Rute 3:2 - MUKANDA WA MYIDI MUKULU

² Udi mumanye ne: Bowaze, muena budimi buuvua upumbulula biakudia pamue ne bena mudimu bende, udi wa mu tshiota tshia ba bayebe. Butuku ebu udi ushipula ntete ya kuenza bukula pa tshishipelu.

Mukanda wa Nzambi Dihungila Dikulukulu ne Dihungila Dihia-dihia 2003

² Boaza, muena bakashi benji ba mudimu bawakadi nʼabo kena wa mu tshiota tshietu, anyi? Mona, yeye udi ushihula orge mu tshishihuidi butuku ebu.

Rute 3:2 ပူးပေါင်းရင်းမြစ်များ

Genese 50:10

Bafika mu Ngorene-Atade, dishiya dia musulu wa Yardene, kujukulabu miadi mikole. Yozefe kuenza madilu a tatuende matuku muanda mutekete. Tshibilu tshivua tshinene.

Rute 2:1

Nowemi uvua ne bayende tshina mu diku dia ba bayende Elimeleke, dina diende Bowaze. Uvua muntu muneme ne mubanji kabidi.

Rute 2:8

Bowaze umvua nanku, kuambilaye Rute ne: — Teleja, nkuambile. Kuena mua kumuka mu budimi ebu kuya kupumbulula biakudia mu budimi bukuabu to. Shala pamue ne bakaji bena mudimu banyi.

Rute 3:1

Dituku dikuabu, Nowemi kuambila Rute ne: — Mukaji wa muananyi, mbimpe nkukebele mulume udi mua kukupiana, bua upete pebe muaba muimpe wa kusomba.

Rute 3:3

Nanku, owa mayi, laba mafuta ne manananshi, uvuale bilambabiebe bimpe, uye muaba udibu bashipuila ntete. Kadi dimuka bua Bowaze kakumonyi, kayi muanji kujikija kudia ne kunua.