Rome 9:18 - MUKANDA WA MYIDI MUKULU

¹⁸ Nanku muntu udi Mvidi Mukulu musue kutuila luse, udi umufuila. Muoyi wa muntu udiye musue kupapisha, udi uupapisha.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Nunku udi ufuila badiye musue luse, udi ukolesha mitshima ya badiye musue.

Rome 9:18 ပူးပေါင်းရင်းမြစ်များ

Ekesode 10:1

Maweja-Nangila kuambila Moshe ne: — Uye kudi mukalenga wa bena Ejipitu. Meme ke udi mumupe muoyi wa tshitunu, yeye ne balombodi ba mu bukalenga buende bua mmone mua kuenza bishima bionsu ebi mu ditunga diende.

Ekesode 10:20

Kadi mukalenga wa bena Ejipitu kena mulekele bena Izrayele to, bualu Maweja-Nangila uvua mumupeshe muoyi wa tshitunu.

Ekesode 10:27

Mukalenga wa bena Ejipitu kena mulekele bena Izrayele to, bualu Maweja-Nangila uvua mumupeshe muoyi wa tshitunu.

Ekesode 11:10

Moshe ne Arone bakavua bamane kuenza bishima bia bungi, mukalenga wa bena Ejipitu mutangile. Kadi mukalenga ewu kena mulekele bena Izrayele to, bualu Maweja-Nangila uvua mumupeshe muoyi wa tshitunu.

Ekesode 14:17

Nempeshe bena Ejipitu muoyi mukole wa tshitunu bua banulonde. Pashishe meme nendeje butumbi buanyi. Nembutule mukalenga wa bena Ejipitu ne tshiluilu tshiende tshijima, matempu ne badi babanda pa tubalu.

Ekesode 14:4

Pashishe, meme Maweja-Nangila nempeshe mukalenga wa bena Ejipitu muoyi wa tshitunu, bua anulonde. Nanku, nendeje butumbi buanyi, nembabutule, yeye mukalenga ne biluilu biende bionsu. Bena Ejipitu nebajadike ne: meme ndi Maweja-Nangila. Bena Izrayele kuenza bionsu bivuabu babambile abi.

Ekesode 4:21

Maweja-Nangila kuambila kabidi Moshe ne: — Ndi nkupesha bukole bua kuenza bishima. Pawafika kudi mukalenga wa bena Ejipitu, wenze bishima bionsu bindi mukuleje. Kadi meme nemmupeshe muoyi wa tshitunu. Kakuanyisha bua bena Izrayele bumuke to.

Ekesode 7:13

Kadi mukalenga wa bena Ejipitu uvua anu ne tshitunu. Kubengaye diyi dia Moshe ne dia Arone, bu muvua Maweja-Nangila mumane kuamba.

Ekesode 7:3

Kadi meme nempeshe mukalenga wa bena Ejipitu muoyi wa tshitunu. Nengenze malu a dikema mavule mu ditunga diende.

Ekesode 9:12

Mukalenga wa bena Ejipitu kubenga diyi dia Moshe ne Arone, bualu Maweja-Nangila uvua mumupeshe muoyi wa tshitunu nuwuaye mudianjile kuambila Moshe.

Ekesode 9:7

Mukalenga wa bena Ejipitu kukonka bantu bende bua kujadika tshivua tshienzeke. Kumuambilabu ne: bimuna bia bena Izrayele kabiena bifua nansha tshimue. Kadi mukalenga wa bena Ejipitu kena mutekete bena Izrayele to. Uvua anu ne tshitunu.

Yeshaya 63:17

Maweja-Nangila, uvua muanyishe bua tupambuke, tulekele njila webe, tuikale ne tshitunu, tubenge bumfumu buebe bua tshinyi? Pingana kutudi, bualu tudi bena mudimu bebe, bantu baudi mudisunguile.

Yowanane 12:40

“Mvidi Mukulu uvua mubafofamije mesu, mututubije lungenyi luabu, bua mesu abu kaamonyi, lungenyi luabu kalujinguludi bualu, bua kabapinganyi kundi, bua meme kubasungidila.”

Rome 11:25

Bana hetu, telejayi bualu bulelela busokome, bundi musue kunumanyisha, bua kanudiangatshi bu bena meji. Bena Izrayele bakuabu mbapapishe muoyi wabu. Kadi bualu ebu nebatungunuke amu too ne padi bisamba bikuabu bionsu bimane kupeta lupandu.

Efeze 1:6

Nanku tutumbishayi Mvidi Mukulu bua ditunanga diende dia dikema, divuaye mutulejile bimpe bitambe mu Muanende munanga.

Dielulula 2:30

Kadi mukalenga Sihone ewu kubenga bua tuetu kupitshila mu ditunga diende. Maweja-Nangila kumupesha muoyi wa tshitunu, bua numone mua kumunyenga ditunga dinudi mpindiewu.

Yoshua 11:20

Bualu Maweja-Nangila uvua usonsola bena ditunga adi bua bapete muoyi wa mvita, baluisha bena Izrayele. Ke muvua bena Izrayele ne bua kushipa bena ditunga adi, kabayi babafuila luse to, kubabutula bonsu butubutu, bu muvua Maweja-Nangila nkayende muambile Moshe.