Tite 1:6 - MUKANDA WA MYIDI MUKULU

⁶ Mukulu ikale muntu udibu kabayi mua kudiwula, muena mukaji umue. Bana bende bikale bena ditaba. Kabikadi ba lumu lubi, nansha bena tshishiku.

Mukanda wa Nzambi Dihungila Dikulukulu ne Dihungila Dihia-dihia 2003

⁶ bikalaku muntu udi kai mua kubandibua, udi ne mukashi umue, udi ne bana bandi badi bena ditabusha, badi kabai babandibua bua dinyanguka dia muoyo anyi bua huhidia.

Tite 1:6 ပူးပေါင်းရင်းမြစ်များ

Genese 18:19

Ndi mumusungule bua alongeshe bana bende ne ndelanganyi yende mikenji yanyi, bua babikumbaje bikale bantu bakane. Bobu bakumbaje bionsu ebi, meme Maweja-Nangila nengenzele Abrahame bionsu bindi mumulaye.

Nsumuinu 28:7

Muana udi ulama mikenji ya Mvidi Mukulu mmuana wa lungenyi. Kadi muana udi wendakana ne balunda babi udi ufuisha tatuende bundu.

Yezekiyele 44:22

Mutuangaji kena mua kusela mukaji mukamba, nansha uvua ku dibaka dikuabu. Udi mua kusela anu nsongakaji muena Izrayele, nansha kupiana mukaji mukamba uvua wa mutuangaji mukuabu.

Lewitiki 21:14

Kena mua kusela mukaji mukamba, nansha mukaji udi bayende mubenge, nansha ndumba. Kadi asele amu nsongakaji wa mu diku diabu, utshidi mushikankunde,

Lewitiki 21:7

“Mutuangaji kena ne bua kubanjija mukaji mudisombele, nansha uvuabu bamane kubanjija, nansha uvua ku dibaka dikuabu, bualu mutuangaji mmuntu wa tshijila, udi ungenzela mudimu.

Malaki 2:15

Maweja-Nangila ki ngudi munuenze nende muntu umue ku mubidi ne ku lungenyi anyi? Tshidi muntu umue awu wipatshila ntshinyi? Nkupeta bana badi bantu ba Mvidi Mukulu! Nenku nudilame bimpe, kanulekedi mukaji unuvua basele ku buana buenu.

Luke 1:5

Tshikondu tshivua Erode mukalenga wa ditunga dia Yudeya, kuvua mutuangaji, dina diende Zekarya. Uvua wa mu tshisumbu tshia batuangaji tshia Abiya. Mukajende uvua wa ku ndelanganyi ya mutuangaji munene Arone. Dina diende divua Elisabete.

Efeze 5:18

Kanukuatshiki maluvu. Bualu bunuavi budi bunufikisha anu ku buenzavi. Kadi ikalayi ne Mueyelu wa Tshijila munda muenu tente.

1 Tesalonike 5:14

Bana hetu, tudi tunusengelela ne: belayi bena lulengu. Kankamikayi bena buowa, ambuluishayi badi kabayi ne dikanda, ikalayi ne lutuulu kudi bantu bonsu.

1 Timote 1:9

Tuvuluke ne: kabavua belela bantu ba malu mimpe mikenji to, kadi anu benzavi, bantomboji, bena lonji, bantu babi, bantu badi kabayi batshina Mvidi Mukulu, nansha tshintu tshia tshijila. mBayelele kabidi bantu badi bashipa tatuabu nansha mamu, bashipianganyi bakuabu,

1 Timote 3:12

Muambuluishi wa balombodi ikale muena mukaji umue Amanye mua kulombola bimpe bana bende, ne nzubu wende.

Tite 1:10

Bualu kudi bantu bavule, nangananga munkatshi mua bena Yuda bavua babuele mu Tshisumbu tshia bena ditaba, badi bantomboji, bashima bantu ne biakulakula.

1 Samuele 2:11

Ke Elkana kupingana kuende ku Rama. Kadi Samuwele muana kushala ku Silo bua kuenzela Maweja-Nangila mudimu. Bavua bamulombola kudi mutuangaji Eli.

1 Samuele 2:22

Mutuangaji Eli uvua mumane kukola mukulakaje. Bavua bamuambila muvua bana bende benzela bena Izrayele bibi, kabidi muvuabu babuelela bakaji mu nzubu. Bakaji abu ke bavua benza mudimu mu mushiku wa ntenta wa kusambakena.