Rome 7:22 - MUKANDA WA MYIDI MUKULU

²² Mu kondu kanyi ka munda, ndi nsanka bua mikenji ya Mvidi Mukulu.

Mukanda wa Nzambi Dihungila Dikulukulu ne Dihungila Dihia-dihia 2003

²² Ndi nsanka munda muanyi bua mikenshi ya Nzambi,

Rome 7:22 ပူးပေါင်းရင်းမြစ်များ

Yobe 23:12

Tshivua mubenge kukumbaja bivuaye muntumine diyi, meme kuenza bivuaye mujinge, bivuaye mumfundile bua kuenza.

Misambu 1:2

Muena diakalenga mmuntu udi unanga mikenji ya Maweja-Nangila. Udi uyambululula butuku ne munya, welaku meji.

Misambu 119:111

Meyi ebe ke bubanji buanyi bua mushinga mukole bua kashidi, adi asankisha muoyi wanyi.

Misambu 119:113

Ndi mubenge mioyi ibidi, ndi munange mikenji yebe.

Misambu 119:127

Ndi munange meyi ebe kumpala kua bintu bionsu, kumpala kua tshiamu tshia mpawungi wa menemene.

Misambu 119:16

Ndi ne disanka dia kulonda mikenji yebe, tshiena mpua diyi diebe muoyi.

Misambu 119:167

Ndi ndama meyi ebe ne muoyi mujima, ndi muanange bikole.

Misambu 119:174

Maweja-Nangila, dijinga dinene ndia wewe kumpandisha, mikenji yebe ke idi insankisha.

Misambu 119:24

Malu audi mungambile adi ansankisha, wowu ke adi ampesha meji makane.

Misambu 119:35

Undombole mu njila wa mikenji yebe, nensanke.

Misambu 119:72

Mikenji yebe idi indengelela, bipitshidile biamu bia mpawungi ne biamu bitoke bia mushinga mukole binunu ne binunu.

Misambu 119:92

Bu meme tshiyi ndonda mikenji yebe idi insankisha, dikenga divua mua kunkuata.

Misambu 40:8

Ke pandi ngamba ne: “Ke meme ewu, mfika, bua kukumbaja tshidibu bafunda mu mukanda wa Mikenji.”

Musambu wa Solomo 5:3

“Ndi mumane kuvula bilamba bianyi, tshiena mua kubivuala kabidi nansha! Ndi mumane kuowa mayi ku makasa, mmunyi mundi mua kuafikisha kabidi?”

Yeshaya 51:7

“Ntelejayi, nuenu badi bamanye tshindi musue. Nuenu bantu banyi badi bangata meyi anyi ne mushinga, kanutshinyi bantu badi banupenda. Kanutu bundu bua padi bantu banuseka.

Lewitiki 13:39

mutuangaji neamukenkete. Padiye usangana makeji mikale ne mubidi muimpe, disama adi kadiena dikole to. Nanku muntu awu kena mupie mikiya to.

Yowanane 4:34

Yezu kubambila ne: — Tshianyi tshiakudia nkukumbaja dijinga dia uvua muntume, kabidi nkujikija mudimu uvuaye mumfundile bua kuenza.

Rome 2:29

Kadi muena Yuda mulelela ke udi muena Yuda mundamunda muende, ke udibu bateke panshi mu muoyi wende. Mbamuteke nanku kudi Mueyelu wa Mvidi Mukulu, kabiyi bilondeshile mikenji mifunda nansha. Muena Yuda wa bushiwa awu neapete lumu luende kudi Mvidi Mukulu, ki nkudi bantu to.

Rome 8:7

Bantu badi badina ne kasuki ku dienza dia bidi buntu buabu nkayabu bujinga, badi baluishi ba Mvidi Mukulu. Bualu kabena batumikila mikenji yende. Kabena nansha ne bukole bua kuyitumikila.

2 Korente 4:16

Ke patudi katuyi tuteketa mu maboku. Nansha bukole bua mubidi buenda buteketa ku kakese ku kakese, muoyi utudi tupeta kudi Mvidi Mukulu udi wenda ukola ku dituku ku dituku.

Efeze 3:16

Ndi mmulomba se: anukankamike, bilondeshile buneme bua butumbi buende, anukoleshilemu munda muenu kudi Mueyelu wende.

Kolose 3:9

Kanushiminyinyanganyi, bualu nuvua bavuule muntu mukulukulu ne bibidilu biende.

Ebrewu 8:10

Maweja-Nangila udi wamba ne: ndondu ungatua ne bena Izrayele kunyima kua matuku awu, udi nenku: Nenteke mikenji yanyi mu lungenyi luabu. Nenyifunde mu mioyi yabu. Nengikale Mvidi Mukulu wabu, bobu nebikale bantu banyi.

1 Petro 3:4

Kadi buimpe buenu buikale bua mundamunda, budi kabuyi bunyanguka. Nuikale ne muoyi wa lutuulu ne wa bupole. Ke bidi ne mushinga muvule ku mesu kua Mvidi Mukulu.