Rome 9:1 - MUKANDA WA MYIDI MUKULU

¹ Ndi ngamba malu malelela. Ndi wa Kristu, nanku tshiena nshima to. Kondu kanyi ka munda kabidi kadi kanjadikila ku bukole bua Mueyelu wa Tshijila ne: bindi ngamba bidi bilelela ne:

Mukanda wa Nzambi Dihungila Dikulukulu ne Dihungila Dihia-dihia 2003

¹ Ndi ngamba bualu bulelela mu Kilisto, tshiena nshima; muoyomukese wanyi udi umanyishangana nʼanyi mu Nyuma Muimpe ne,

Rome 9:1 ပူးပေါင်းရင်းမြစ်များ

Rome 1:9

Mvidi Mukulu undi nkuatshila mudimu ne muoyi wanyi onsu, bualu ndi ndongesha Lumu lua Disanka lua Muanende, mmumanye ne: bualu bundi ngamba mbulelela. Udi mumanye kabidi mundi nnuvuluka diba dionsu,

Rome 2:15

Badi baleja mudi malu adi mikenji yamba mafunde mu mioyi yabu. Kondu kabu ka munda kabidi kadi kabamanyisha nanku. Meji adibu bela adi abaleja misangu idibu benza bimpe, ne misangu idibu benza bibi.

Rome 8:16

Mueyelu wa Mvidi Mukulu mene udi ujadikila kondu ketu ka munda ne: nudi bana ba Mvidi Mukulu.

Rome 9:2

ndi ne dibungama dinene, ngumvua dikenga tshiyi mpeta dikisha.

2 Korente 1:12

Tudi mua kuditemba, bualu kondu ken ka munda kadi kanjadikila ne: ndi bende panu, nangananga munkatshi muenu, ne muoyi wa didipuekesha, kanyi ndinga bann, balonde bidi Mvidi Mukulu wenza. Nanku tshivua tshindudika ki mmeji a bann nansha, kadi amu dinanga didi Mvidi Mukulu utunanga nadi.

2 Korente 1:23

Ndi mbikila Mvidi Mukulu, bua ajadike bindi ngamba mpindiewu — eyowa, meme mushime, anshipe! — Nanku ndi ngamba ne: tshi vua musue kupingana ku Korente, amu bua kunuenzela bimpe.

2 Korente 11:10

Mu dina dia bulelela bua Kristu budi munda muanyi, ndi mujadike ne: muntu nansha umue mu ditunga dijima dia Akaya, kena mua kunnyenga lumu luanyi elu.

2 Korente 11:31

Mvidi Mukulu, Tatuende wa Mfumu Yezu, mummanye ne: tshiena nshima to. Atumbe kashidi tshiendelele!

2 Korente 12:19

Bumue nukadi nuela meji mpindiewu ne: Polu udi ukeba kudilumbuluila ku mesu etu. Nansha kakese! Tudi tudilumbuluila ku mesu a Mvidi Mukulu, badisange ne Kristu! Bana hetu basuibue, tudi tunuambila bionsu abi, bua nuenu kushindama, kuya kumpala mu ditaba.

Ngalate 1:20

Bindi nnufundila ebi mbilelela. Ndi njadika ku mesu a Mvidi Mukulu ne: tshiena nshima.

Filipe 1:8

Mvidi Mukulu mmujadike bulelela bua bindi ngamba ebi se: ndi mununange bonsu ne dinanga dinene didi Yezu ununanga nadi.

1 Tesalonike 2:5

Nudi bamanye bimpe ne: katshia katutu banji kuakula meyi a lubombu, nansha basokoke lukuka lua biuma mu meyi etu. Mvidi Mukulu udi mua kutujadikila nanku.

1 Timote 1:5

Ndi nkutumina diyi edi bua usake bantu ku dinanga, didi bantu ba muoyi mutoke nadi, padibu banyisha bilenga bidi kondu ka munda kabambila. Bikale kabidi ne ditaba dishindame.

1 Timote 2:7

Ke padibu bantume bu mupostolu ne mulongeshi, bua kufikisha bena bisamba bikuabu ku ditaba ne ku bulelela. Tshiena nshima to. Ndi ngamba malu mudiwu.

1 Timote 5:21

Ndi nkulomba, nkusengelela kumpala kua Mvidi Mukulu, kua Yezu Kristu, ne kua batumibue bende ba tshijila ne: ulame mikenji eyi, kuyi ne kansungasunga mu biudi wenza, kuyi wengeleka muntu, kuyi umukengesha patupu.