Rome 7:25 - MUKANDA WA MYIDI MUKULU

²⁵ Tuelayi Mvidi Mukulu tuasakidila, bualu Yeye mmuenze nanku kudi Mfumu wetu Yezu Kristu. Nanku ndi nkuatshila mikenji ya Mvidi Mukulu mudimu ne lungenyi luanyi. Kadi mu bindi ngenza ne buntu buanyi butekete, ndi mupika wa mikenji ya bubi.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Ndi nsakidila Nzambi bua Yesu Kilisto Mukelenge wetu! Nunku meme hanyi ku meshi anyi ndi nkuatshila mikenshi ya Nzambi mudimu, kadi ku mubidi wanyi adi nkuatshila mukenshi wa bubi mudima.

Rome 7:25 ပူးပေါင်းရင်းမြစ်များ

Yeshaya 12:1

Dituku diudi upeta lupandu, newambe ne: “Maweja-Nangila, ndi nkuela tuasakidila. Uvua mumfikile munda pa bualu. Kadi tshiji tshiebe tshiatuyi. Udi muvue kunsamba.

Yeshaya 49:13

Diulu, lejaku disanka diebe! Buloba, Sankaku! Mikuna minene, imbayi misambu ne meyi makole. Bualu Maweja-Nangila udi usamba bantu bende. Bantu bende badi bakenga, udi ubafuila luse.

Yeshaya 49:9

Ndi ngambila bena lukanu, bantu badi basomba mu miidima ne: ‘Patukayi, numone butoke.’ Nanku nebikale bu mikoku, idi idia bisosa ku muelelu wa njila, idi ipeta tshiakudia tshiayi pa mikuna yonsu.

Matayi 1:21

Nealele muana wa balume. Neumuinyike dina ne: Yezu, bualu neasungile bantu bende ku mibi yabu.

Rome 6:14

Bualu malu mabi kaena mua kuikala ne bumfumu pambidi penu nansha. Kanuena ku bumfumu bua mikenji, kadi nudi ku bumfumu bua dinanga divua Mvidi Mukulu mutuleje.

Rome 6:17

Kadi tutumbishayi Mvidi Mukulu: nuenu bavua kale bapika ba malu mabi, mpindiewu nudi bitabe ne muoyi wenu mujima malu malelela avuabu banulongeshe.

Rome 8:2

Bualu mukenji wa Mueyelu wa Tshijila, udi utufulula patudi tudisanga ne Yezu Kristu, mmutupikule ku mukenji wa bubi ne wa lufu.

1 Korente 15:57

Kadi tudi tuela Mvidi Mukulu tuasakidila, bualu tudi tutshimuine kudi Mfumu wetu Kristu.

2 Korente 9:15

Tuelayi Mvidi Mukulu tuasakidila bua mapa ende, adi mapite bionsu bitudi mua kuela meji.

Efeze 5:20

Mu dina dia Mfumu wetu Yezu Kristu, elayi Mvidi Mukulu Tatu tuasakidila diba dionsu, ne bua malu onsu.

Filipe 3:3

Bualu badibu bateka panshi menemene mu bulelela ntuetu, ki mbobu nansha. Bualu tuetu tudi tutendelela Mvidi Mukulu ku bukole bua Mueyelu wende. Tudi tuditemba amu bua Yezu Kristu. Katuena tutekemena ku bidi bantu benza.

Filipe 4:6

Kanusampakenyi bualu nansha bumue. Kadi mu malu onsu nutendelele Mvidi Mukulu, nulombe bionsu binudi nabi dijinga. Nubilombe ne muoyi wa dianyisha.

Kolose 3:17

Bionsu binudi nuenza, nansha binudi nuamba, nubikumbaje mu dina dia Yezu Kristu. Nuele amu kuela Mvidi Mukulu tuasakidila kudiye.

1 Petro 2:5

Nudifile bu mabue a muoyi, bua Mueyelu wa Tshijila umone mua kuibaka nenu nzubu wa Mvidi Mukulu. Nanku nenuikale tshisumbu tshia batuangaji ba tshijila, badi ne bua kulambula Mvidi Mukulu milambu, idi imusankisha bualu bua Yezu Kristu.

1 Petro 2:9

Kadi nuenu nudi tshisamba tshisungula. Nudi batuangaji ba Mukalenga, tshisamba tshia tshijila, bantu ba Mvidi Mukulu. mBanusungule bua kumanyisha bantu malu a dikema adi Mvidi Mukulu muenze. Bualu uvua munubikile bua nupatuke mu miidima, nubuele mu butoke buende bupite buimpe.