Neatujimijile mibi yetu; neatupikule ku bubi buonsu.

1 Yone 3:2

Balunda banyi, mpindiewu tukadi bana ba Mvidi Mukulu. Kadi mutuikala pashishe ki mmuanji kumanyika patoke. Kadi tshitudi bamanye ngetshi: padi Kristu umueneka, netuikale bafuanangane nende, bualu netumumone muonsu mudiye.

Didimanyisha 1:5

ne bia kudi Yezu Kristu, udi ujadika malu mudiwu, Muanabute, Wa kumpala udi mubiike ku bafue, Mukalenga wa bakalenga bonsu ba pa buloba, bishindame munda muenu. Kristu udi utunanga. mMutupikule ku mibi yetu ku lufu luende.

Didimanyisha 5:9

Bavua bimba musambu mupiamupia, bamba ne: “Wewe udi muakanyine kuangata mukanda, kulamuna bitampi biawu. Bavua bakushipe. Nanku ku lufu luebe, Wewe kupikuila Mvidi Mukulu bantu, ba meku onsu, ba miakulu yonsu, ba bisamba bionsu, ne ba mu matunga onsu.