Rome 7:21 - MUKANDA WA MYIDI MUKULU

²¹ Nanku ndi mumone mudi bionsu bilonda njila ewu: pandi musue kuenza bimpe, ndi amu ne bukole bua kuenza bibi.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Nunku ndi nsangana mukenshi eu kundi meme ne, Handi musue kuenza bimpe, bubi budi nʼanyi.

Rome 7:21 ပူးပေါင်းရင်းမြစ်များ

Misambu 119:133

Mukenji webe umpeshe bukole buonsu, bualu bubi nansha bumue kabuntshimunyi.

Misambu 119:37

Lama mesu anyi kaatangidi bintu bia tshianana. Undombole panu bu muudi musue.

Misambu 40:12

Maweja-Nangila kuakubenga kumfuila luse to. Bu muudi munnange, ukumbaje kabidi malaya ebe, neumpandishe misangu yonsu.

Misambu 65:3

Bualu udi uteleja bantu badi bakutendelela. Ke padibu bonsu bafika kuudi,

Luke 4:1

Yezu uvua utumina ku musulu wa Yardene muwule ne Mueyelu wa Tshijila. Ke Mueyelu kumufikisha mu tshipela.

Yowanane 8:34

Yezu kubandamuna ne: — Ndi nnujadikila ne: muntu yonsu udi wenza bualu bubi udi mupika wa bubi.

Rome 6:12

Nanku malu mabi kaena ne bua kutekesha kabidi mubidi wenu udi ufua, bua nuenu kuukumbajila bijingajinga biawu.

Rome 6:14

Bualu malu mabi kaena mua kuikala ne bumfumu pambidi penu nansha. Kanuena ku bumfumu bua mikenji, kadi nudi ku bumfumu bua dinanga divua Mvidi Mukulu mutuleje.

Rome 7:23

Kadi mu bindi ngenza ndi mpeta mukenji mukuabu, udi uluangana ne mukenji udi muoyi wanyi musue. Mukenji mukuabu awu udi ungela mu lukanu, bua ngikale mu bindi ngenza mupika wa bubi budi munda muanyi.

Rome 7:25

Tuelayi Mvidi Mukulu tuasakidila, bualu Yeye mmuenze nanku kudi Mfumu wetu Yezu Kristu. Nanku ndi nkuatshila mikenji ya Mvidi Mukulu mudimu ne lungenyi luanyi. Kadi mu bindi ngenza ne buntu buanyi butekete, ndi mupika wa mikenji ya bubi.

Rome 8:2

Bualu mukenji wa Mueyelu wa Tshijila, udi utufulula patudi tudisanga ne Yezu Kristu, mmutupikule ku mukenji wa bubi ne wa lufu.

Ebrewu 2:17

Ke patataye ne bua kufuanangana ne bana babu ku malu onsu, bua kuikalaye mutuangaji wabu munene, udi ne luse lua bungi, kabidi udi Mvidi Mukulu wanyisha, bua amone mua kujimija mibi ya bantu.

Ebrewu 4:15

Katuena ne mutuangaji munene udi mupange kukenga netu mu butekete buetu. Kadi mutuangaji wetu munene, bavua bamuteta mu bionsu mudibu batuteta tuetu. Kadi yeye kavua muenze bubi.

2 Petro 2:19

Badi balaya bantu ne: nenudienzele malu munudi basue. Kadi bobu mene batshidi mu bupika bua bibidilu bidi mua kubafikisha ku lufu. Bualu muntu yonsu udi mupika wa tshidi tshimukokesha.