Rute 1:20 - MUKANDA WA MYIDI MUKULU

²⁰ Kadi Nowemi kubandamuna ne: — Kanumbikidi kabidi ne Nowemi (mmuena diakalenga), kadi numbikile ne: Mara (Kabungama), bualu Mvidi Mukulu wa bukole buonsu mmunkengeshe bikole.

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Yeye wakabambila ne, Kanumbikidi ne Naomi kabidi, numbikile ne Mala, budlu bua Nzambi wa Bukole Buonso wakatamba kuhkengesha.

Rute 1:20 ပူးပေါင်းရင်းမြစ်များ

Genese 17:1

Abrame mumane kukumbaja bidimu makumi tshitema ne tshitema, Maweja-Nangila kumumuenekela, umuambila ne: — Ndi Mvidi Mukulu wa bukole buonsu. Witabe diyi dianyi, wikale muntu muakane.

Genese 43:14

Mvidi Mukulu wa bukole buonsu akaje muoyi wa muntu awu, bua anufuile luse, nupingane ne Binyamine, kabidi ne Shimeyone bonsu babidi kuneku. Kadi meme nkadi mumane kufuisha muananyi. Nenshale bu muntu uvua kayi mulele anyi?

Yobe 11:7

Kadi wewe udi mua kumanya malu adi munda mua Mvidi Mukulu anyi?

Yobe 19:6

Kadi numanye ne; Mvidi Mukulu ke udi mungenzele bibi ebi, ke udi munjingile bukondu buende.

Yobe 5:17

Nanku, dikenga didi kudi muntu udi Mvidi Mukulu unyoka! Kadi wewe Yobe, kupepeji mibelu idi Mvidi Mukulu wa bukole buonsu ukubela nayi to.

Yobe 6:4

Eyowa, Mvidi Mukulu wa bukole buonsu, mmungase miketa. Lulengu luayi ndumbuele mu lungenyi. Bionsu bidi Mvidi Mukulu mulongolole bua kukuatshisha nabi bantu bowa, bidi binyunguluke biela mualu wa mvita.

Yobe 9:18

Kena musue bua meme kueyela, kuikisha katupa. Udi untatshisha, unyingalaja bikole.

Misambu 73:14

Matuku onsu ndi mmona amu makenga, dinda dionsu ndi mpeta amu dikasa dibi.

Misambu 88:15

Maweja-Nangila, udi umbenga bua tshinyi? Bua tshinyi kuena musue kummona?

Ekesode 15:23

Kufikabu ku Mara. Kabavua mua kunua mayi avua muaba awu, bualu avua ne bululu. Ke pavuabu babikila muaba awu ne: Mara (mmumue ne: a bululu).

Ekesode 6:3

Meme ke Mvidi Mukulu wa bukole buonsu uvua mumuenekele Abrahame, Izake ne Yakobe. Kadi tshivua mubambile dina dianyi dia Maweja-Nangila to.

Yeshaya 38:13

Bufuku bujima ndi ngela mbila, mmona ne: Maweja-Nangila mmuzaze mifuba yanyi yonsu, mudi nyama wa ntambue uyiboza, uvinga. — Maweja-Nangila buatshia buila, udi mua kuvua kungangata, kumbutula. —

Ebrewu 12:11

Diba didibu batunyoka, tudi dibungama, katuena tusanka to. Kadi kunyima, bavuabu banyoka balengeja nanku, badi bakuama bimuma bia ditalala, ne bia malu mimpe.

Didimanyisha 1:8

Maweja-Nangila, Mvidi Mukulu wa bukole buonsu, udiku, uvuaku, wafikaku, udi wamba ne: “Meme ndi Alfa ne Omega.”

Didimanyisha 21:22

Tshivua mumone nzubu wa Mvidi Mukulu mu tshimenga etshi to. Bualu Maweja-Nangila wa bukole buonsu, pamue ne Muana wa mukoku, badi nzubu watshi.