Sefanya 3:3 - MUKANDA WA MYIDI MUKULU

³ Bamfumu ba tshimenga etshi badi bu nyama ya ntambue idi ikungula. Balumbuluishi babu badi bu bimungu, bidi bikeba biakudia dilolu. Kadi kabiena bishiya tshintu tshia kudia mu dinda.

Mukanda wa Nzambi Dihungila Dikulukulu ne Dihungila Dihia-dihia 2003

³ Bakokeshi ba munkatshi muau badi bu nyama ya ntambue ikungula; balumbuluishi bau badi bu bimungu bidi biendakana butuku; kabiena bishiya tshintu tshia kudia hatshia butuku.

Sefanya 3:3 ပူးပေါင်းရင်းမြစ်များ

Nsumuinu 28:15

Mfumu wa tshikisu udi ne bumfumu mu tshisamba tshia bantu bapete, udi bu ntambue udi ukungula, bu nkashama udi ukeba tshiakudia tshiende.

Yeshaya 1:23

Bamfumu benu bakadi bantomboji, badi bumvuangana ne bivi. Badi banyisha mabuejila, basue bonsu bua bantu babasankishe. Kabena bakuila bana ba nshiye ku kabadi! Kabena bateleja mukaji mukamba.

Yeshaya 5:29

Bibingu bia mvita bidibu beela kudi bena tshisamba atshi, bidi bu nyama wa ntambue mukaji ukungula, bu nyama wa lonji udila ukuata nyama, uya kumuteka muaba musunguluke, kakuyi udi mua kumunyenga.

Yirmeya 22:17

Kadi wewe udi musue anu tshidi tshikulengelela wewe nkayebe. Udi ukeba anu kushipesha bantu badi kabayi ne bualu, ne kukengesha bantu ne tshikisu.

Yirmeya 23:11

Bambi ne batuangaji bonsu badi benza buenzavi. Meme kubasangana benza bibi ne mu nzubu wanyi. Meme Maweja-Nangila ndi ngamba nanku.

Yirmeya 5:6

Nanku, nyama wa ntambue neapatuke muitu, abaluishe. Nyama wa tshimungu neapatuke mu mpata, abasunsule. Tshisumpa ntambue netshibaalamine pabuipi ne bimenga biabu. Netshipandulule bantu bonsu badi bapatukamu. Bualu bantu badi amu ne buenzavi. Badi bela Mvidi Mukulu nyima misangu mipite bungi kayiyi kubala.

Yezekiyele 22:6

“Muebe, mulombodi yonsu wa bena Izrayele mmushipe bantu kabayi bualu, anu bua muanzu udiye nawu.

Yezekiyele 33:26

Nudi batekemene anu ku bia mvita bienu. Nudi nuenza malu mabi, nubuelela bakaji ba bende mu nzubu. Kadi munudi mua kuamba ne: netupete ditunga mbishi?”

Abakuke 1:8

Nyama yabu ya tubalu mmipite ya nkashama ku lubilu. Idi ne lonji lupite lua nyama ya bimungu idi yenda ne nzala. Babandi babu ba pa tubalu, badi bafumina kule, benda batupika. Badi ne lubilu bu lua nyunyu ya mikanku, idi imona nyama wa kudia, yikila ne lukuka pambidi pende.