Tite 1:2 - MUKANDA WA MYIDI MUKULU

² Ke mudibu mua kutekemena muoyi wa kashidi, udi Mvidi Mukulu, udi kayi ushima, mudianze kutulaya kumpala kua bidimu bionsu.

Mukanda wa Nzambi Dihungila Dikulukulu ne Dihungila Dihia-dihia 2003

² mu ditekemena dia muoyo wa tshiendelele, udi Nzambi, udi kai mua kudinga, mulaye diambedi bikondo bia tshiendelele kabi bianze kuikalaku.

Tite 1:2 ပူးပေါင်းရင်းမြစ်များ

Yeshaya 1:20

Kadi panuikala bambenge, bantombokele, nenufue ku muele. Meme Maweja-Nangila ndi ngamba nanku.

Dibadika 23:19

Mvidi Mukulu kena muntu, kena ushima! Kena muana wa Adame, kena ushintulula meji ende. Udi wenza amu mudiye wamba. Udi ukumbaja bionsu bidiye ulaya.

Matayi 25:34

Nenku mukalenga neambile bantu badi ku diende dia balume ne: “Vuayi, nuenu badi Tatu wanyi muele lupemba. Angatayi Bukalenga buvuabu banulongoluele, katshia bafuka bukua panu.

Matayi 25:46

Bavua benza bibi aba, nebaye mu dinyoka dia tshiendelele. Bavua benza bimpe, nebaye mu muoyi wa kashidi.

Marke 10:17

Pakavua Yezu ubanga luendu, muntu kulua lubilu kudiye, kutua binu kumpala kuende, umukonka ne: — Mulongeshi muimpe, bua meme kupeta muoyi wa kashidi, nengenze tshinyi?

Marke 10:30

neapete misangu lukama mu matuku atudi aa, nzubu, bana babu ba balume, bana babu ba bakaji, bamamuende, bana ne madimi, kabidi ne makenga; pashishe mu matuku adi alonda neapete muoyi wa tshiendelele.

Yowanane 10:28

Ndi nyipesha muoyi wa tshiendelele. Katshia kayakufua nansha. Muntu nansha umue kena mua kuyinyenga ku tshianza tshianyi.

Yowanane 17:2

Bualu uvua mumupeshe bumfumu pambidi pa bantu bonsu, bua apeshe bonsu baudi mumupe muoyi wa tshiendelele.

Yowanane 17:24

Tatu, uvua mubampeshe. Ndi musue bua bikale pamue nanyi muaba ungikala, bua bamone butumbi buanyi, butumbi buuvua mumpeshe, bualu uvua munnange, kabayi banji kufuka buloba.

Yowanane 5:39

Nudi nulonga malu a mu Mikanda ya tshijila, bualu nudi nuela meji ne: netupetelemu muoyi wa tshiendelele. Kadi mikanda ayi menemene ke idi ijadika bulelela buanyi!

Yowanane 6:54

Muntu udi udia mubidi wanyi, unua mashi anyi, udi ne muoyi wa tshiendelele. Meme nemmubishe ku lufu dituku dia nshikidilu bua apete muoyi.

Yowanane 6:68

Simone Petro kumuandamuna ne: — Mfumu, netuye kudi nganyi? Wewe ke udi ne miaku idi ifila muoyi wa tshiendelele.

Bienzedi 15:18

bimvua mumane kumanyisha kale.”

Rome 1:2

Mvidi Mukulu uvua mumane kutulaya Lumu lua Disanka elu ku kale mukana mua bambi bende. Bavua balufunde mu Mikanda ya tshijila.

Rome 16:25

Tutumbishayi Mvidi Mukulu! Yeye udi mua kunuenza bantu bakole mu ditaba, bilondeshile lumu lua disanka lundi ndongesha. Ke Lumu ludi lutangila Yezu Kristu, ludi lutumanyisha meji masokome avua Mvidi Mukulu nawu, avuaye musokoke kale bidimu bia bungi.

Rome 2:7

Bavua bananukila mu dienza dia malu mimpe ke bavua bakeba butumbi, lumu, ne bidi kabiyi bifua. Neabapeshe muoyi wa tshiendelele.

Rome 5:2

Amu kudi Yezu, bualu bua ditaba, ke kumvua mua kusemena ku dinanga dia Mvidi Mukulu, kutudi bashindamene mpindiewu. Tshidi tshitusankisha, ke ditekemena ditudi nadi dia kudisanga ne Mvidi Mukulu mu butumbi buende.

Rome 5:21

Nenku bu muvua bubi bupetela bukole kudi lufu, ke mudi kabidi dinanga dia Mvidi Mukulu dipetela bukole, pa-vuaye mutubingishe kudi Mfumu wetu Yezu Kristu, bua kutufikisha kudiye ku muoyi wa tshiendelele.

Rome 5:4

lutulu ludi lupetesha muoyi mukole mu mateta, muoyi mukole udi upetesha ditekemena.

Rome 6:23

Bualu difutu didi bubi butufuta ke lufu. Kadi dipa didi Mvidi Mukulu utupesha patupu ku luse luende, ke muoyi wa kashidi, patudi tudisanga ne Mfumu wetu Yezu Kristu.

Kolose 1:27

Mvidi Mukulu uvua musue kubamanyisha meji masokome mimpe, a mushinga mukole, adiye nawu bualu bua bantu bonsu. Adi nunku: Kristu udi munda muenu. Bualu buende nudi mua kutekemena ne: netudisange ne Mvidi Mukulu mu butumbi buende.

1 Tesalonike 2:15

Bena Yuda bavua bashipe Mfumu Yezu, ne bambi kabidi. Ke muvuabu batukengeshe ne tuetu. Kabena basankisha Mvidi Mukulu. Badi bena lukuna ba bantu bakuabu bonsu.

1 Tesalonike 5:8

Kadi tuetu badi benda mu munya, tudilame ku bunuavi ne ku budiavi. Tudi ne bua kuvuala ditaba ne dinanga, mudibu bavuala kazaku ka tshiamu mu mvita. Tuvuale kabidi ditekemena dia tuetu kupanda, mudibu basa tshifulu tshia tshiamu ku mutu.

1 Timote 6:12

Mu mvita ya kukolesha ditaba diebe, uluangane bimpe, bua upete muoyi wa kashidi. Mvidi mukulu mmukubikile ku muoyi ewu, pauvua mujukule ditaba diebe ne miaku milenga, bantu ba bungi bumvue, bajadike muuvua wamba.

1 Timote 6:19

Ke mudibu bakungija biuma bidi bishala mu tshibutshilu tshimpe ne tshikole bua matuku adi kumpala. Diba adi nebapete muoyi udi mulelela.

2 Timote 1:1

Meme Polu, mupostolu wa Yezu Kristu ku disua dia Mvidi Mukulu, mbampeshe mudimu wa kumanyisha bantu muoyi, udi Mvidi Mukulu mulaye badi badisanga ne Yezu Kristu.

2 Timote 1:9

Yeye ke udi mutusungidile, mutubikile bua tuikale bantu bende, kabiyi bua midimu mimpe ituvua benze, kadi amu mukavuaye mumane kubilongolola ku luse luende. Uvua mutupe dipa edi mu Yezu Kristu, kabayi banji kufuka bintu.

2 Timote 2:10

Ke pandi ngumvua bionsu ne lutuulu, bua diakalenga dia bantu badi Mvidi Mukulu musungule. Ke mudibu bapeta bobu kabidi lupandu kudi Yezu Kristu, ne butumbi bua kashidi.

2 Timote 2:13

Bituamubenga, Yeye neatunange, bualu kena mua kudivila muende mudiye.”

2 Timote 2:15

Ukuate mudimu bimpe, bua bakuanyishe kudi Mvidi Mukulu, bu muena mudimu udi kayi ne bua kufua bundu bua mudimu wende, bualu udi umanyisha muaku wa Mvidi Mukulu mu bulelela.

Tite 2:13

Ke mutudi mua kuindila dituku dia disanka ditudi tutekemena. Dituku adi butumbi bua Mvidi Mukulu wetu munene ne Musungidi Yezu Kristu nebumueneke patoke.

Tite 2:7

Wewe mene wikale tshilejilu mu midimu mimpe yonsu. Wikale muambi wa nsongu, udi mushindike tshidiye ulongesha.

Tite 3:7

Nanku Mvidi Mukulu kudibingisha, bualu udi utunanga. Ke mutudi mua kupiana muoyi wa kashidi utudi ditekemena.

1 Yone 2:25

Tshivua Kristu mene mulaye bua kutupa, ke muoyi wa kashidi.

1 Yone 5:20

Tudi bamanye ne: Muana wa Mvidi Mukulu mmufike. mMutupeshe lungenyi, bua mmanye Mvidi Mukulu mulelela. Tudi mu bobumue ne Mvidi Mukulu mulelela kudi Muanende Yezu Kristu. Yezu Kristu ke Mvidi Mukulu mulelela. Yeye ke muoyi wa kashidi.

Yuda 1:21

Nuvuluke kashidi ne: Mvidi Mukulu udi utunanga Nutekemene luse lua Mfumu wenu Yezu Kristu, ludi lunupetesha muoyi wa kashidi.

Didimanyisha 13:8

Bantu bonsu ba pa buloba nebamukukuile. Ke bonsu bavuabu kabayi bafunde mena abu, mu mukanda wa muoyi katshia bafuka buloba; ke mukanda udi Muana wa mukoku udibu bashipe nawu.

Didimanyisha 17:8

Nyama uuvua mumone uvua ne muoyi kale, kadi kena kabidi nawu to. Udi ne bua kupatuka mu kandondu, kadi amu bua aye kubutuka. Bantu ba pa buloba badi kabayi ne dina difunda mu mukanda wa muoyi, katshia bafuka bantu, nebakeme pamonabu nyama. Bualu kale nyama awu uvua ne muoyi, kadi katshiena kabidi nawu. Dikuabu dituku neamueneke tshiakabidi.

1 Samuele 15:29

Maweja-Nangila udi butumbi bua bena Izrayele. Nanku, kena mua kushima, kena mudi muntu udi lelu wamba bualu mushindu, maloba wamba mukuabu.