Rome 8:30 - MUKANDA WA MYIDI MUKULU

³⁰ Bavua Mvidi Mukulu mudianze kusungula, uvua mubabikile kabidi. Bavuaye mubikile, ukavua mumane kubabingisha kabidi ku mesu kuende. Bavuaye mumane kuhingisha, mmubabueje kabidi mu butumbi buende.

Mukanda wa Nzambi Dihungila Dikulukulu ne Dihungila Dihia-dihia 2003

³⁰ Bakadianjileye kusungula, yeye wakababikila kabidi; ne bakabikileye, yeye wakababingisha kabidi; ne bakabingisheye, yeye wakabatumbisha kabidi.

Rome 8:30 ပူးပေါင်းရင်းမြစ်များ

Yeshaya 41:9

Meme kukukeba too ne ku nshikidilu kua buloba. Meme kukubikila, pauvua ku matunga a kule. Meme kukuambila ne: “To, tshiena mukubenge nansha. Ndi mukusungule. Muena mudimu wanyi ke wewe.”

Yowanane 17:22

Mvua mubapeshe butumbi buuvua mumpeshe, bua benze tshintu tshimue mutudi tuenza wewe ne meme tshintu tshimue:

Yowanane 17:24

Tatu, uvua mubampeshe. Ndi musue bua bikale pamue nanyi muaba ungikala, bua bamone butumbi buanyi, butumbi buuvua mumpeshe, bualu uvua munnange, kabayi banji kufuka buloba.

Yowanane 5:24

Ndi nnujadikila ne: muntu udi uteleja bindi ngamba, witaba uvua muntume, udi ne muoyi wa tshiendelele. Kabena bamupisha ku tshilumbu to. Kadi ukadi mumane kumuka ku lufu, mupete muoyi.

Rome 1:6

Nuenu kabidi nudi bamue ba ku bantu abu. Mvidi Mukulu mmunubikile bua nuikale bantu ba Yezu Kristu.

Rome 11:29

Bualu Mvidi Mukulu kena unyenga tshintu tshidiye mumane kufila. Kena ukudimuna meji avuaye nawu pambidi pa ba-vuaye mubikile.

Rome 8:1

Nanku mpindiewu kabena bapisha kabidi badi badisanga ne Yezu Kristu.

Rome 8:21

dikuabu dituku nebapikule ne bifukibua mene, nebabipatule ku bumfumu bua mubutudi, udi mubikuate mu bupika, bua bidisange mu butumbi bua bana ba Mvidi Mukulu padibu bamane kubapikula.

Rome 8:28

Tudi bamanye ne: Mvidi Mukulu udi ukuata mudimu mu bionsu, bua bilengelele badi bamunanga, bavuaye mubikile bilondeshile meji ende.

1 Korente 1:2

tudi tunufundila, nuenu bena Tshisumbu tshia bena ditaba tshia Mvidi Mukulu badi mu Korente, mukanda ewu. Tudi tunuela muoyi nuenu bonsu badi Mvidi Mukulu mubikile, bua nuikale bende, nuikale kabidi bantu ba tshijila, panudi nudisanga ne Yezu Kristu. Mukanda ewu mmufundila kabidi bantu bonsu ba miaba yonsu badi bitaba Yezu Kristu, udi Mfumu wabu, ne wetu kabidi.

1 Korente 1:9

Mvidi Mukulu uvua munubikile, bua nuenu kudisanga ne Muanende Mfumu wetu Yezu Kristu mu nsombelu wenu mujima, udi ukumbaja bionsu bidiye ulaya.

1 Korente 2:7

Kadi ndi nnumanyisha meji masokome a Mvidi Mukulu. Mvidi Mukulu kayi muanji kufuka buloba, ukavua mupangadike bua kutusanga mu butumbi buende. Kadi uvua musokoke bantu meji awu.

1 Korente 6:11

Ke muvua bamue ba kunudi kale. Kadi mbamane kunujimijila mibi yenu, banuenze bantu ba tshijila bua nuikale bantu ba Mvidi Mukulu. Mvidi Mukulu mmumane kunubingisha mu dina dia Mfumu Yezu Kristu, kabidi ku bukole bua Mueyelu wa Mvidi Mukulu wetu.

2 Korente 4:17

Makenga atudi tumvua matuku aa adi amu makese, adi apita kabidi lubilu. Kadi neatupeteshe lumu luvule ludi lushala kashidi, ludi ne mushinga mupite wa makenga aa.

Ngalate 1:15

Kadi bu mudi Mvidi Mukulu munnange, ukavua mudianze kunsungula, kabayi banji kundela, bua meme kumukuatshila mudimu.

Ngalate 1:6

Nudi bankemeshe bikole! Mvidi Mukulu, uvua munubikile ku luse lua Kristu, nuenu kumushiya lukasa nanku, kulonda Lumu lua Disanka lukuabu!

Ngalate 5:8

Bivua bantu abu banuambile bua nuitabe, kabivua bifuma kudi Mvidi Mukulu udi unubikila nansha.

Efeze 1:11

Munda mua Kristu, tudi bafike muaba wa lupandu. Mvidi Mukulu mmudianze kutusungula muvuaye musue. Bualu Mvidi Mukulu udi ukumbaja bionsu, amu muvuaye mubijadike, mujinge kabidi ne: bikale nanku.

Efeze 1:5

uvua mudianze kujadika nkayende bua kutuenza bana bende mu Yezu Kristu. Ke tshivuaye musue, kabidi ke bivua bimulengelela.

Efeze 2:6

mMutubishe ku lufu pamue ne Kristu, bua kutusombesha mu nkuasa wa bumfumu mu diulu pamue nende.

Efeze 3:11

Mvidi Mukulu uvua muenze nanku, bilondeshile meji ende a kashidi, avuaye mukumbajile kudi Yezu Kristu Mfumu wetu.

Efeze 4:4

Bualu mubidi udi umue, Mueyelu wa Tshijila amu umue. Ke mudi Mvidi Mukulu munubikidile kabidi ku ditekemena amu dimue.

Kolose 3:4

Muoyi wenu mulelela ke Kristu. Nanku diba diamuenekaye, nenumueneke kabidi pamue nende. Nenudisange nende mu butumbi buende.

1 Tesalonike 2:12

Tuvua banukoleshe mu maboku, banubele. Tuvua banusengelele bikole, bua nuenze amu bidi Mvidi Mukulu musue. Yeye udi unubikila, bua nupete butumbi mu Bukalenga buende.

2 Timote 2:11

Miaku eyi idi milelela: “Bituikala bafue nende, netuikale nende ne muoyi;

Ebrewu 9:15

Ke padi Kristu mutuangaji bua ndondu mupiamupia, bua badi Mvidi Mukulu mubikile bapete bilenga bia kashidi bivuaye mulaye bantu bende. Badi mua kubipeta, bualu muntu mumane kufila. Ku lufu luende elu, mutupikule bantu ku bilema bivuabu benze, patshivuabu mu tshikondu tshia ndondu wa kumpala.

1 Petro 2:9

Kadi nuenu nudi tshisamba tshisungula. Nudi batuangaji ba Mukalenga, tshisamba tshia tshijila, bantu ba Mvidi Mukulu. mBanusungule bua kumanyisha bantu malu a dikema adi Mvidi Mukulu muenze. Bualu uvua munubikile bua nupatuke mu miidima, nubuele mu butoke buende bupite buimpe.

1 Petro 3:9

Kanupingajidianganyi bubi ku bubi. Kanupendi badi banupenda. Kadi badi banuenzela bibi, nubele lupemba, bualu diba divua Mvidi Mukulu munubikile, uvua mulaye kabidi bua kunuela lupemba.

1 Petro 5:10

Mvidi Mukulu mmunubikile bua nudisange nende mu butumbi buende bua kashidi, panudi nudisanga ne Kristu. Nanku nuenu bamane kukenga tshitupa tshikese, Mvidi Mukulu, mpokolu wa dinanga dionsu, neanuenze bantu ba tshijila. Neanushindike, anukoleshe bua kanutenkakanyi.

2 Petro 1:10

Bana hetu, Mvidi Mukulu mmunubikile, mmusungule. Nanku enzayi muenu muonsu bua makanyine dibikila edi. Nuenu benze nanku, kanuakupambuka mu njila mululame.

Didimanyisha 17:14

Nebaluishe Muana wa mukoku. Kadi Muana wa mukoku neabatshimune, bualu udi Mfumu wa bamfumu ne Mukalenga wa bakalenga. Neabatshimune pamue ne bonsu badi bende, bamuitaba ne muoyi umue. Ke bavuaye mubikile, mudisunguile.

Didimanyisha 19:9

Mutumibue kungambila ne: — Funda ne: Badibu babikila ku didia dia dibaka dia Muana wa mukoku, mbena diakalenga. Kuambaye kabidi ne: — Miaku ya Mvidi Mukulu eyi kayena ya dishima.