Sefanya 3:6 - MUKANDA WA MYIDI MUKULU

⁶ Maweja-Nangila udi wamba ne: “Ndi mubutule bisamba bia bantu bia bungi. Ndi mushimbule tuleya tua bimenga biabu bivuabu bakoleshe ne bimana. Misesu ya mu bimenga biabu mmishale munda mutupu. Bimenga biabu mbishale makolu, muntu nansha umue kena upitshilamu, kena usombamu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Wakushiha bisamba bia bantu; bibumba biabo bia masalayi bia ku matumba a ngumbu biakubutuka. Nakuvuisha misesu yabo mituhu, kayiyi ne bantu bahitshilamu. Misoko yabo yakubutudibua, ne kakuenamu muntu, kakuenamu muntu umuehele udi mushikamemu.

Sefanya 3:6 ပူးပေါင်းရင်းမြစ်များ

1 Korente 10:6

Bilejilu ebi bidi bitudimuja, bua katujingi malu mabi, muvua bantu abu baajinge,

1 Korente 10:11

Makenga awu avua mabakuate bua kutulongesha bualu. Bayua batufundilewu bua kutubela. Bualu tudi mu tshikondu tshia nshikidilu.

Sefanya 2:5

Nuenu badi bafumine ku Kaftore, basombe ku muelelu wa mayi manene, nudi bena diakabi! Maweja-Nangila udi wamba ne: “Wewe Kenaane, ditunga dia bena Peleshete nenkunyangakaje. Neushale munda mutupu.

Zekâya 7:14

Meme kubatangalaja mu bisamba bia mishindu yonsu, biwabu kabayi bamanye. Ditunga divuabu bumuke, divua dishale munda mutupu. Muntu nansha umue kawa utambakenamu kabidi to. Ditunga diabu divua dimpe bua kusomba, bobu kudiandamuna tshipela.”

Yeshaya 37:36

Nanku, mutumibue wa Maweja-Nangila kuya mu mitanda ya bena Ashure. Kushipaye bantu binunu lukama ne makumi muanda mukulu ne bitanu. Butshia dinda, bantu bavua bashala ne muoyi babika, kumonabu bitalu bionsu abi.

Lewitiki 26:31

Nembutule bimenga bienu, ne miaba yenu ya tshijila, bienza bipela. Dipembu dia bintu binudi nungoshila kadiakunsankisha kabidi to.

Matayi 23:38

Nanku, nzubu wa Mvidi Mukulu wenu awu neashale munda mutupu!

Yeshaya 6:11

Ke meme kukonka ne: — Maweja-Nangila, nebikale nanku too ne ku diba kaayi? Yeye kungandamuna ne: — Nebikale nanku too ne ku diba didibu banyangakaja bimenga bionsu, batangalaja bantu, nzubu yonsu ishala munda mutupu, ditunga dijima dishala tshipela.

Yeshaya 14:26

Ebi ke bivua Maweja-Nangila mujadike, bua kuenza pa buloba bujima. Ke mikanu idiye ukanyina matunga onsu.

Yirmeya 9:12

Maweja-Nangila nkayende kuandamuna ne: “Bualu bantu mbabenge mikenji imvua mubapeshe. Kabena bateleja nansha bakumbaja bimvua mubambile to.

Yoshua 23:4

Monayi mpindiewu, ndi mumane kuabanyina bisamba bienu maloba andi mutshinke. Maloba aa awa a bisamba bindi mumane kutshimuna, nansha a bisamba bitshidi bishala bua tuetu kubitshimuna. Bisamba ebi bidi pankatshi pa Yardene luseke ludi diba dipatukila, ne Mayi manene a pankatshi luseke ludi diba dibuelela.