Sefanya 1:7 - MUKANDA WA MYIDI MUKULU

⁷ Puwayi, Mvidi Mukulu Maweja-Nangila udi ufika. Dituku dia tshiji tshiende dikadi pabuipi! Maweja-Nangila mmulongolole mulambu. mMumane kumusha mikiya ya badiye mubikile bua kudia nabu didia dia mulambu.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Huwa biebe ku mpala kua Mukelenge Yehowa, bualu bua dituku dia Yehowa didi ha buihi! Bualu bua Yehowa wakumana kulongolola mulambu; wakujidila bantu bakubikileye bua kudia nʼandi bidia.

Sefanya 1:7 ပူးပေါင်းရင်းမြစ်များ

Yobe 24:1

Mvidi Mukulu wa bukole buonsu, kena mutufundile matuku adiye ulumbuluisha bantu bua tshinyi? Diba adi, bantu badi bamulamate, badi mua kumona mudiye ukosa nsambu amu pa yoyi.

Misambu 46:10

Udi ujikija mvita pa buloba bujima, utshibula buta, ukosa difuma, osha ngabu mu kapia.

Yeshaya 13:3

Meme ndi ntumina, bantu badi banyi meme, meyi anyi. Ndi mubikidishe bilobu bianyi, bamiadiamvita badi bela mbila ya disanka, bua bakumbaje tshidi tshiji tshianyi tshijadika.”

Yeshaya 13:6

Dilayi muadi, bualu dituku dia Maweja-Nangila dikadi pabuipi, didi Mvidi Mukulu muena bukole buonsu musue kubutula bantu ne bintu.

Yeshaya 2:12

Dituku adi, Maweja-Nangila muena bukole buonsu, yeye nkayende neakose bilumbu. Neapuekeshe muntu udi udiamba ne: ndi munene, nansha ne: ndi mfumu.

Yeshaya 29:2

kadi nenkunyoke! Meme Maweja-Nangila ndi njadika nanku. Neudile muadi, neubungame. Tshimenga tshijima netshikale amu bu tshilambuilu tshitampakane mashi miaba yonsu.

Yeshaya 34:5

Muele wa mvita wa Maweja-Nangila, udi umueneka mu diulu. Monayi mudiwu ushipa bantu ba bena Edome aba, badi Maweja-Nangila musue kubutula.

Yeshaya 34:6

Ku muele wa mvita wa Maweja-Nangila, kudi mashi a bungi, kudi mafuta tente, bu mashi a mikoku ya bimpanga, a mbuji ya mpumbu, bu mafuta a ku tuonyi tua mbuji. Bualu mu tshimenga tshikulu tshia Bosra, Maweja-Nangila udi ulambula milambu. Mu ditunga dia bena Edome, udi ushipa nyama ya milambu.

Yeshaya 6:5

Ke meme kuamba ne: “Eyi! Ndi mubutuke, bualu mishiku yanyi nya muena buakulavi. Tshiena mua kutumbisha Maweja-Nangila. Bena mu tshisamba tshietu kabidi badi ne mishiku ya bena buakulavi. Kadi ndi mudimuene nkayanyi mukalenga, Maweja-Nangila muena bukole buonsu!”

Yirmeya 46:10

Edi ke dituku didi Maweja-Nangila, Mvidi Mukulu wa bukole buonsu, utekemena. Ke dituku didiye usombuela bena lukuna bende! Muele wende udi bu nyama wa tshidika, udi ukuata bantu, udia uukuta! Udi unua mashi abu ukuatshika! Maweja-Nangila Mvidi Mukulu wa bukole buonsu udi ubutula bantu badi mu ditunga dia ku mutu, ku muelelu wa musulu wa Perate!

Yezekiyele 7:10

“Monayi mudi dituku dia tshilumbuluilu difika. Kabutu nekafike. Nudi anu nukengeshangana, nudi anu nuditambisha.

Yezekiyele 7:7

Nuenu bena ditunga, mbamane kulongolola kabutu kenu. Tshikondu tshia ndekelu tshikadiku! Dituku dia tshilumbuluilu dikadi pabuipi. Pa mikuna mbila ya disanka neyijike. Bowa nebubuele miaba yonsu.

Yowele 1:15

Eyi, dituku didi dikuatshisha bowa, dituku didi Maweja-Nangila ufika munda, dikadi pabuipi. Didi difika pamue ne kabutu kavua Mvidi Mukulu wa bukole buonsu mumane kujadika.

Yowele 2:11

Maweja-Nangila udi wakula utantamana, ulombola bena mvita bende. Badi tshisumbu tshinene, batumikila diyi diende, kabayi ne udi mua kuambangana nabu. Dituku dia Maweja-Nangila, ndikuatshishe bantu bowa. Washala ne muoyi nnganyi?

Amosa 6:10

Muanabu ne bantu bafuila mu nzubu amu neafike bua kupatula bitalu pambelu. Bu muntu mua kuebeja muntu, udi mushale mu tshibambalu tshia munda menemene mua nzubu, ne: “Nutshidi ne muntu mukuabu mu nzubu anyi,” nebamuandamune ne: “To, muntu nansha umue!” Neasakidile ne: “Puwa! Ki ndiba dia kutela Maweja-Nangila.”

Amosa 8:3

Meme Maweja-Nangila, ndi njadika ne: dituku dindi mbanyoka, bakaji bimbi ba mu nzubu wa bukalenga, nebadile, bela tusala tua madilu. Bitalu nebikale miaba yonsu, kakuyi udi ubijika. Mu ditunga dijima mudi amu vii vii vii!

Abakuke 2:20

Kadi Maweja-Nangila udi mu nzubu wende wa tshijila. Pa buloba bujima, bantu bapuwe kumpala kuende.

Sefanya 1:14

Dituku dinene didi Maweja-Nangila ufika munda dikadi pabuipi. Didi difika ne lubilu luonsu. Pafika dituku adi bantu nebele mbila, kabayi ne ditekemena nansha, nansha bantu badi ne dikima dipite nebadile muadi!

Zekâya 14:1

Dituku didi Maweja-Nangila ufika munda, dikadi pabuipi. Bena mu Yerushalayime, bantu nebabanyangane, bintu bienu, nuenu batangile.

Zekâya 2:13

Eyo, nenduishe bisamba ebi: nebabipawule kudi bantu bavuabi bikuate ku bupika.” Padi malu aa enzeka, nenumanye ne: Maweja-Nangila wa bukole buonsu ke uvua muntume.

Matayi 22:4

Pashishe kutumaye bena mudimu bakuabu, ubambila ne: “Ambilayi bamvua mubikile ne: mpindiewu nkadi mumane kulongolola didia dianyi. Ndi mushipe ngombe milume, ne nyama mikuabu mimpe ya mafuta. Bionsu biakumbanyi! Vuayi mu didia dia dibaka!”

Rome 3:19

Tudi bamanye ne: bionsu bidi mikenji itela, idi ibiambila bantu badi ku bumfumu bua mikenji, bua bantu kabapetshi mushindu wa kudibingisha, kabidi bua bantu bonsu ba pa buloba bamueneke ne tshilumbu ku mesu kua Mvidi Mukulu.

Rome 9:20

Kadi wewe muntu udi welangana mpata ne Mvidi Mukulu, udi nganyi? Luesu lua dima ludi mua kukonka udi mulufumbe ne: “Udi mutufumbe nenku bua tshinyi?”

Filipe 4:5

Lejayi bantu bonsu muoyi wa kalolu. Mfumu ukadi pa kufika.

Kolose 1:12

Elayi Mvidi Mukulu Tatu tuasakidila ne disanka. Bualu udi munuenze bantu badi mua kupeta bumpianyi budiye mutekele bantu bende mu Bukalenga buende bua butoke.

1 Samuele 16:5

Samuwele kuandamuna ne: — Eyowa, ndi mufike bua kulambula Maweja-Nangila mulambu. Nanku, nujikije mikiya yonsu inudi nayi, bua tuye nenu. Samuwele kubikidisha kabidi ne Ishayi ne bana bende ba balume, bua bajikije mikiya yabu, badisanga nende ku mulambu.

1 Samuele 20:26

Dituku adi, Shawule kena muebeje bualu to. Uvua wela meji ne: Davide kena mufike, bualu udi mua kuikala ne mikiya ya mu mpukapuka.