Tite 2:10 - MUKANDA WA MYIDI MUKULU

¹⁰ Kabena ne bua kuiba bamfumu babu kantu nansha kamue. Kadi badi ne bua kubenzela bimpe ne munanunanu. Nanku bionsu bidibu benza abi nebinemeshe dilongesha didi ditangila Mvidi Mukulu, Musungidi wetu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ kabibi; kadi bikale ne lulamatu luimpe mu malu onso; bua bobo batumbishe diyisha dia Nzambi, Musungidi wetu, mu malu onso.

Tite 2:10 ပူးပေါင်းရင်းမြစ်များ

Misambu 101:6

Mu ditunga nentangile muntu undi mua kutekemena, bua kusombaye nanyi muaba umue; ne muntu udi ne nsombelu muimpe, neangambuluishe mu mudimu.

Yeshaya 12:2

“Monayi mudi Mvidi Mukulu umpandisha. Ndi ne ditalala munda, tshiena ntshina tshintu to. Maweja-Nangila ke bukole buanyi. Ndi mmuimbila, bualu uvua munsungidile.”

Matayi 24:45

— Muena mudimu muimpe, wa meji, nnganyi? Ngewu udi mfumuende mupeshe mudimu wa kukuba bena mudimu bende, ne wa kubapesha biakudia diba dimpe.

Matayi 5:16

Ke mudi butoke buenu ne bua kukenkela bantu, bua bamone malu mimpe anudi nuenza, batumbishe Tatu wenu udi mu diulu.

Luke 1:47

Ndi nsankidila bikole Mvidi Mukulu, mumpandishi wanyi.

Luke 1:80

Muana uvua utantamana. Lungenyi luende luvua lukola. Uvua usomba mu tshipela too ne ku dituku divuaye mudileje patoke kudi bena Izrayele.

Luke 16:10

Udi ulama bintu bikese bimpe, nealame kabidi bintu bivule bimpe. Udi udinga mu bintu bikese, neadinge kabidi mu bintu bivule.

Yowanane 12:6

Yudase kavua wamba nanku bualu uvua usumpakena bapele to. Kadi uvua muivi. Uvua mulami wa tshibutshilu, wiba bivuabu batekamu.

1 Korente 4:2

Kadi tshidibu batekemena kudi muntu udibu bafundile mudimu ntshinyi? Badi bajinga amu ne: aukumbaje pa wowu!

Efeze 4:1

Nanku, meme udibu bakuate mu lukanu, bualu ndi nkuatshila Mfumu mudimu, ndi nnulomba se: nuenze malu mimpe adi bantu, badi Mvidi Mukulu ubikila bua bikale bende, ne bua kuenza.

Filipe 1:27

Kadi nuenze amu malu adi umvuangana ne Lumu lua Disanka lua Kristu. Nanku nansha meme mufike bua kunumona, nansha tshiyi mufike, nengumvue munudi bashale bashindame, badisange ne meji amue, nuluangana bonsu ne muoyi umue, bua ditaba didi Lumu lua Disanka lunupetesha.

Filipe 4:8

Nanku bana hetu, nutambe kutabalela bionsu bidi bimpe, kabidi bidi bantu mua kupa lumu: ke bionsu bidi bia bulelela, bidi bantu mua kunemeka, bidi biakane, bidi kabiyi ne kalema, bidi bisankisha bantu, bidi bantu mua kutumbisha.

1 Timote 1:1

Meme ndi Polu, mupostolu wa Yezu Kristu ku diyi dia Mvidi Mukulu, Musungidi wetu, ne ku diyi dia Yezu Kristu utudi tutekemena.

1 Timote 5:17

Bakulu badi balombola bimpe Tshisumbu tshia bena ditaba, mbakumbanyine mafutu misangu ibidi, nangananga badi batata bua kumanyisha bantu muaku wa Mvidi Mukulu, kubumvuijawu.

1 Timote 6:1

Bapika bonsu badi ne bua kunemeka bamfumu babu ne muoyi mujima, bua muntu nansha umue kajanyi dina dia Mvidi Mukulu, nansha di longesha dietu.

1 Timote 6:3

Padi muntu ulongesha malu adi kaayi umvuangana ne miaku milelela ya Mfumu wetu Yezu Kristu, nansha ne ditaba dietu,

Tite 1:3

Mpindiewu tshikondu tshiakumbanyi tshidiye utumanyisha muoyi awu, mu Lumu lua Disanka lundi meme ne bua kukobola ku bukenji bupeta kudi Mvidi Mukulu, Musungidi wetu.

Tite 3:4

Kadi pakumueneka muoyi mulenga wa Mvidi Mukulu, Musungidi wetu, ne dinanga diende dia bantu,

1 Petro 2:12

Nuenze malu mimpe munkatshi mua bantu ba bisamba bikuabu. Nanku nansha bobu banushiminyina ne: nudi benji ba malu mabi, pafika Mvidi Mukulu nebajingulule malu enu mimpe. Diba adi nebatumbishe Mvidi Mukulu.

1 Petro 3:16

Kadi nubandamune ne lutuulu, kabidi ne kanemu. Nudimuke bua kondu kenu ka munda kakanupishi. Nanku badi banusonguela, banujana, bua malu mimpe anudi nuenza, bualu nudi nulonda Kristu, nebafue bundu bua bivuabu bamba abi.

2 Yone 1:9

Muntu yonsu udi kayi witaba ne dinanukila bidi Kristu ulongesha, kadi uya kua tshianana, kena ne Mvidi Mukulu to. Muntu udi witaba amu bidi Kristu ulongesha, udi ne Tatu, kabidi ne Muana.

1 Samuele 22:14

Akimeleke kuandamuna ne: — Mukalenga, munkatshi mua bena mudimu bebe, mudiku muntu mukuabu udi mukulamate bu mudi Davide anyi? Davide udi muku webe, kabidi udi mfumu wa bena mvita badi bakulama. Bantu bonsu badi mu nzubu muebe, badi bamutumbisha bikole.

1 Samuele 26:23

Maweja-Nangila enzela muntu yonsu wa kutudi, bilondeshile buakane buende, ne mushindu udiye mulamate Maweja-Nangila. Lelu, Maweja-Nangila uvua mukufile mu bianza bianyi. Kadi tshiena musue kukushipa to. Bualu wewe udi mukalenga musungula kudi Maweja-Nangila.