Rute 2:12 - MUKANDA WA MYIDI MUKULU

¹² Maweja-Nangila akuvudijile disanka pa bionsu biudi muenze. Maweja-Nangila, Mvidi Mukulu wa Izrayele, akuele lupemba, bualu udi muvue kusokoma kudiye.

Mukanda wa Nzambi Dihungila Dikulukulu ne Dihungila Dihia-dihia 2003

¹² Yehowa akufute bua mudimu webe, bakuhe difutu diebe dionso kudi Yehowa, Nzambi wa Isalele, uwakulua kuso koma muinshi mua mahuahua andi.

Rute 2:12 ပူးပေါင်းရင်းမြစ်များ

Misambu 17:8

Bu mudi muntu ulama lumonyi lua disu, undame, unsokoke mu mapuapua ebe.

Misambu 19:11

Mikenji yende mmipite tshiamu tshia mpawungi mushinga, idi mimpe, mipite buitshi busheme.

Misambu 36:7

Lupandu luebe ndupite ne mikuna mitumbuke ku bule. Nsambu iudi ukosa mmipite buondoke bua mayi manene. Maweja-Nangila, wewe udi wambuluisha bantu, wambuluisha kabidi ne nyama.

Misambu 57:1

Musambu wa mu mukanda wa mulombodi wa bena misambu. Wa kuimba ne meyi a musambu wa “Kunyangi…”. Kasala ka mu mukanda wa misambu ya Davide. Uvua muusake pavuaye munyeme Shawule, muye kusokoma mu lubuebue.

Misambu 58:11

Padi Mvidi Mukulu usombuela bantu babi aba, bantu bende nebasanke, badiate mu mashi a baluishi babu.

Misambu 61:4

Wewe udi muaba undi mua kunyemena, nzubu mutumbuke udi unjika kudi baluishi.

Misambu 63:7

Nansha mu bulalu, ndi nkuvuluka. Butuku bujima ndi ngela meji kuudi.

Misambu 91:4

Neakulame, neusangane tshisokomenu kudiye, bu muana wa nzolu, usokoma mu mapuapua a mamuende. Bulelela buende budi bu ngabu udi ukulama.

Nsumuinu 11:18

Difutu didi muntu mubi wangata didi dimudinga. Kadi udi wenza bidi Mvidi Mukulu musue kakupanga difutu diende.

Nsumuinu 23:18

Nanku neusanke matuku adi kumpala. Kuakufua bundu to.

Yirmeya 31:16

Kadi Maweja-Nangila udi umuambila ne: Lekela muadi, kupula binsonji biebe, bualu nenkufute bua bionsu biuvua wenzela bana bebe. Ke meme Maweja-Nangila udi wamba nanku! Bana bebe nebumuke kudi baluishi, kudi bena lukuna babu, bua kupingana kuabu.

Matayi 23:37

— Yerushalayime, Yerushalayime, wewe udi ushipa bambi, wasa badi Mvidi Mukulu ukutumina mabue, ubashipa! Misangu bungi munyi imvua mujinge kusangisha bantu bebe pandi, bu mudi nzolu usangisha tuana tuende mu mapuapua. Kadi kanuvua basue to!

Matayi 5:12

Sankayi, sangalayi, bualu Mvidi Mukulu neanusankishe bikole mu diulu. Bambi bavua banudianjidile, bavua babakengesha amu mushindu ewu.

Matayi 6:1

— Dimukayi: kanuenji malu enu mimpe bua mesu a bantu, bua kunumonabu. Nuenu benze nanku, Tatu wenu udi mu diulu kena unufuta to.

Luke 6:35

Kadi nangayi bena lukuna benu, benzelayi bimpe. Sombeshayi bantu bintu, kanuyi nutekemena ne: nebatupingajilebi. Nanku nenupete difutu dinene. Nenuikale bana ba Mvidi Mukulu Muena kulu. Bualu Yeye udi wenzela bena kadiwu, ne bantu babi, bimpe.

Kolose 2:18

Kanuteleji muntu udi unudiwula, wamba ne: meme ndi ndipuekesha, ndi ntendelela batumibue; Mvidi Mukulu udi undeja malu. Muntu wa nanku udi uditambisha patupu, wela amu meji a bantu.

2 Timote 1:18

Mfumu anuambuluishe, bua dituku dia Tshilumbuluilu Mvidi Mukulu amufuile luse. Wewe kabidi udi mumanye bimpe bungi bua midimu ivuaye mungenzele mu Efeze.

2 Timote 4:8

Mpindiewu tshidi tshinshadile tshidi amu bua meme kupeta nsala wa lumu. Mfumu, udi ukosa nsambu pa yoyi, neangele ka lumbandi dituku dia Tshilumbuluilu. Kakungela amu meme nkayanyi. Kadi neele kabidi bantu bonsu badi bindila ne dinanga diba didiye mua kumueneka.

Ebrewu 11:26

Utata muele meji ne: bobu bampetule mutotabu bapetule Kristu, ndi mpeta tshiuma tshidi tshipite biuma bia mu Ejipitu. Bualu mesu ende avua atangila amu difutu divuaye muindile kumpala.

Ebrewu 11:6

Kadi muntu kena mua kusankisha Mvidi Mukulu padiye kayi ne ditaba. Bualu muntu udi usemena pabuipi ne Mvidi Mukulu udi ne bua kuitaba ne: Mvidi Mukulu udiku, udi ufuta badi bamukeba.

Ebrewu 6:10

Mvidi Mukulu kena wenza bibi. Kena mua kupua binudi benze muoyi. Udi amu uvuluka dinanga dinuvua bamuleje ku midimu inuvua benzele bantu ba tshijila ne inutshidi nubenzela.

Rute 1:16

Kadi, Rute kuandamuna mamuenende ne: — Lekela kutupingaja. Ndi musue kuya nebe. Bualu kuwaya nkungaya; kuwasomba nkungasomba; bana benu mbana betu kabidi; Mvidi Mukulu webe neikale Mvidi Mukulu wanyi.

Rute 2:11

Bowaze kuandamuna ne: — Bakadi bamane kundondela, bangumvuije malu onsu auvua muenzele mamuenebe panyima pa lufu lua bayebe. Ndi mumanye muudi mushiye baledi bebe ne ditunga dienu dikulela. Wewe kuya kudi bantu bamua kuyi muanji kumanya.

Rute 2:13

Pashishe, Rute kuamba ne: — Mukalenga, ndi nkuela tuasakidila, bua paudi munsambe, munkoleshe ku muoyi, meme tshiyi nansha bu umue wa ku bakaji bena mudimu bebe.

Rute 4:15

Mukaji wa muanebe udi mukunange, mukupeshe muana. Nanku mmupite ne bana ba balume muanda mutekete.

1 Samuele 24:19

Lelu, wandeji ne: kuena nanyi ne bualu. Maweja-Nangila uvua mmufile mu bianza biebe, kadi kuena munshipe to.

1 Samuele 24:20

Padi muntu ukuata muluishi wende, udi mua kumulekela anu katakata anyi? Kabiena mua kuenzeka to. Nanku, Maweja-Nangila akufute bua malu audi mungenzele lelu aa.