Tite 2:12 - MUKANDA WA MYIDI MUKULU

¹² Dinanga edi didi ditulongesha mua kuela nyima ku malu mabi, ne ku nkuka ya pa buloba, bua tuikale bena meji, tuenze bidi Mvidi Mukulu musue, tumuitabe.

Mukanda wa Nzambi Dihungila Dikulukulu ne Dihungila Dihia-dihia 2003

¹² utuyisha ne, Hatuahidia malu adi kâi a Nzambi ne nkuka ya ha buloba, tuikale ne meshi mahuekele ne makane ne a Nzambi hatutshidi ha buloba ebu,

Tite 2:12 ပူးပေါင်းရင်းမြစ်များ

Misambu 105:45

bua kulondabu mikenji yende, ne kulonda malongesha ende. Tumbishayi Maweja-Nangila, Aleluya!

Misambu 4:3

Nuenu aba nenunyange lumu luanyi too ne ku diba kaayi? Nudi nunanga kunshiminyina malu patupu. Nudi nukeba kunjana bua tshinyi?

Yezekiyele 36:27

Nenteke Mueyelu wanyi munda muenu. Nenku nennuambuluishe bua nuitabe meyi anyi, nulame mikenji imvua munupe, nuyikumbaja.

Matayi 12:32

Muntu udi upenda Muana wa muntu, nebajimije mibi yende. Kadi udi wamba Mueyelu wa Tshijila bibi, kabena mua kujimija mibi yende, nansha panu, nansha matuku atshidi kumpala.

Matayi 16:24

Pashishe Yezu kuambila balongi bende ne: — Pikala muntu musue kuenda nanyi mu njila, anji kudibenga, ambula wende mutshi mutshiamakane, andonde.

Matayi 28:20

Nubalongesha kabidi mua kukumbaja bionsu bimvua munuambile. Manyayi ne: Meme nengikale nenu matuku onsu, too ne ku ndekelu kua bidimu.

Luke 1:6

Bonsu babidi bavua bakumbaja bivua Mvidi Mukulu musue, batumikila bimpe menemene mikenji yonsu ne meyi onsu bia Maweja-Nangila.

Luke 1:75

bua tuikale bantu ba tshijila, tukumbaje tshidiye musue, matuku onsu atutshidi ne muoyi panu.

Yowanane 14:30

Tshiena mua kuyukila nenu kabidi bia bungi to. Bualu mfumu wa pa buloba ebu udi ulua. Kena mua kuntumina diyi to.

Yowanane 6:25

Kusanganabu Yezu dishiya dia dijiba. Kumukonkabu ne: — Mulongeshi, udi mufike apa diba kaayi?

Bienzedi 24:16

Ke pandi ngenza muanyi muonsu, bua kondu kanyi ka munda kikale katalale kumpala kua Mvidi Mukulu ne kua bantu.

Bienzedi 24:25

Kadi pakavua Polu ulongesha mudi muntu ne bua kukumbaja bidi Mvidi Mukulu musue, kudikolela, kudilongolola ku dituku diavua Mvidi Mukulu kulumbuluisha bantu, Felikse kukuatshika buowa, kuamba ne: — Abi mbikumbane! Nenkubikidishe kabidi, pangapeta diba.

Rome 12:2

Kanulondi bidi bena panu benza. Kadi nuanyishe bua Mvidi Mukulu ashintulule meji enu onsu, bua nuikale bantu bapiabapia. Nenku nenujingulule bidi Mvidi Mukulu musue, bidi bimpe, bimulengelela, bidi biakane tshishiki.

Rome 6:12

Nanku malu mabi kaena ne bua kutekesha kabidi mubidi wenu udi ufua, bua nuenu kuukumbajila bijingajinga biawu.

Rome 6:19

Ndi ngumvuija ne tshimfuanyi tshia bupika, musombele bantu bamba, bua numvue bimpe bindi ndongesha. Kale nuvua nufila bidimba bienu ne muoyi wenu mujima bua bikale bapika ba malu mabi ne ba buenzayi, bua nuenze nabi bidi Mvidi Mukulu ubenga. Momumue mpindiewu nubifile ne muoyi wenu, bua bikale bia tshijila, bua nuenze nabi bidi Mvidi Mukulu musue.

Rome 8:13

Bualu panuikala nukeba bidi buntu buenu nkayabu bujinga, nenufue. Kadi panuikala nubenga malu mabi onsu ku bukole bua Mueyelu wa Tshijila, nenuikale ne muoyi.

2 Korente 1:12

Tudi mua kuditemba, bualu kondu ken ka munda kadi kanjadikila ne: ndi bende panu, nangananga munkatshi muenu, ne muoyi wa didipuekesha, kanyi ndinga bann, balonde bidi Mvidi Mukulu wenza. Nanku tshivua tshindudika ki mmeji a bann nansha, kadi amu dinanga didi Mvidi Mukulu utunanga nadi.

2 Korente 7:1

Bana hetu basuibue, ke bivuabu batulaye tuetu. Nanku tudilongololayi, tumushe manyanu onsu adi pambidi, tuditokeshe kabidi mu muoyi wetu. Tuikale bantu ba tshijila menemene, badi benza bidi Mvidi Mukulu musue.

Ngalate 1:4

Kristu mmudifile bua kutusungidila ku mibi yetu, kutupikula ku tshikondu tshibi tshia lelu etshi. Ke muvuaye mukumbaje bivua Mvidi Mukulu Tatu wetu musue.

Ngalate 5:24

Bantu ba Yezu Kristu mbashipe buntu buabu, babupopele pa mutshi mutshiamakane, pamue ne nkuka, ne majinga mabi abu.

Efeze 1:4

Mvidi Mukulu ukavua mutunange, kayi muanji kufuka buloba. Ukavua mutusungule bua tuikale bende mu Kristu, tuikale ba tshijila, katuyi ne kalema kumpala kuende. Bu muvua Mvidi Mukulu mutunange,

Efeze 2:2

Nuvua benze malu mabi adibu benza pa buloba. Nuvua batumikile mfumu wa makole a mulu, mukishi mubi ewu utshidi ukuata mudimu munda mua bantu badi batombokela Mvidi Mukulu.

Kolose 1:22

Kadi mpindiewu Mvidi Mukulu mmutue nenu ndondu, ku lufu luvua Muanende mufue bu bantu bonsu. Ke muvuaye munuenze kumpala kuende bantu ba tshijila, bakane, kabayi kalema.

1 Tesalonike 4:7

Mvidi Mukulu kena mutubikile bua tuikale bena tshiendenda, kadi amu bua tuikale bantu ba tshijila.

1 Tesalonike 4:9

Kanuena nukengela bua tunufundile, nuenu bena ditaba, munudi ne bua kunangangana, bualu Mvidi Mukulu nkayende mmunulongeshe munudi mua kuenzelangana bimpe.

1 Timote 4:12

Muntu kakupetudi bua paudi nsongalume. Uleje bena ditaba malu mimpe a dinanga, a ditaba, ne a bunonoke, mu bionsu biudi wamba, ne bionsu biudi wenza.

1 Timote 6:17

Ambila bena biuma bia panu, bua kabaditambishi, kabatekemenyi biuma ebi bia lupitapita. Kadi batekemene kudi Mvidi Mukulu udi utupetesha bionsu bitudi tukengela bua tuetu kusanka nabi.

1 Timote 6:9

Kadi bantu badi basue kunema amu kunema, nebabuele mu matetshibua. Nkuka yabu mibi mivule neyibakuatshishe mu buteyi, neyibabutule, neyibajimije kashidi.

2 Timote 3:12

Bantu bonsu badi basue kuitaba Mvidi Mukulu ne muoyi umue, kudisanga ne Yezu Kristu, nebabakengeshe.

2 Timote 4:10

Bualu Demase ukadi mundekele, muye ku Tesalonike, bualu udi mutambe kusua malu a panu. Kreshense mmuye ku Ngalate, Tite ku Dalmasiya.

Tite 3:3

Bualu ku kale, tuetu kabidi katuvua ne meji to. Tuvua bena tshitunu, bantu bapambuke. Tuvua bapika ba malu mabi, ne ba masanka mabi a mishindu yonsu. Tuvua bena buenzavi ne lubabu. Tuvua tukina bakuabu, bobu kabidi bavua batukina.

Ebrewu 8:11

Muntu nansha umue wa kudibu kakulongesha muena kuabu, nansha muanabu, umuambila ne: ‘Umanye Maweja-Nangila!’ Bualu bonsu nebamumanye, kubangila ku muana mutekete too ne ku muntu mukole.

Yakobe 1:27

Bantu badi banemeka Mvidi Mukulu Tatu menemene, ke badi bambuluisha bana ba nshiya, ne bakaji bakamba, mu makenga abu, badilama ku bubi buonsu budi bufuma panu.

2 Petro 2:9

Bualu Mfumu udi mumanye mua kupatula mu makenga bantu badi bamutumikila. Udi mumanye kabidi mua kulama bantu badi benza bibi, bua kubanyoka dituku dia kubalumbuluisha.

2 Petro 3:11

Bu mudi bionsu ne bua kubutuka nanku, nudi bumvue munudi ne bua kusomba panu. Nudi ne bua kuikala bantu ba tshijila, badi benza bidi Mvidi Mukulu musue.

1 Yone 2:27

Kristu mmunupumuine Mueyelu wende. Bu mudi Mueyelu wende ushala munda muenu, kanuena nukengela mulongeshi mukuabu. Bualu Mueyelu wende udi unulongesha malu onsu. Bidiwu wamba bidi bilelela, kabiena bia dishima to. Nanku nuitabe bidi Mueyelu unulongesha, nushale mu bobumue ne Kristu.

1 Yone 2:6

muntu udi wamba ne: ndi mu bobumue ne Mvidi Mukulu, udi ne bua kuenza bivua Yezu wenza.

1 Yone 5:19

Tudi bamanye ne: tudi bantu ba Mvidi Mukulu. Tudi bamanye kabidi ne: bukua panu bujima budi ku bumfumu bua Muena bubi.

Yuda 1:18

Bavua banuambile ne: ku nshikidilu bantu babi nebanuseke. Nebalonde majinga abu mabi.

Didimanyisha 14:12

Ke padi bantu ba Mvidi Mukulu, badi bakumbaja mikenji yende, kabidi bitaba Yezu, ne bua kunanukila, kulama lutuulu.