Rome 7:18 - MUKANDA WA MYIDI MUKULU

¹⁸ Bualu ndi mumanye ne: bidi bimpe kabiena bisomba munda muanyi, nkuamba ne: mu buntu buanyi butekete. Bualu nansha dijinga dia kuenza bimpe dikale munda muanyi, tshiena ne bukole bua kudikumbaja.

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Ndi mumanye ne, Munda muanyi, mu mubidi wanyi mene, kamuena muikale bualu buimpe; bualu bua disua dia kuenza bimpe didi kundi, kudi bakole bua mua kuenza nʼabu bimpe kabuenaku.

Rome 7:18 ပူးပေါင်းရင်းမြစ်များ

Genese 6:5

Maweja-Nangila kumona ne buenzayi bua bantu budi buenda buvulangane pa buloba, meji adibu bela matuku onsu adi anu mabi.

Genese 8:21

Mulambu kununkilawu Maweja-Nangila mupuya muimpe. Kununganaye wamba ne: “Nansha bantu bikale anu ne meji mabi biangatshile ku buana buabu, kadi tshiena ntshipa buloba kabidi bua buenzayi bua muntu. Tshiena mua kubutula bionsu bidi ne muoyi musangu muibidi bu mumvua muenze emu.

Yobe 14:4

Kudi muntu udi mua kupatula tshintu tshidi ne mikiya ku tshintu tshidi katshiyi ne mikiya anyi? Nansha kakese!

Yobe 25:4

Muntu udi mua kubinga kumpala kua Mvidi Mukulu anyi? Muntu wa pa buloba udi mua kuikala muakane kumpala kua Mvidi Mukulu anyi?

Misambu 119:173

Tshianza tshiebe tshingambuluishe, bualu ndi musungule mikenji yebe.

Misambu 119:176

Ndi mupambuke bu mukoku mujimine; fika ungambuluishe meme muena mudimu webe, bualu tshiena mpua meyi ebe muoyi.

Misambu 119:32

Ndi ndonda njila uudi ungambila, bualu udi munzulule lungenyi luanyi.

Misambu 119:40

Dijinga dianyi ndia kulonda mikenji yebe, umpe muoyi bualu udi muakane.

Misambu 119:5

Eyi, nsombelu wanyi ikale muimpe, ndame mikenji yebe muudi musue wewe!

Misambu 51:5

Ndi mumanye mundi mukutombokele. Ndi muvuluke bubi buanyi diba dionsu.

Yeshaya 64:6

Kakuena muntu nansha umue udi ukeba kukulomba diambuluisha, ujinga kudilengeja, ukuitaba. Bualu wewe mene kuena musue kutumona kabidi. Ukadi mumane kutubenga bua bilema bietu.

Matayi 15:19

Bualu mu muoyi wa muntu ke mudi mufume meji mabi, adi amusaka bua ashipe bantu, ende buendenda, enze malu a bundu, ibe, ashiminyinangane malu, anyangilangane lumu.

Luke 11:13

Nanku nuenu bantu babi, nudi bamanye mua kupesha bana benu bintu bia nsongu. Mudi Tatu wa mu diulu mua kubenga kupesha bantu Mueyelu wa Tshijila udibu balomba mbishi?

Yowanane 3:6

Tshidi muntu ulela, tshidi muntu. Tshidi Mueyelu wa Tshijila ulela tshidi Mueyelu.

Rome 13:14

Vualayi amu Mfumu wetu Yezu Kristu, numufuane. Kanusumpakanyi bua kusankisha buntu buenu ne bijingajinga biabu.

Rome 7:15

Tshiena mujingulule bindi ngenza to. Bualu tshiena ngenza bindi musue kuenza. Kadi ndi ngenza bindi mbenga.

Rome 7:19

Tshiena ngenza bimpe bindi musue. Kadi ndi ngenza bibi bindi tshiyi musue.

Rome 7:25

Tuelayi Mvidi Mukulu tuasakidila, bualu Yeye mmuenze nanku kudi Mfumu wetu Yezu Kristu. Nanku ndi nkuatshila mikenji ya Mvidi Mukulu mudimu ne lungenyi luanyi. Kadi mu bindi ngenza ne buntu buanyi butekete, ndi mupika wa mikenji ya bubi.

Rome 7:5

Bualu patutshivua tuenza malu adi buntu buetu bujinga, bijingajinga bia kuenza malu mabi, bidi mikenji ijula, bivua bikuata mudimu munda muetu muonsu, bitufikisha ku lufu.

Ngalate 5:17

Majinga mabi adi abengangana ne bidi Mueyelu musue. Mueyelu udi ujinga bidi muoyi wetu mubi ubenga. Mueyelu ne majinga mabi bidi biluishangana. Ke munudi kanuyi mua kukumbaja bilenga binudi nujinga.

Ngalate 5:24

Bantu ba Yezu Kristu mbashipe buntu buabu, babupopele pa mutshi mutshiamakane, pamue ne nkuka, ne majinga mabi abu.

Filipe 2:13

Bualu Mvidi Mukulu udi ukuata mudimu diba dionsu munda muenu, bua nujinge tshidiye musue, nutshikumbaje kabidi.

Filipe 3:12

Tshiena mua kudiamba ne: nkadi mupete tshindi ngipatshila; nansha ne: nkadi muakane tshishiki. Kadi ndi ngipatshila anu kuipatshila, ndibamba bua mpete nsala wa kalumbandi, bu mudi Yezu Kristu mumane kumpeta.

Tite 3:3

Bualu ku kale, tuetu kabidi katuvua ne meji to. Tuvua bena tshitunu, bantu bapambuke. Tuvua bapika ba malu mabi, ne ba masanka mabi a mishindu yonsu. Tuvua bena buenzavi ne lubabu. Tuvua tukina bakuabu, bobu kabidi bavua batukina.

1 Petro 4:2

Nanku bituadije ku mpindiewu, matuku anutshidi mua kusomba panu, kanulondi majinga mabi a buntu buenu. Nukebe amu tshidi Mvidi Mukulu musue.