Sefanya 2:14 - MUKANDA WA MYIDI MUKULU

¹⁴ Muaba uvua tshimenga, bisumbu bia nyama nebilalemu, kabidi ne nyama mikuabu ya mishindu yonsu: tshipungulu ne kakutukutu nebisombe mu mitu ya makunji a nzubu. Nebumvuile miadi ya nyunyi ku madidishi a nzubu. Tshikolokolu netshimueneke ku tshibuelelu. Mabaya a sedre avuabu balamike ku bimana, nebaalamune ku bukole.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Bisumbu bia nyama nebilale hanshi munkatshi muau, nyama ya mu mpata ya mishindu yonso. Mpunga tshikola ne nkese nebishikame ha mutu ha bibumba; nyunyu mikuabo bu tshihungulu ne tshikololo neyele dî mu masoso a nsubu; dibutuka nedikale mu mbelu yonso, bualu bua yeye wakamuenesha hatoke tô miaba yakalengeshabo ne mabaya a cêdre.

Sefanya 2:14 ပူးပေါင်းရင်းမြစ်များ

Misambu 102:6

Badi bumvua mundi ntua mikemu, ndi mushale mifuba pa mifuba.

Yeshaya 14:23

Nengenze Babilone bu mudi tshisense, muaba udibu basombe kudi nyunyi ya kasonga-mule. Nembutule bionsu. Meme Maweja-Nangila, ndi njadika nanku.”

Yirmeya 22:14

Udi wamba ne: “Ndi musue kuibaka nzubu munene wa bukalenga, muikale ne nzubu mialabale ya bilala kulu.” Udi uyibaka ne madidishi ku bimana. Udi ulamika mabaya a mitshi ya sedre ku bimana. Udi ulaba mukubu mukunze pa nzubu mujima.

Amosa 9:1

Meme kumona Maweja-Nangila muimane pa tshilambuilu. Uvua wela mbila ne: “Tuuta ku mitu ya makunji, bua nzubu mujima anyungakane ne ku tshitaku. Tshibula makunji, azaze mitu ya bonsu. Badi bashala ne muoyi, nembashipeshe ku muele wa mvita. Muntu nansha umue kakunyema, kakupanduka ku lufu.

Sefanya 2:6

Buloba buebe ku muelelu wa mayi manene, nebuandamuke mpata wa bisosa, nebushale muaba udi balami ba mikoku bendakana, ne udibu bateka bikumbi biayi.”

Didimanyisha 18:2

Uvua wela diyi dikole, wamba ne: “Eyi, tshimenga ntshibutuke! Tshimenga tshinene tshia Babilone ntshibutuke! Tshikadi mpindiewu muaba udi diabolu ne mikishi mibi ya mishindu yonsu bisombela. Nyunyi mibi ya mikiya ya mishindu yonsu kabidi idi isombamu.