Rome 8:1 - MUKANDA WA MYIDI MUKULU

¹ Nanku mpindiewu kabena bapisha kabidi badi badisanga ne Yezu Kristu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Nunku kakuena dihila mpindiu kudi badi mu Kilisto Yesu.

Rome 8:1 ပူးပေါင်းရင်းမြစ်များ

Yeshaya 54:17

Tshia mvita tshionsu tshidibu bafula, bua kukuenzela natshi bibi, katshiakukuenzela bualu to. Padi muntu musue kukufunda kudi bandumbulula, wewe neumupishishe. Ke tshindi ngenzela bena mudimu banyi bonsu. Ndi mbalama, mbambuluisha bua batshimune baluishi babu. Meme Maweja-Nangila, ndi ngamba nanku.”

Yezekiyele 18:9

Mu tshikosu, udi witaba meyi ne mikandu bimvua muele, wenza anu bimpe. Nanku meme Maweja-Nangila Mvidi Mukulu, ndi njadika ne: muntu awu mmuntu wa nsongu, neikale ne muoyi.

Yowanane 14:20

Dituku adi, nenujingulule ne: ndi munda mua Tatu wanyi, nuenu kabidi nudi munda muanyi, meme munda muenu.

Yowanane 15:4

Shalayi badisange nanyi, bu mundi mumane kudisanga nenu. Katamba pa nkayaku kakena mua kudikuamina tumuma, padiku kakayi ku mutshi. Ke munudi kanuyi mua kukuama bimuma, panudi kanuyi nushala badisange nanyi.

Yowanane 5:24

Ndi nnujadikila ne: muntu udi uteleja bindi ngamba, witaba uvua muntume, udi ne muoyi wa tshiendelele. Kabena bamupisha ku tshilumbu to. Kadi ukadi mumane kumuka ku lufu, mupete muoyi.

Rome 16:3

Elayi Priskila ne Akuila muoyi. Ke bantu batudi tukuatshila nabu Kristu mudimu.

Rome 16:7

Elayi Andronikuse ne Yuniyase muoyi. mBana hetu, bavua nanyi mu lukanu. Bapostolu badi babanyisha bikole. Bavua babuele mu Tshisumbu tshia bena Kristu, meme tshiyi muanji kubuelamu.

Rome 5:1

Nanku tuetu bamane kubinga ku mesu kua Mvidi Mukulu amu bua ditaba, mpindiewu pankatshi petu nende tudi ne bupole mu dina dia Mfumu wetu Yezu Kristu.

Rome 5:16

Kadi mudi dishilangana dinene pankatshi pa dipa dia Mvidi Mukulu ne bubi bua muntu umuepele ewu. Bualu bua bubi bua muntu umuepele ewu bavua balumbuluisha bantu, babapisha. Kadi bantu bamane kuenza malu mabi a bungi, Mvidi Mukulu kubapesha ku luse luende patupu dipa didi dibabingisha.

Rome 7:17

Nanku udi ubienza ki mmeme to, kadi bubi budi munda muanyi.

Rome 7:20

Pandi ngenza bindi tshiyi musue, nanku udi ubienza ki mmeme to, kadi mbubi budi busomba munda muanyi.

Rome 8:11

Padi Mueyelu wa Mvidi Mukulu, uvua mubishe Yezu ku lufu, usomba munda muenu, nanku uvua mubishe Kristu ku bafue, mumupingajile muoyi, neafulule mibidi yenu idi ifua ku bukole bua Mueyelu wende udi usomba munda muenu.

Rome 8:14

Bantu bonsu badi Mueyelu wa Mvidi Mukulu uludika badi bana ba Mvidi Mukulu,

Rome 8:2

Bualu mukenji wa Mueyelu wa Tshijila, udi utufulula patudi tudisanga ne Yezu Kristu, mmutupikule ku mukenji wa bubi ne wa lufu.

Rome 8:34

Nanku udi mua kubapisha nnganyi? Muntu nansha umue! Bualu Yezu Kristu mmufue, mubike kabidi. Udi ku dia bukole dia Mvidi Mukulu, utuakuila.

Rome 8:39

nansha makole a mulu, nansha a pa buloba, nansha tshifukibua tshikuabu, kashidi kakuena tshintu nansha tshimue tshidi mua kutupandulula ne Mvidi Mukulu uvua muleje mu Yezu Kristu Mfumu wetu mudiye utunanga.

Rome 8:4

Mvidi Mukulu uvua muenze nanku, bua tukumbaje bidi mikenji itufundila, tuetu badi kabayi balonda kabidi bidi buntu buetu bujinga, kadi bidi Mueyelu wa Tshijila musue.

Rome 8:9

Kadi nuenu, kanuena nukeba bidi buntu buenu nkayabu bujinga nansha. Nudi nukeba bidi Mueyelu wa Tshijila musue, bualu Mueyelu wa Mvidi Mukulu udi usomba munda muenu. Udi kayi ne Mueyelu wa Kristu, kena wa Kristu to.

1 Korente 1:30

Kadi Mvidi Mukulu mmunusange ne Yezu Kristu. mMuenze Kristu meji etu. Kristu udi utubingisha kumpala kua Mvidi Mukulu, utuenza bantu bende ba tshijila, utupikula kabidi ku bubi.

1 Korente 15:22

Bu mudi bantu bonsu bafue bualu mbadisange ne Adame, ke mudi bantu bonsu ne bua kubika ku lufu padibu badisanga ne Kristu.

2 Korente 12:2

Ndi mumanye muena Kristu kampanda, uvuabu bambule, baye nende mu diulu muamua menemene, kukadi bidimu dikumu ne binayi. (Tshiena mumanye ne: uvua muye ne mubidi wende anyi Mvidi Mukulu mumuleje mu lungenyi malu a kuaka. Mvidi Mukulu nkayende ke udi mumanye.)

2 Korente 5:17

Padi muntu udisanga ne Kristu, ukadi muntu mupiamupia: bikulukulu mbimane kushila bipiabipia muaba.

Ngalate 3:13

Kristu uvua mudienze muena tshibawu pa muaba wetu, bua kutupikula ku tshibawu tshituha natshi bualu bua mikenji. Bualu Mikanda ya tshijila idi yamba ne: “Muntu udibu balembeleja ku mutshi mmuena tshibawu.”

Ngalate 3:26

Bualu nudi bana ba Mvidi Mukulu, panudi nuitaba, nudisanga ne Yezu Kristu.

Ngalate 3:28

Nanku nansha wewe muena Yuda nansha muntu wa tshisamba tshikuabu, nansha wewe mupika nansha muntu udi udienzela malu mudiye musue, nansha wewe mulume nansha mukaji, ebi bionsu kabiena ne bualu. Nudi nuenza bonsu tshintu tshimue, panudi badisange ne Kristu.

Ngalate 5:16

Ndi nnulomba ne: nuanyishe bua Mueyelu wa Tshijila unulombole. Kanulondi majinga mabi a buntu buenu.

Ngalate 5:25

Bu muvua Mueyelu mutupeshe muoyi, utulombole kabidi mu nsombelu wetu.

Efeze 1:1

Meme Polu, uvua Mvidi Mukulu mubikile, bua ngikale mupostolu, ndi mfundila bantu ba Mvidi Mukulu badi mu Efeze, bavua badisange ne Yezu Kristu mu ditaba, mukanda ewu.

Filipe 3:9

kudisanga nende tshishiki. Tshitshiena mudiele mulu ne: ndi muntu muimpe, bualu ndi ndama mikenji. Kadi ndi muimpe, bualu ndi ngitaba Yezu Kristu. Bualu Mvidi Mukulu ke udi utubingisha, patudi tuitaba.