Sefanya 3:4 - MUKANDA WA MYIDI MUKULU

⁴ Bambi babu badi baditemba, banyanga mudimu wabu. Batuangaji babu kabena banemeka bintu bia tshijila; badi banaya ne mikenji ya Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Baprofete babo badi babuluke ne bena bunsonge; bakuidi babo badi banyanga bintu bia tshijila, ne badi banyanga mikenji.

Sefanya 3:4 ပူးပေါင်းရင်းမြစ်များ

Yeshaya 9:15

Balombodi ba bantu aba badi babapambula. Pa mutu pa kubaludika, badi babatangalaja.

Yirmeya 23:32

Ndi nduisha bambi badi bamba malu avuabu bamone mu ndota, bapambuisha bantu banyi, babadinga. Meme tshiena mubapeshe mudimu nansha umue, tshiena mubelele mukenji nansha umue. Kabena bambuluisha bantu banyi. Meme Maweja-Nangila ndi ngamba nanku.

Yirmeya 5:31

Bambi, badi bamba malu mu dina dia mvidie ya tshianana. Batuangaji badi bakeba amu kudisankisha nkayabu. Bantu banyi bena Izrayele badi banyisha bionsu ebi. Kadi, ku nshikidilu nenuenze tshinyi?

Yirmeya 8:10

Maweja-Nangila udi wamba ne: Bakaji babu, nembafile kudi bakuabu. Madimi abu, nengafile kudi badimi bakuabu. Bualu bantu bonsu, bana ne bantu bakole, badi amu ne lukuka lua biuma. Muambi ne mutuangaji, bonsu badi anu badingangana.

Muadi 2:14

Bambi bebe mbakuambile anu meyi a dishima ne a tshianana. Kabavua bakusokoluela bubi buebe. Bualu ebu ke buvua mua kukudimuna dikenga diebe. Meyi avuabu bakuambile avua anu a dishima a kukudinga nawu.

Yezekiyele 22:26

Batuangaji benu kabena balonda mikenji yanyi, kabena banemeka miaba idibu bajidila mu dina dianyi. Kabena basunguluja bintu bidi bia tshijila, ne bintu bikuabu bidi bia tshianana. Kabena balongesha bantu mudi bintu bikuabu kabiyi ne mikiya, bikuabu ne mikiya. Kabena banemeka kabidi dituku dia Dikisha; badi badilengulula ku bukole. Nanku, kamuena muntu nansha umue udi unnemeka, mudibu ne bua kunnemeka.

Yezekiyele 22:6

“Muebe, mulombodi yonsu wa bena Izrayele mmushipe bantu kabayi bualu, anu bua muanzu udiye nawu.

Yezekiyele 44:23

“Batuangaji nebalongeshe bantu banyi mudibu mua kusunguluja tshintu tshia tshijila, ne tshintu tshia patupu, tshintu tshidi ne mikiya ne tshidi katshiyi ne mikiya.

Osheya 9:7

Tshikondu tshiakumbanyi, tshidi Maweja-Nangila ubutula bena Izrayele. Eyowa, tshikondu tshiakumbanyi, tshia kunyoka bena buenzayi. Bena Izrayele bavuluke bualu ebu. Nudi nuamba ne: “Muambi mmupale”, kabidi ne: “Muntu wa tshijila mmupote.” — Bidi nanku, kadi anu bua buenzayi buenu bupite bungi, ne bua lukinu lunudi numutekela.

Mika 2:11

Muntu kampanda neamueneke, wamba biambamba, unudinga ne: “Ndi nnumanyisha ne: nenupete mvinyo, ne maluvu makole.” Ke muambi mubule meji, udi mukumbanyine bantu aba!

Mika 3:11

Bakoshi ba nsambu badi balumbuluisha bantu, amu padibu bamane kudia mabuejila. Batuangaji badi balongesha mikenji, amu bua kupeta difutu. Bambi badi bambila bantu malu, amu bamane kupeta makuta. Kadi badi badiamba ne: “Tudi bantu ba Maweja-Nangila! Maweja-Nangila udi netu! Bualu bubi nansha bumue kabuena mua kutukuata.”

Malaki 1:6

— Meme Maweja-Nangila wa bukole buonsu, ndi ngambila batuangaji ne: Muana wa balume udi unemeka tatuende, muena mudimu udi unemeka mfumuende. Kadi meme tshiena tatuenu anyi? Tshiena mfumuenu anyi? Nanku kanuena nunnemeka, kanuena nuntshina bua tshinyi? Nudi numpetula, nunkonka ne: “Tudi bakupetule munyi?”

Malaki 2:7

Eyowa, mudimu wa mutuangaji udi wa kulongesha bantu, bua bamanye Mvidi Mukulu. Yeye ke udi bantu bakonka bua kumanya tshidibu ne bua kuenza. Bualu yeye ke udi ufikisha malu a Maweja-Nangila wa bukole buonsu kudi bantu.

Malaki 2:8

Kadi nuenu batuangaji, nudi banyange mudimu wenu. Nudi balenduishe bantu ba bungi ku dilongesha dienu. Nudi bupule ndondu umvua mutue nenu. Meme Mvidi Mukulu wa bukole buonsu ndi njadika nanku.

Matayi 7:15

— Nuadimukilayi bambi ba dishima. Badi bafika kunudi, badileja bu mikoku, kadi munda muabu bikale nyama midianganyi.

2 Korente 11:13

Bantu abu mbapostolu ba dishima, badi badinga bantu, ba-disokoka badileja bu bapostolu ba Kristu.

1 Yone 4:1

Balunda banyi, kanulondi bonsu badi badiamba ne: tudi ne Mueyelu. Kadi nubatete bua kujadika ne: Mueyelu udibu nawu ngwa Mvidi Mukulu anyi? Bualu bambi ba dishima bavule badi batampakane mu bantu.

Didimanyisha 19:20

Kukuatabu nyama, pamue ne muambi wa dishima uvua muenze malu a dikema, nyama mutangile. (Uvua mudinge ne malu a dikema awu bavuabu batue tshitampi tshia nyama, bakukuile tshimfuanyi tshiende.) Bavua bela nyama ne muambi wa dishima, batshikale ne muoyi, mu mayi manene avua atema kapia ka mvuanda.

Balombodi 9:4

Kumupeshabu nkanu ya tshiamu tshitoke tshia mushinga mukole makumi muanda mutekete ya mu nzubu wa mvidie wabu Baale-Berite. Abimeleke kuangata nkanu ayi, kufuta bantu bapote, ba tshianana, bua bamulonde.

1 Samuele 2:22

Mutuangaji Eli uvua mumane kukola mukulakaje. Bavua bamuambila muvua bana bende benzela bena Izrayele bibi, kabidi muvuabu babuelela bakaji mu nzubu. Bakaji abu ke bavua benza mudimu mu mushiku wa ntenta wa kusambakena.