Rome 9:5 - MUKANDA WA MYIDI MUKULU

⁵ Badi ba ku ndelanganyi ya bankambua. Kristu mu buntu buende udi wa ku tshisamba tshiabu. Yeye Mvidi Mukulu, udi ku mutu kua bionsu, atumbe kashidi. Amene.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Bankambua betu mbabo, kudibo nkudi Kilisto mufume mu buntu buandi, udi biandi ku mutu kua bonso, Nzambi mene, mutumbishibue tshiendelele. Amen.

Rome 9:5 ပူးပေါင်းရင်းမြစ်များ

Genese 12:3

Bonsu badi bakuela lupemba, nembele. Kadi bonsu badi bakutshipa, nembatshipe. Nengele bisamba bionsu bia pa buloba lupemba bualu buebe.

Genese 49:10

Nsesu wa bukalenga neashale mu diku dia Yuda. Dikombu dia bumfumu nedishale kudi ndelanganyi yende, too ne pafika muena bukalenga, udi bantu bonsu ne bua kutumikila.

1 Bakalenga 1:36

Benaya kuandamuna ne: — Eyowa, mbimpe mukalenga wanyi! Maweja-Nangila Mvidi Mukulu webe udi muakuile mukana muebe.

1 Kulondolola 16:36

Elayi Maweja-Nangila Mvidi Mukulu wa Izrayele, tuasakidila, numuelayi tuasakidila lelu ne kashidi. Bantu bonsu kupunguluja ne: “Amene! Tumbishayi Maweja-Nangila!”

Misambu 103:19

Maweja-Nangila mmujadike nkuasa wende wa bukalenga mu diulu, ukokesha bintu bionsu.

Misambu 106:48

Maweja-Nangila Mvidi Mukulu wa bena Izrayele, tuasakidila! Nuele Maweja-Nangila tuasakidila misangu yonsu. Bantu bonsu bambe ne: “Amene, eyo, bikale nanku! Tutumbishayi Mvidi Mukulu, Aleluya!”

Misambu 41:13

Bu mundi tshiyi ne bualu, neutue ku tshianyi, newanyishe bua meme kushala pabuipi nebe kashidi.

Misambu 45:6

Miketa yebe idi mitue mitambe. Neibuele mu mioyi ya baluishi bebe. Bantu nebashinde ku makasa ebe.

Misambu 72:19

Tuele Mvidi Mukulu tuasakidila! Lumu luende ndunene! Butumbi buende bumueneke mu buloba bujima! Amene, eyo, bikale nanku!

Misambu 89:52

Maweja-Nangila, baluishi bebe badi bapenda, badi bapenda mukalenga uudi mujidile, bulelela badi bamupenda padiye upita.

Yeshaya 11:1

Lutonga ludi lupatuka ku tshikuku tshia Ishayi. Ditamba dipiadipia didi dimena ku miji yende.

Yeshaya 7:14

Nanku Maweja-Nangila nkayende neakupeshe tshimanyinu: nsongakaji neimite difu. Nealele muana wa balume. Neamuinyike Emanuwele, mmumue ne: “Mvidi Mukulu udi netu.”

Yirmeya 28:6

— Eyowa, ndi njinga bua Maweja-Nangila enze bu muudi wamba amu, akumbaje biuvua muambe, apingaje bintu bia tshijila bia mu nzubu wa Mvidi Mukulu bidi mu Babilone, ne bantu bonsu badi mu bupika.

Mika 5:2

Maweja-Nangila nealekele bantu bende mu bianza bia baluishi babu, too ne ku tshikondu tshidi mukaji udi kulu ulela muana wa balume. Diba adi bantu badi bashala ne muoyi mu bupika, nebapingane mu ditunga diabu, bua kudisangisha ne bena Izrayele bakuabu.

Matayi 28:20

Nubalongesha kabidi mua kukumbaja bionsu bimvua munuambile. Manyayi ne: Meme nengikale nenu matuku onsu, too ne ku ndekelu kua bidimu.

Matayi 6:13

Kutubueji mu ditetshibua, kadi utusungile kudi Muena bubi. [Bualu wewe ke udi ne bukalenga, bukole ne butumbi, kashidi tshiendelele. Amene.]”

Luke 20:44

Padi Davide umubikila: “Mfumu wanyi,” mudi Kristu mua kuikala wa ku ndelanganyi ya Davide mmunyi?

Yowanane 10:30

Tatu ne meme tudi tshintu tshimue.

Bienzedi 20:28

Dimukayi! Nudilame bimpe, nulame Tshisumbu tshia mikoku, tshidi Mueyelu wa Tshijila munupe. Nukube Tshisumbu tshia bena ditaba, tshidi Mvidi Mukulu mupete ku lufu lua muanende mulela.

Bienzedi 3:13

Kabiena nanku to! Mvidi Mukulu wa Abrahame, wa Izake, ne wa Yakobe, Mvidi Mukulu wa bankambua betu, mmuleje patoke butumbi budi muntu wende Yezu nabu. Nuenu kumufila kudi bamfumu, kumubenga kumpala kua Pilate. Kadi Pilate uvua musue kumulekela.

Rome 1:25

Badi bumusha bulelela budi butangila Mvidi Mukulu, bapingaja dishima. Badi batendelela bintu bidi Mvidi Mukulu mufuke, babikuatshila mudimu, pa mutu pa kutendelela Mubifuki, kumuenzela Yeye nkayende mudimu. Yeye mene atumbe kashidi! Amene.

Rome 1:3

Uvua mulukumbaje kudi Muanende Mfumu wetu Yezu Kristu, uvuabu balele ne mubidi wa muntu mu diku dia mukalenga Davide;

Rome 10:12

Nanku kakuena dishilangana pankatshi pa bena Yuda ne bantu ba bisamba bikuabu. Bonsu badi ne Mfumu wa momumue, udi upesha bonsu badi bamubikila bilenga biende.

Rome 11:28

Patudi lutangila mushindu uvua bena Yuda babenge Lumu lua Disanka, badi baluishi ba Mvidi Mukulu, kadi amu bua nuenu kutuuta dikasa dimpe. Kadi patudi bitangila mushindu uvua Mvidi Mukulu musungule bankambua babu, badi bashala bantu badiye unanga.

1 Korente 14:16

Paudi wela Mvidi Mukulu tuasakidila mu Mueyelu nkayawu, muntu mukuabu udi ubuela mu tshisangilu awu, udi mua kudisanga nenu mu ditendelela bishi? Bu mudiye kayi umvua binudi nuamba, kena mua kuitaba amene nansha.

2 Korente 11:31

Mvidi Mukulu, Tatuende wa Mfumu Yezu, mummanye ne: tshiena nshima to. Atumbe kashidi tshiendelele!

Dielulula 10:15

Kale Maweja-Nangila uvua umvuangana amu ne bankambua benu, mubanange anu bobu. Kadi mpindiewu, mmunusungule nuenu, ndelanganyi yabu, munkatshi mua bisamba bionsu, munudi bamone emu.

1 Timote 3:16

Eyowa, muntu nansha umue kena mua kuela mpata ku bualu bunene busokome bua ditaba dietu! Uvua mudileje panu mu butekete bua muntu. Mueyelu wa Tshijila kumubingisha. Batumibue ba Mvidi Mukulu kumumona. Bantu kulongesha bualu buende mu bisamba bikuabu. Kumuitababu pa buloba. Kumuambulabu mu diulu.

1 Timote 6:15

Yezu neamueneke tshikondu tshivua Mvidi Mukulu mujadike. Yeye Mvidi Mukulu umuepele, ke Muena bionsu, mpokolu wa diakalenga, Mukalenga udi upita bakalenga bonsu, Mfumu udi upita bamfumu bonsu.

2 Timote 2:8

Mesu ebe ikale amu kudi Yezu Kristu, wa ku ndelanganyi ya Davide, uvuabu babishe ku lufu, mudi Lumu lua Disanka lundi ndongesha luamba.

Ebrewu 7:24

Kadi Yezu udi ne muoyi kashidi. Nenku mudimu wende wa butuangaji kabena ne bua kuupiana kudi muntu mukuabu.

1 Yone 5:20

Tudi bamanye ne: Muana wa Mvidi Mukulu mmufike. mMutupeshe lungenyi, bua mmanye Mvidi Mukulu mulelela. Tudi mu bobumue ne Mvidi Mukulu mulelela kudi Muanende Yezu Kristu. Yezu Kristu ke Mvidi Mukulu mulelela. Yeye ke muoyi wa kashidi.

Didimanyisha 1:18

Ndi ne muoyi. Mvua mufue. Kadi mpindiewu ndi ne muoyi kashidi. Ndi Mfumu wa lufu ne wa kandondu ka bafue.

Didimanyisha 22:16

“Meme Yezu, mvua mutume mutumibue wanyi bua kunujadikila bionsu ebi mu Bisumbu bienu bia bena ditaba. Ndi wa ku ndelanganyi ya Davide. Ndi mutotu wa nkesha.”

Didimanyisha 22:20

Udi ujadika bulelela bua malu onsu aa, udi wamba ne: “Bushuwa, nkadi mu njila!” Eyo! Bikale nanku! Mfumu Yezu, vuaku!

Didimanyisha 5:14

Bia muoyi binayi bivua bitshija ne: “Amene!” Ke bakulu kudiela panshi kukukuila.