Rute 2:4 - MUKANDA WA MYIDI MUKULU

⁴ Mutantshi unenga, Bowaze kufika, ufumine ku Betleyeme. Kuelaye banowi muoyi ne: — Maweja-Nangila ikale nenu! Bobu pabu kuandamuna ne: — Maweja-Nangila akuele lupemba.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Boaza wakalua mufume ku Beteleheme, wakambila banowi ne Yehowa ikale nʼenu, bobo bakamukudimuna ne, Yehowa akusankishe.

Rute 2:4 ပူးပေါင်းရင်းမြစ်များ

Genese 18:19

Ndi mumusungule bua alongeshe bana bende ne ndelanganyi yende mikenji yanyi, bua babikumbaje bikale bantu bakane. Bobu bakumbaje bionsu ebi, meme Maweja-Nangila nengenzele Abrahame bionsu bindi mumulaye.

Genese 28:3

Mvidi Mukulu wa bukole buonsu akuele lupemba mu dibaka diebe. Ulele bana ba bungi, ushale nkambua wa bisamba bivule.

1 Kulondolola 2:51

Salma uvua muase tshimenga tshia Betleyeme, ne Arefe uvua muase tshimenga tshia Bete-Ngedere.

Misambu 118:26

— Mvidi Mukulu, ele muntu udi ubuela mu nzubu wende lupemba! Tudi tunuela lupemba mu dina dia Maweja-Nangila, mu nzubu wende wa tshijila.

Misambu 134:3

Maweja-Nangila anuele lupemba, biangatshile ku nzubu wende mu Siyone, yeye ngudi mufuke diulu ne buloba!

Yirmeya 31:23

Maweja-Nangila wa bukole buonsu, Mvidi Mukulu wa Izrayele, udi wamba ne: Pangapingaja bantu mu ditunga diabu ne mu bimenga bia Yuda, nebambe tshiakabidi ne: “Maweja-Nangila akuele lupemba, wewe mukuna wa tshijila wa Siyone, muaba udiye usomba!”

Dibadika 6:24

“Maweja-Nangila anuele lupemba, anulame.

Luke 1:28

Mutumibue kubuela mu nzubu mua nsongakaji, umuamba ne: — Sankaku. Maweja-Nangila mmukutokele munda bikole. Mvidi Mukulu udi nebe.

2 Tesalonike 3:16

Mfumu udi ufila bupole, anupe ditalala diba dionsu ne mishindu yonsu. Mfumu ikale nenu bonsu.

1 Timote 6:2

Bapika badi ne bamfumu bena ditaba, kabena ne bua kubapetula, bamba ne: bualu mbana hetu mu ditaba. Kadi badi ne bua kubakuatshila mudimu bimpe bipite, bualu bantu badibu benzela mudimu, mbena ditaba nabu badibu bananga. Ke tshiudi ne bua kumanyisha bantu, kubumvuija kabidi.

2 Timote 4:22

Mfumu ikale nebe. Dinanga dia Mvidi Mukulu dishindame munda muenu.

Yoshua 24:15

Panuikala nubenga bua kuenzela Maweja-Nangila mudimu, lelu nusungule mvidie inudi basue kutendelela. Tshilejilu: mvidie ivua bankambua benu batendelela, patshivuabu dishiya dia musulu wa Perate, nansha mvidie ya bena Amore, idi mu ditunga dinudi basombe edi. Kadi meme ne bena diku dianyi, netuenzele Maweja-Nangila mudimu.

Balombodi 6:12

Mutumibue wa Maweja-Nangila kumumuenekela, kumuambila ne: — Maweja-Nangila udi nebe, tshilobu tshia mvita!

Balombodi 6:16

Ke Maweja-Nangila kumuambila ne: — Nengikale nebe. Nanku neushipe bena Madiyane, bu bikale amu muntu umue.

Rute 2:3

Ke Rute kuya ku budimi, wenda upumbulula biakudia bivua banowi bashiya mu budimi. Diakalenga, budimi abu buvua bua Bowaze, wa mu diku dia ba Elimeleke.

Rute 2:5

Pashishe, Bowaze kukonka mfumu wa banowi ne: — Mukaji ewu ngua penyi?

Rute 4:11

Bantu bonsu bavuaye mubikile muaba awu, ne bakulu, kuambabu ne: — Eyowa, tuajadiki. Maweja-Nangila ele mukaji awu lupemba, bu muvuaye muluele Rakele ne Leya. Bubidi buabu bawa batantshisha tshisamba tshia bena Izrayele. Wewe pebe, usanguke mu Efrata, dina diebe ditumbe mu Betleyeme.

1 Samuele 17:37

Maweja-Nangila uvua mumpandishe ku nzadi ya nyama ya ntambue, ne ya nkashama, neampandishe kabidi ku bianza bia muena Peleshete ewu. Shawule kumuambila ne: — Ndaku, Maweja-Nangila ikale nebe.