Sefanya 1:4 - MUKANDA WA MYIDI MUKULU

⁴ “Nennyoke badi basomba mu Yerushalayime, ne bantu bonsu badi mu Yuda. Nengumushe muaba ewu, bionsu biwabu batendelela nabi Baale. Nansha batuangaji ba nwidie ewu, kabena mua kubavuluka kabidi to.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Nengolole tshianza tshianyi bua kukuma Bena Yuda ne bonso badi bashikame mu Yelushalema; nengumushe batendeledi ba Bâla ku muaba eu, tô ne ku difuka diabo dionso; nengumushe dina dia balama ba mpingu ne dia bakuidi babi diatshimue nʼabo;

Sefanya 1:4 ပူးပေါင်းရင်းမြစ်များ

2 Bakalenga 21:13

Nembutule Yerushalayime, bu mumvua mubutule Samariya ne bena diku dia Akabe. Meme nenshiye Yerushalayime munda mutupu, anu bu mudibu basukula dilonga, pashishe, badibuikija.

2 Bakalenga 23:12

Kupulaye bilambuilu bionsu bivua bakalenga ba bena Yuda bibake pa mutu pa nzubu wa Akaze. Kupulaye kabidi bilambuilu bionsu bivua Menashe muibake mu mbanza ibidi ya mu nzubu wa Mvidi Mukulu. Kunyangakajaye bilambuilu abi muaba awu. Kubimanshaye mu tshibandabanda tshivua mu Sedrone.

2 Kulondolola 34:4

Kupulabu bilambuilu bionsu bia mvidie Baale, Yoshiya mutangile. Kutshibulabu musangu umue mbabula ya kuosha manananshi ivuabu bimanyike pa bilambuilu abi. Kupulabu makunji a kutendelela mvidie, kunyangakajabu mpingu ya mishindu mishilangane. Kuoshabu bionsu abi kubutula. Butu buabi kubutangalajabu muaba uvua nkita ya bantu bavua batendelela mvidie ya tshianana ayi.

Ekesode 15:12

Wewe kuolola diboku diebe dia bukole, buloba kumina baluishi betu!

Yirmeya 15:6

Maweja-Nangila udi wamba ne: Nuenu ke badi bambenga, bangela nyima. Ke mumvua mufike bua kunubutula, bualu bidi bintonda bua kunufuila luse.

Yirmeya 6:12

Maweja-Nangila udi wamba ne: Bantu bakuabu nebangate nzubu yabu. Nebangate kabidi madimi abu ne bakaji babu. Eyowa, meme Maweja-Nangila nennyoke bena ditunga edi bonsu.

Yezekiyele 25:7

Nanku, nennuleje bukole buanyi. Nennufile kudi bantu benyi. Nebanunyenge bionsu binudi nabi. Kanuakuikala kabidi tshisamba tshia bantu to. Kanuakuikala ne ditunga to. Nennubutule bonsu kashidi. Diba adi, nenujadike ne: meme ndi Maweja-Nangila.”

Yezekiyele 6:14

Nembaleje bukole buanyi. Nennyange ditunga diabu, nembutule bantu badi basombamu, biangatshile ku luseke lua ku tshipela tshidi kuinshi mu ditunga, too ne ku tshimenga tshia Ribla tshidi ku mutu wa ditunga. Bantu bonsu nebajadike ne: meme ndi Maweja-Nangila.”

Osheya 10:5

Bena Samariya badi batendelela mvidie wa kana ka ngombe ka mpawungi kadi ku Betele-Awene. Batendeledi ba mvidie awu, ne bantu badi badiamba ne: tudi batuangaji, badi benza madilu manene kumpala kuende. Bantu abu badi batumbisha mvidie awu, kadi butumbi buende bumane kujimina.

Mika 5:13

Nentule makunji enu a kutendelela nawu mvidie. Nembutule bimenga bienu.

Sefanya 2:11

Maweja-Nangila neabakuatshishe bowa. Neabutule nwidie yonsu ya pa buloba. Diba adi, bantu bonsu, nansha badi basomba kule kupite, nebamutendelele, muntu yonsu muaba udiye usomba.

Sefanya 2:13

Maweja-Nangila neanyoke kabidi badi ku mutu kua ditunga. Neabutule bena Ashure, neashidishe bena Ninive. Tshimenga atshi netshishale tshipela, kamuyi muntu.