Sefanya 1:9 - MUKANDA WA MYIDI MUKULU

⁹ Dituku adi, nennyoke bonsu badi batupikila pa mutu pa mushiku wa nzubu wa Mvidi Mukulu, mudi bantu ba bisamba bikuabu benza. Nennyoke bonsu badi buwuja nzubu wa mfumuabu ne biuma bipeta ku buenzayi ne tshinyangu.”

Mukanda wa Nzambi Dihungila Dikulukulu ne Dihungila Dihia-dihia 2003

⁹ Mu didiku adi nenkengeshe muntu yonso udi ubandila ha mutu ha mushiku wa mbelu, ne badi busha nsubu wa mukelenge wabo tente ne malu a tshimbambila ne mashimi adibo badingangana nʼau.

Sefanya 1:9 ပူးပေါင်းရင်းမြစ်များ

Nehemya 5:15

Kadi bamfumu bavua balombodi kumpala kuanyi, bavua batatshisha bantu, balomba biakudia ku bukole, maluvua mvinyo, ne nkanu mitoke ya mushinga mukole mipite pa makumi anayi. Nansha bambuluishi ba balombodi ba buloba, bavua anu batatshisha bantu. Kadi meme kubenga kashidi bua kuenza nanku, bualu mvua ntshina Mvidi Mukulu.

Nsumuinu 29:12

Padi mfumu witaba malu a dishima, bonsu badi kuinshi kuende nebandamuke bena dishima.

Yirmeya 5:27

Bu mudi nsanji muwule tente ne nyunyi, ke mudi nzubu ya bena Izrayele miwule tente ne bintu bivuabu bapete mu buivi. Ke padi bena Izrayele bapete bukole, bapete bubanji bua bungi.

Amosa 3:10

Maweja-Nangila udi wamba ne: “Bena Samariya kabena bamanye kuenza bualu buimpe nansha bumue. Badi bunguija mu nzubu yabu ya bukalenga, biuma bipeta mu buivi ne dishipangana.”

Mika 6:12

Babanji badi mu tshimenga etshi, badi bakengesha bantu bakuabu. Bonsu badi basomba mu tshimenga etshi, badi bashima, badingangana.

Zekâya 5:6

Meme kumukonka ne: — Ntshinyi etshi? Kungandamunaye ne: — Munda mua tshibondu etshi mudi malu mabi a mu ditunga dijima.

Bienzedi 16:19

Kadi bamfumu ba mukaji awu bavua bamona ne: katuakupetela kabidi makuta kudi mukaji awu. Nanku kukuatabu Polu ne Silase, benda babapulumuna kumpala kua bamfumu ba tshimenga, muaba uvua bantu basangile.

Balombodi 19:27

Mu dinda, bayende wa mukaji unzulula tshiibi tshia ku nzubu, kupatukaye bua kutungunuka ne luendu. Kusanganaye mukajende panshi mu mushiku wa mbelu wa nzubu, bianza biolola mu mushiku wa mbelu.

1 Samuele 5:5

— Ke padi batuangaji bonsu ba mvidie wa Dagone, ne bantu badi babuele mu nzubu wa mvidie ewu udi ku Asdode, kabayi badiata mu mushiku wa nzubu awu too ne lelu.