Rute 3:3 - MUKANDA WA MYIDI MUKULU

³ Nanku, owa mayi, laba mafuta ne manananshi, uvuale bilambabiebe bimpe, uye muaba udibu bashipuila ntete. Kadi dimuka bua Bowaze kakumonyi, kayi muanji kujikija kudia ne kunua.

Mukanda wa Nzambi Dihungila Dikulukulu ne Dihungila Dihia-dihia 2003

³ Nunku wowe mai laba manyi hamʼbidi hebe, uluate bilulu biebe uye biebe ku tshishihuidi, kadi kudimanyishi kudi muntu au tô ne hashikisheye kudia ne kunua.

Rute 3:3 ပူးပေါင်းရင်းမြစ်များ

2 Samuele 12:20

Ke Davide kujuka panshi, kuowa mayi, kulaba manananshi, kuvuala bilamba bimpe. Kuyaye muaba wa tshijila bua kutendelela Maweja-Nangila. Upingana ku nzubu kuende, kulombaye biakudia, kudiaye.

2 Samuele 14:2

Nanku kubikidishaye mukaji mutalame uvua ku Tekowa, umuambila ne: — Wenze bu muntu udi mu madilu. Uwale bilamba bia madilu. Kulabi manananshi to. Wikale bu mudi mukaji mushale mu madilu matuku a bungi.

Estere 5:1

Matuku asatu a tshijila tshiende mamane kujika, Estere kuvuala bilamba biende bimpe bia mukalenga mukaji. Kuyaye mu lubanza lua munda mua nzubu wa mukalenga. Kuimanaye kumpala kua nzubu wa mukalenga. Mukalenga uvua mu nzubu wende, musombe mu nkuasa, mutangile ku mushiku wa tshibuelelu.

Misambu 104:15

ne maluvu a mvinyo bua kubasankisha, ne mafuta bua kukenkesha mpala yabu, ne diampa bua kubapesha bukole.

Muambi 9:8

Matuku onsu uleje amu disanka, vuala bilamba bimpe, laba manananshi pa mpala.

Yezekiyele 16:9

“Meme kuangata mayi, kukowesha bua kumusha mashi auvua nawu pambidi. Pashishe, meme kukufita mafuta masambakaja ne manananshi.

Matayi 6:17

Kadi wewe, paudi ujila biakudia, wowe mayi kuisu, wele nsuki tshisaku,

Rute 3:2

Udi mumanye ne: Bowaze, muena budimi buuvua upumbulula biakudia pamue ne bena mudimu bende, udi wa mu tshiota tshia ba bayebe. Butuku ebu udi ushipula ntete ya kuenza bukula pa tshishipelu.

Rute 3:4

Padiye uya kulala, utentekele muaba udiye ulala, pashishe usemene pabuipi, ubulule tshilamba tshiende, ulale ku mikolu yende. Pashishe yeye neakuambile tshiudi ne bua kuenza.