Rute 2:20 - MUKANDA WA MYIDI MUKULU

²⁰ Nowemi umvua nanku, kuambila Rute ne: — Maweja-Nangila mukumbaji wa malaya ende amusankishe. Mmuwluke bonsu bafuile, ne batshidi ne muoyi. Bowaze mbayebe tshina menemene, udi ne bua kutuambuluisha bilondeshile mikenji.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Naomi wakambila mamuenʼandi ne, Yehowa udi kayi ulekela kalolo kandi kudi badi ne muoyo ne badi bafue amusankishe. Naomi wakamuambila ne, Muntu au udi wa ha buihi nʼetu, udi umue wa mu tshiota tshietu.

Rute 2:20 ပူးပေါင်းရင်းမြစ်များ

2 Samuele 2:5

kutumaye bantu bua bambila bena mu Yabeshe ne: “Maweja-Nangila anuele lupemba, bualu nudi bajike mfumuenu Shawule, baleje munuvua bamunange.

2 Samuele 9:1

Dituku dikuabu, Davide kukonka ne: — Mu nzubu mua Shawule, kamuena muntu nansha umue udi mushale ne muoyi anyi? Ndi musue kumuenzela bimpe mu dina dia Yonatane.

Yobe 19:25

Kadi ndi mumanye bimpe ne ndi ne muntu udi ungakuila, pa buloba ebu, yeye neambe muaku wa ndekelu.

Nsumuinu 17:17

Mulunda muimpe neakuambuluishe mu malu onsu. Muanetu udi pamue nanyi mu dikenga dionsu.

Lewitiki 25:25

“Padi muanenu musue kusumbisha budimi buende, bua dikenga didi dimukuata, anu muena diku ke udi ne mushindu wa kupikula budimi abu.

Filipe 4:10

Nuvua bapete mushindu tshiakabidi wa kundeja munudi bannange. Mvua mumvue disanka dia bungi, mmona bu dipa dia kudi Mfumu. Tshiena musue kuamba ne: nukadi balekele kusumpakana bualu buanyi. Kadi kanuvua bapete mushindu wa kuleja munudi bannange.

Rute 2:21

Ke Rute kumuambila kabidi ne: — Bowaze uwa mungambile ne: wikale wenza mudimu ne bena mudimu banyi, too ne pajika dinowa dia bintu bianyi bionsu.

Rute 3:12

Bulelela, meme ndi mua kukupiana. Kadi kudi bayebe tshina menemene udi nenu pabuipi, mumpite meme.

Rute 4:14

Ke bakaji bonsu kutumbisha Mvidi Mukulu, bambila Nowemi ne: — Maweja-Nangila wakupeshi muikuluebe udi mua kukuvuluka. Dina diende ditumbe mu Izrayele! Bu mudiye mukusangule, neakuame bimpe mu bukulakaja buebe.

Rute 4:4

Ke pandi mukubikile bua kukumanyisha ne: udi mua kusumba budimi kumpala kua bena ditunga ne kua bakulumpe bonsu badi basombe aba. Kadi pawikala mubenge, ungandamune, bua mmanye tshindi mua kuenza, bualu amu wewe ke udi malu aa onsu atangila, meme ewu ndi mvua panyima pebe. Muntu awu kuandamuna ne: — Ndi musue kusumba budimi.

Rute 4:6

Muanabu umvua nanku, kubengaye wamba ne: — Tshiena mua kusumba budimi abu, ne kupiana mukaji wa mufue to, bualu nemvue kupanga mua kuabanya bia bumpianyi munkatshi mua bana banyi ne ba mufue. Wewe jikija malu onsu pa mutu panyi meme.