Rome 9:20 - MUKANDA WA MYIDI MUKULU

²⁰ Kadi wewe muntu udi welangana mpata ne Mvidi Mukulu, udi nganyi? Luesu lua dima ludi mua kukonka udi mulufumbe ne: “Udi mutufumbe nenku bua tshinyi?”

Mukanda wa Nzambi Dihungila Dikulukulu ne Dihungila Dihia-dihia 2003

²⁰ Nasha, kadi wewe, muntu udi nganyi udi wela Nzambi mpata? Tshintu tshifukibua netshikenke mufuki watshi ne, Wakunfuka nunku bualu kai, anyi?

Rome 9:20 ပူးပေါင်းရင်းမြစ်များ

2 Samuele 16:10

Mukalenga Davide kumukonka ne: — Wewe Abishayi ne muanenu Yowabe, nudi nubuelakana mu bualu ebu bua tshinyi? Pikala muntu ewu umpenda, misangu mikuabu Maweja-Nangila ke udi mumutume bua kumpendaye. Nanku muntu kena mua kumutandisha to.

Yobe 16:3

“Newambe miaku ya bupale too ne ku diba kaayi? Ndikenga kayi diudi nadi bua wewe kuandamuna amu kuandamuna?”

Yobe 33:13

Tshilumbu tshiudi mumuase ntshilumbu kaayi? Bualu kena musue kuandamuna ku nkonku yebe anyi?

Yobe 36:23

Udi ne bua kumuambila tshidiye ne bua kuenza nnganyi? Udi mua kumuamba ne: “Uvua muenze bibi” nnganyi?

Yobe 40:2

Wewe udi musue kuelangana mpata pa malu adi Mvidi Mukulu wa bukole buonsu mulongolole anyi? Utshidi umuasa tshilumbu anyi? Neupuwe anyi, peshi utshidi ne bua kuandamuna ku bindi ngamba.

Yobe 40:5

Mvua muakule, kadi tshiakuakula kabidi nansha. Mvua mukoleshe malu. Kadi tshiakutungunuka kabidi nanku to.

Yobe 40:8

Udi ubenga mundi nkosa nsambu anyi? Udi musue kumpisha bua wewe kubinga anyi?

Yobe 9:32

Mvidi Mukulu kena muena mulongu nanyi, undi mua kuandamuna, bua tuetu kuya nende ku kabadi!

Yeshaya 10:15

— Tshisuyi tshidi mua kudimona tshipite mfumuatshi anyi? Nseele wa kupanda nende mabaya udi mua kudiangata ne mushinga mupite wa muenaye anyi? Dikombu kadiena dijuula muntu, kadi muntu ngudi udijuula! Tshibonge katshiena tshinyungisha muntu, muntu ngudi utshinyungisha.

Yeshaya 29:16

Nudi bantu batshimbakane, panudi nuteka diima ne mudifumbi mulongu umue! Tshintu tshidibu benza kudi muntu, katshiena mua kuambila muntu ne: “Udi mungenze ki ngwewe to.” Luesu ludi mua kuambila mulufumbi ne: “Kuena mumanye mudimu wa ditumba anyi?”

Yeshaya 64:8

Maweja-Nangila, kutuleji tshiji tshipite bukole. Kuvuluki kashidi ntupakanyi itudi nayi. Tudi tukusengelela ne: vuluka mutudi bonsu bantu bebe.

Yirmeya 18:6

“Nuenu bena Izrayele, meme Maweja-Nangila tshiena ne bukole bua kuenza nenu mudi mufumbi wa ngesu ewu wenza anyi? Nudi mu tshianza tshianyi, bu buloba bua diima mu tshianza tshia mufumbi.

Mika 6:8

Mbanulongeshe binudi ne bua kuenza, bidi Maweja-Nangila ujinga kudi bantu: udi unulomba bua nunemeke bantu ne bintu biabu, nuenzele bakuabu bimpe, nubanange, nuende bimpe mu njila udi Mvidi Mukulu wenu unuleja.

Matayi 20:15

Tshiena mua kuenza mundi musue ne nkanu yanyi anyi? Udi umvua lubabu, bualu ndi ne muoyi muimpe anyi?”

Luke 12:14

Ke Yezu kumuandamuna ne: — Muntu, udi munteke munukosedi wa nsambu, ne muabanyinyi wa biuma bienu nnganyi?

Rome 14:4

Wewe kabidi udi nganyi bua wewe kulumbuluisha muena mudimu wa bende? Bualu, nansha yeye ukuatshila mfumuende mudimu ne dinanukila, nansha yeye mupangile mu njila, tshilumbu atshi tshidi amu tshia mfumuende wa mudimu. Kadi neakuate mudimu ne dinanukila, bualu Mfumu udi ne bukole bua kumuimanyika.

Rome 2:1

Nanku wewe udi ulumbuluisha bakuabu, kuena mubinge, nansha wewe nnganyi ne nnganyi. Bualu paudi ulumbuluisha bakuabu, wenza kabidi malu adibu benza, udi udipisha wewe nkayebe.

Rome 2:3

Wewe udi ulumbuluisha badi benza malu a nanku, wenza kabidi a momumue, udi wela meji ne: neupanduke ku tshilumbuluilu tshia Mvidi Mukulu anyi?

Rome 9:21

Mufumbi wa luesu udi mua kufumba dima mudiye musue. Udi mua kuenza ne dima dia mushindu umue luesu lua mushinga mukole, nansha lua patupu.

Rome 9:22

Bushuwa Mvidi Mukulu uvua musue kuleja tshiji tshiende, ne kumanyisha bantu bukole buende. Kadi uvua muanji kulengulula ne lutuulu luvule bantu bavuaye mufikile munda, bakafua bakumbanyine kubutuka.

1 Korente 1:20

Nanku tshidi muena meji, nansha muntu udi mulonge mikanda, nansha muedianganyi wa mpata wa panuapa, mua kuamba kabidi ntshinyi? Mvidi Mukulu mmumane kuleja ne: meji a bena panu mbupale!”

1 Korente 7:16

Wewe mukaji muena ditaba, udi mua kujadika ne: neusungidile bayebe anyi? Nansha wewe mulume muena ditaba, udi mua kujadika ne: neusungidile mukajebe anyi?

1 Timote 6:5

dielangana mpata ne munanunanu ne bantu badi ne lungenyi lunyanguke, kabatshiyi bamanye bulelela. Bualu badi bela meji ne: kuenzela Mvidi Mukulu mudimu mmuaba wa kupeta biuma.

2 Timote 2:20

Mu nzubu munene kamuena amu malonga a tshiamu tshia mpawungi, nansha a tshiamu tshitoke tshia mushinga mukole. Mudi kabidi a mitshi, ne a diima. A kumpala badi benza nawu mudimu mu bibilu. Makuabu mmateka bua midimu ya buatshiabuatshia.

Tite 2:9

Bapika badi ne bua kukokela bamfumu babu, kubasankisha mu bionsu, kubenga kuela mpata ku diyi diabu.

Yakobe 2:20

Kadi wewe udi muntu mubule lungenyi! Udi musue bua nkujadikile ne: ditaba, didi kadiyi didileja mu bitudi tuenza, didi tshianana anyi?