Tite 2:13 - MUKANDA WA MYIDI MUKULU

¹³ Ke mutudi mua kuindila dituku dia disanka ditudi tutekemena. Dituku adi butumbi bua Mvidi Mukulu wetu munene ne Musungidi Yezu Kristu nebumueneke patoke.

Mukanda wa Nzambi Dihungila Dikulukulu ne Dihungila Dihia-dihia 2003

¹³ hatudi tuindila ditekemena dietu dia disanka, ne dimueneka dia butumbi bua Nzambi munene ne Musungidi wetu, Yesu Kilisto.

Tite 2:13 ပူးပေါင်းရင်းမြစ်များ

Yeshaya 25:9

Dituku adi, bantu nebambe ne: “Yeye ke Mvidi Mukulu wetu. Tuvua batekemene amu kudiye, Yeye kutusungidila. Eyowa, tuvua batekemene amu kudi Maweja-Nangila. Tudi tusanka, tudi ne musangelu, bua padiye Mutusungidi wetu.

Matayi 16:27

Bualu Muana wa muntu neafike, mu butumbi bua tatuende, pamue ne batumibue bende. Diba adi neafute muntu yonsu, bilondeshile malu avuaye muenze.

Matayi 25:31

— Dituku diafika Muana wa muntu, kabidi dialejaye butumbi buende buonsu, batumibue ba Mvidi Mukulu bonsu nebikale nende. Neaye kusomba mu nkuasa wende wa butumbi.

Matayi 26:64

Ke Yezu kumuandamuna ne: — Muudi muambe amu mmomu. Kadi ndi nnujadikila ne: kutuadija ku mpindiewu nenumone Muana wa muntu musombe ku dia balume dia Mvidi Mukulu wa bukole buonsu. Nenumumone kabidi upueka mu mavuba a mu diulu.

Marke 14:62

Yezu kuandamuna ne: — Eyowa, mmeme. Kabidi nenumone Muana wa muntu musombe ku dia balume dia Mvidi Mukulu wa bukole buonsu. Nenumumone kabidi uluila mu mavuba a mu diulu.

Marke 8:38

Pikala muntu ufua bundu bualu buanyi ne bua miaku yanyi munkatshi mua bena lelu, badi babenga Mvidi Mukulu, benza malu mabi, nenku Muana wa muntu kabidi neafue bundu bualu buende pafikaye mu butumbi bua Tatuende pamue ne batumibue ba tshijila.

Bienzedi 24:15

Ndi mutekemene kudi Mvidi Mukulu, amu mudibu bobu mene batekemene ne: bantu bimpe ne babi nebabiike ku bafue.

Rome 15:13

Bu munudi nuitaba Mvidi Mukulu, udi utupa ditekemena, anuwuje kabidi ne disanka, kabidi ne bupole tshishiki, bua ditekemena dienu diye amu kumpala ku bukole bua Mueyelu wa Tshijila.

Rome 5:5

Ditekemena adi kadiena ditushima to. Bualu Mvidi Mukulu mmumuangalaje dinanga diende mu mioyi yetu, ku bukole bua Mueyelu wa Tshijila uvuaye mutupeshe.

Rome 8:18

Ndi mumone ne: mutudi tukenga lelu emu, katuena mua kumufuanyikija ne butumbi buatupesha Mvidi Mukulu.

1 Korente 1:7

Ke munudi kanuyi bapange dipa dia Mvidi Mukulu nansha dimue, nuenu badi bindile tshikondu tshidi Mfumu wetu Yezu Kristu ne bua kumueneka mu butumbi buende.

2 Korente 4:4

Diabolu, nwidie mubi wa pa buloba ebu, mmututubije lungenyi luabu. Ke padibu kabayi mua kuitaba Lumu lua Disanka, kabayi mua kumona bukenke budilu lutangalaja. Mu bukenke ebu butumbi bua Kristu budi bumueneka patoke. Mu Kristu mene Mvidi Mukulu udi umueneka.

2 Korente 4:6

Mvidi Mukulu uvua muambe ne: “Butoke bukenke mu miidima!” Ke muvuaye mukenkeshe butoke buende mu mioyi yetu, bua mmanye butumbi bua Mvidi Mukulu budi bubalakana pa mpala wa Kristu.

Kolose 1:23

Kadi nudi ne bua kunanukila mu ditaba, bashindamemu, kanuyi nutenkakana. Kanujimiji ditekemena dinu-vua bapete, katshia banumanyisha Lumu lua Disanka. Ke Lumu lua Disanka luvuabu balongeshe bantu bonsu, kabidi lundi meme Polu ngenzela mudimu, muvua Mvidi Mukulu musue.

Kolose 1:27

Mvidi Mukulu uvua musue kubamanyisha meji masokome mimpe, a mushinga mukole, adiye nawu bualu bua bantu bonsu. Adi nunku: Kristu udi munda muenu. Bualu buende nudi mua kutekemena ne: netudisange ne Mvidi Mukulu mu butumbi buende.

Kolose 1:5

Pavua Lumu lua Disanka, ludi lunuambila malu malelela, lufike kuenu musangu wa kumpala, batua banumanyishe ditekemena didilu lunupetesha. Nenku ditaba ne dinanga binudi nabi, bidi bishindamene pa binudi nutekemena, bidibu banulamine mu diulu.

Kolose 3:4

Muoyi wenu mulelela ke Kristu. Nanku diba diamuenekaye, nenumueneke kabidi pamue nende. Nenudisange nende mu butumbi buende.

2 Tesalonike 2:16

Mvidi Mukulu Tatu wetu mmutunange, mmutupe kabidi ditekemena dishindame ku luse luende, bua tuindile ne muoyi mukole matuku adi kumpala. Tudi tumulomba, tulomba ne Mfumu wetu Yezu Kristu,

2 Tesalonike 2:8

Diba adi Muena bubi neamueneke. Kadi Mfumu Yezu neamushipe ku mueyelu wa mukana muende. Neamubutule amu ku bukenke bua difika diende.

1 Timote 1:1

Meme ndi Polu, mupostolu wa Yezu Kristu ku diyi dia Mvidi Mukulu, Musungidi wetu, ne ku diyi dia Yezu Kristu utudi tutekemena.

2 Timote 1:2

Timote, muananyi munanga, ndi nkutumina mukanda ewu, nkujingila ne: dinanga, luse, ne bupole, bia kudi Mvidi Mukulu Tatu ne Mfumu wetu Yezu Kristu bishindame munda muebe.

2 Timote 4:1

Ndi nkusengelela kumpala kua Mvidi Mukulu ne kua Yezu Kristu, walumbuluisha ba muoyi ne bafue, ndi nkulomba mu dina dia difika dia Yezu Kristu, ne dia Bukalenga buende, ne:

2 Timote 4:8

Mpindiewu tshidi tshinshadile tshidi amu bua meme kupeta nsala wa lumu. Mfumu, udi ukosa nsambu pa yoyi, neangele ka lumbandi dituku dia Tshilumbuluilu. Kakungela amu meme nkayanyi. Kadi neele kabidi bantu bonsu badi bindila ne dinanga diba didiye mua kumueneka.

Tite 1:2

Ke mudibu mua kutekemena muoyi wa kashidi, udi Mvidi Mukulu, udi kayi ushima, mudianze kutulaya kumpala kua bidimu bionsu.

Tite 1:4

Wewe Tite udi muananyi mulelela mu ditaba didi didisanga nebe. Ndi nkufundila mukanda ewu, nkujingila ne: dinanga ne bupole bia kudi Mvidi Mukulu Tatu ne Yezu Kristu, Musungidi wetu, bishindame munda muebe.

Tite 3:4

Kadi pakumueneka muoyi mulenga wa Mvidi Mukulu, Musungidi wetu, ne dinanga diende dia bantu,

Ebrewu 9:28

Ke muvuabu balambula Kristu musangu umue bua kujimija mibi ya bantu ba bungi. Neamueneke musangu muibidi, ki mbua kujimija mibi, kadi mbua kusungila badi bamuindila.

1 Petro 1:3

Tutumbishayi Mvidi Mukulu, Tatu wa Mfumu wetu Yezu Kristu! Bu mudiye ne luse luvule, mmutupe muoyi mupiamupia pa kubisha Yezu Kristu ku bafue. Ke mutudi mua kutekemena bikole,

1 Petro 1:7

Makenga aa adi mua kujadika bukole bua ditaba dienu. Tshiamu tshia mpawungi tshidi tshintu tshia panu tshidi tshijimina. Kadi badi batshiteta mu kapia. Ke mudibu bateta mu makenga ditaba dienu, didi dipita tshiamu tshia mpawungi ku mushinga, bua kujadika bukole buadi. Nanku dituku diafika Yezu Kristu, nebanuele kalumbandi, nebanutumbishe, nebanupe lumu.

2 Petro 1:1

Meme Simone Petro, mupostolu ne muena mudimu wa Yezu Kristu, ndi mfundila bonsu bavua bapete ditaba dia mushinga mukole dia mushindu umue ne ditudi nadi. Nudi badipete ku disua dilenga dia Mvidi Mukulu wetu ne dia Musungidi Yezu Kristu.

2 Petro 3:18

Kadi nuidikije mua kuya kumpala mu dinanga, ne mu dimanya dia Mfumu wetu ne Musungidi Yezu Kristu. Yeye mene udi ne butumbi mpindiewu ne tshiendelele! Amene.

1 Yone 4:14

Tuvua bamone, ke patudi tujadika ne: Tatu uvua mufume Muanende, bua kuikalaye Musungidi wa bantu.

Yuda 1:21

Nuvuluke kashidi ne: Mvidi Mukulu udi utunanga Nutekemene luse lua Mfumu wenu Yezu Kristu, ludi lunupetesha muoyi wa kashidi.

Didimanyisha 1:7

Tangila: udi upueka mu mavuba! Bantu bonsu nebamumone, nansha bavua bamutubule mubidi. Bisamba bionsu bia pa buloba nebidile muadi bualu buende. Eyowa, nebikale nanku! Amene.