Rute 2:3 - MUKANDA WA MYIDI MUKULU

³ Ke Rute kuya ku budimi, wenda upumbulula biakudia bivua banowi bashiya mu budimi. Diakalenga, budimi abu buvua bua Bowaze, wa mu diku dia ba Elimeleke.

Mukanda wa Nzambi Dihungila Dikulukulu ne Dihungila Dihia-dihia 2003

³ Yeye wakaya mu budimi, wakahumbulula mpumbuluila mu budimi ku nyima kua banowi, ku mpukahuka yeye wakabuela mu tshituha tshia budimi bua Boaza wakadi wa mu tshiota tshia Elimeleke.

Rute 2:3 ပူးပေါင်းရင်းမြစ်များ

2 Samuele 1:6

Nsongalume kumuambila ne: — Meme mvua mufike ku mukuna wa Ngilbowa mu mpukapuka. Meme kumona Shawule mudishinde pa difuma diende. Bavua bamubambakaja bikole kudi baluishi bende, bavua ne matempu a mvita, ne kudi bavua babanda pa nyama ya tubalu.

2 Samuele 20:1

Mu Ngilgale, muvua muntu mukuabu mutshimbakane, muena Binyamine, dina diende Sheba, muana wa Bikri. Sheba uvua wela mpungi, wamba ne: — Davide katuena nende bualu to, katuena basue kulonda muana wa Ishayi to! Bena Izrayele, pinganayi ku nzubu yenu!

2 Bakalenga 8:5

Ngeyazi uvua umulondela muvua muambi Elisha mubishe muana ku lulu. Amu diba adi, mamuende wa muana awu kufika bua kulomba lupangu luende ne nzubu wende kudi mukalenga wa bena Izrayele. Nanku Ngeyazi kukema, wamba ne: — Mukalenga, mona, ke mukaji ewu muena muana uvua muambi Elisha mubishe ku lufu.

Matayi 10:29

Nyunyi ya mishamisha ibidi, kabena bayisumbisha ku dikuta dimue anyi? Kadi nansha umue wa kudiyi kena mua kupona panshi, Tatuenu Mvidi Mukulu kayi mumanye.

Luke 10:31

Kuvua mutuangaji upueka mu mpukapuka ne njila awu. Kumonaye muntu awu, kusesukaye, kuya.

2 Tesalonike 3:12

Bantu abu tudi tubalomba, tubambila mu dina dia Mfumu Yezu ne: nukuate mudimu matuku onsu, bua nudipetele tshiakudia tshienu.

Rute 2:2

Dituku dikuabu, Rute kuambila Nowemi ne: — Ndi nkulomba bua kuya kupumbulula biakudia, bidi banowi benda bashiya mu budimi. Nempete muntu udi mua kumfuila luse. Nowemi kumuandamuna ne: — Ndaku, mukaji wa muananyi.

Rute 2:4

Mutantshi unenga, Bowaze kufika, ufumine ku Betleyeme. Kuelaye banowi muoyi ne: — Maweja-Nangila ikale nenu! Bobu pabu kuandamuna ne: — Maweja-Nangila akuele lupemba.