Rute 2:8 - MUKANDA WA MYIDI MUKULU

⁸ Bowaze umvua nanku, kuambilaye Rute ne: — Teleja, nkuambile. Kuena mua kumuka mu budimi ebu kuya kupumbulula biakudia mu budimi bukuabu to. Shala pamue ne bakaji bena mudimu banyi.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Hashishe Boaza wakambila Luta ne, Muanʼanyi, kuena munvue, anyi? Kuyi bua kuhumbulula mpumbuluila mu budimi bukuabo, kumuki kunoko nansha, kadi ushale ne bakashi benji banyi ba mudimu.

Rute 2:8 ပူးပေါင်းရင်းမြစ်များ

2 Bakalenga 5:13

Kadi bena mudimu ba Namane, kusemena pabuipi nende, bamukonka ne: — Mfumu, bu muambi Elisha mukuambile bua kuenza bualu bunene, kuvua mua kubuenza anyi? Kadi, udi ubenga bua kuenza tshidiye mukuambile, bua kuowa anu mayi, disama diebe kujikadi, bua tshinyi?

Lewitiki 19:9

“Panudi nunowa biakudia, kanuena mua kukosa too ne miepu idi kumpenga kua budimi to. Kabidi kanuena mua kupingana mu budimi bua kupumbulula binuvua bapue muoyi to.

Matayi 9:2

Bantu kufika ne muena tuneke muladike pa bulalu. Yezu umona ditaba dia bantu abu, kuambilaye muena tuneke ne: — Muananyi, kolesha muoyi! Mibi yebe mmimane kujimina!

Matayi 9:22

Yezu ukudimuka, umona mukaji awu, kumuambilaye ne: — Muananyi, kolesha muoyi! Disama diebe ndimane kujika, anu bua ditaba diebe! Anu pinapu, disama dia mukaji awu kujikadi.

Filipe 4:8

Nanku bana hetu, nutambe kutabalela bionsu bidi bimpe, kabidi bidi bantu mua kupa lumu: ke bionsu bidi bia bulelela, bidi bantu mua kunemeka, bidi biakane, bidi kabiyi ne kalema, bidi bisankisha bantu, bidi bantu mua kutumbisha.

Rute 2:7

Uvua mundombe bua kupumbulula biakudia bidi banowi bashiya mu budimi. Mmukuate mudimu muaba ewu ku dinda too ne ku mpindiewu. Nyeye ewu utshibuelelaku bua kuikisha kakese.

Rute 2:9

Mesu ebe atangile anu budimi budibu banowa. Wenda ubalonda anu munyima. Ndi mukandike bena mudimu bua kabakutatshishi. Padi nyota ikusuma, uye kunua mayi adi bena mudimu basuna mu mabungu.

1 Samuele 3:16

Ke Eli kumubikila, wamba ne: — Muananyi Samuwele! Samuwele kuitaba ne: — Eyowa, mfumuanyi.

1 Samuele 3:6

Musangu muibidi, Maweja-Nangila kubikila Samuwele ne: “Samuwele!” Muana kujuka, kuya kudi Eli, kumuambila ne: — Ke meme uuvua ubikila ewu! Eli umuambila ne: — Muananyi, tshiena mukubikila to! Pingana, uye kulala.