Sefanya 3:9 - MUKANDA WA MYIDI MUKULU

⁹ “Pashishe nenkudimune bantu; nengumushe mikiya idi ku mishiku yabu. Nebantendelele meme Maweja-Nangila, nebankukuile ne muoyi umue.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Bualu bua nenkudimune muaku wa bantu ba bende bua wikale muaku wa ku mishiku milengeshibue; bua bobo bamanye mua kubikila dina dia Yehowa, bamukuatshile mudimu ne diaha dionso muinshi mua bujitu.

Sefanya 3:9 ပူးပေါင်းရင်းမြစ်များ

Genese 11:1

Mu tshikondu atshi bantu bonsu ba pa buloba bavua bakula anu muakulu umuepele.

Genese 4:26

Shete kulela muana wa balume, kumuinyika dina dia Enoshe. Tshikondu atshi ke tshivua bantu batuadija kutendelela Mvidi Mukulu, batela dina dia Maweja-Nangila.

Misambu 113:3

Kudi diba dipatukila ne kudidi dibuelela, bantu bonsu batumbishe Maweja-Nangila.

Misambu 22:27

Ndi mbikila bapela, badie buukute! Bantu badi batendelela Mvidi Mukulu, nebamutumbishe, balale panu, baboboke!

Yeshaya 19:18

Dituku dikuabu, mu Ejipitu mu bimenga bitanu, bantu nebakule muakulu wa bena Ebrewu. Nebatshipe mitshipu, batela dina dia Maweja-Nangila muena bukole buonsu. Tshikuabu tshia ku bimenga ebi, nebatshibikile ne nTshimenga tshia Diba.

Yeshaya 57:19

nembeleshe mbila ya disanka. Nempandishe, bushuwa nempandishe bantu bonsu, badi kule ne badi pabuipi. Ke mundi ngamba meme, Maweja-Nangila.”

Yeshaya 6:7

Kudintuaye ku mishiku, wamba ne: “Tshibawu tshiebe tshiakujika, bubi buebe buakujimina, bualu kapia kakulenga ku mishiku yebe.”

Yirmeya 16:19

— Maweja-Nangila, wewe udi umpesha bukole. Wewe udi undama. Mu tshikondu tshia dikenga, ndi mua kunyemena kuudi. Bantu ba bisamba bikuabu nebafike kuudi wewe, bafuma ku nshikidilu wa buloba. Diba adi nebambe ne: “Bankambua betu bavua anu ne mvidie ya dishima. Mvidie yabu ivua anu lupepele, kayivua mua kuambuluisha muntu nansha umue.

Yezekiyele 37:17

Uteke bitupa bia mabaya ebi bituangane mu tshianza tshiebe bua bimueneke tshintu tshimue.

Abakuke 2:14

Tshikondu netshifike tshidi bantu mu buloba bujima, bamanye amu kumanya munda muabu muonsu, butumbi bua Maweja-Nangila, amu mudi mayi muwule mu mayi manene tente.

Sefanya 2:11

Maweja-Nangila neabakuatshishe bowa. Neabutule nwidie yonsu ya pa buloba. Diba adi, bantu bonsu, nansha badi basomba kule kupite, nebamutendelele, muntu yonsu muaba udiye usomba.

Zekâya 14:9

Dituku adi, Maweja-Nangila neikale mukalenga wa buloba bujima. Bantu kabakukukuila kabidi mukuabu to, kadi amu Yeye nkayende Mvidi Mukulu. Bonsu nebatumbishe amu dina diende.

Zekâya 2:11

Nuenu bena Yerushalayime badi mu bupika ku Babilone, koleshayi, nunyeme.”

Matayi 12:35

Muntu muimpe udi wenza malu mimpe, bualu munda muende mudi muimpe. Muntu mubi udi wenza malu mabi, bualu munda muende mudi mubi.

Efeze 4:29

Kanuakudi muaku wa nsenda nansha umue. Kadi nuakule anu miaku milenga, idi ikolesha bantu ku muoyi, ilengelela badi banuteleja.

Didimanyisha 11:15

Pashishe mutumibue wa muanda mutekete kuela mpungi. Meyi makole kumvuika mu diulu, amba ne: “Bumfumu bua kulombola buloba budi kudi Maweja-Nangila wetu ne kudi Meshiya wende. Nebashale mu bukalenga kashidi.”