Rome 7:1 - MUKANDA WA MYIDI MUKULU

¹ Bana hetu, nenumvue bimpe bindi musue kunuambila, bualu nudi bantu badi bamanye mikenji. Nudi bamanye ne: mikenji idi ne bumfumu pambidi pa muntu, amu patshidiye ne muoyi panu.

Mukanda wa Nzambi Dihungila Dikulukulu ne Dihungila Dihia-dihia 2003

¹ Kanuena bamanye, bana betu (ndi ngambila bantu badi bamanye mikenshi) ne, Mikenshi idi ikokesha muntu matuku onso atshidiye ne muoyo?

Rome 7:1 ပူးပေါင်းရင်းမြစ်များ

Ezela 7:25

“Kadi wewe Ezra, bilondeshile mikenji mimpe ya Mvidi Mukulu iudi nayi mu mukanda, usungule balumbuluishi ne balombodi, bua bikale bakosa nsambu ya bantu badi mu buloba ebu, kabidi badi bamanye mikenji ya Mvidi Mukulu webe. Badi kabayi bayimanye, neubalongesheyi.

Nsumuinu 6:23

Bualu bidi baledi bakuambila bidi bu muendu. Mibelu yabu idi bu butoke. Malongesha abu adi atuludika mu njila wa muoyi.

Rome 1:13

Bana hetu, ndi musue mmanye ne: mvua mujadike misangu ne misangu bua kufika kuenu aku. Kadi too ne lelu bavua amu bampumbishe. Mvua mujinge bua mudimu undi nkuata upete tshipeta ne kuenu kabidi, bu mudiwu wenda udiunda mu matunga makuabu a pa buloba.

Rome 10:1

Bana hetu, ndi njinga ne muoyi wanyi mujima, ndomba kudi Mvidi Mukulu, bua bena Yuda bapete lupandu.

Rome 10:4

Bualu Kristu mumane kufika. mikenji ya Moshe kayena kabidi njila wa kuya kudi Mvidi Mukulu to. Nanku mpindiewu badi Mvidi Mukulu ubingisha, ke bonsu badi bitaba.

Rome 6:14

Bualu malu mabi kaena mua kuikala ne bumfumu pambidi penu nansha. Kanuena ku bumfumu bua mikenji, kadi nudi ku bumfumu bua dinanga divua Mvidi Mukulu mutuleje.

Rome 6:3

Kanuena bamanye ne: tuetu bonsu baeabu batue mu mayi, bua tudisange ne Kristu, bavua batutue mu mayi, bua tudisange nende mu lufu luende anyi?

Rome 7:6

Kadi mpindiewu, mbatupikule ku mikenji. Bualu tuvua bafue ku mikenji ivua mitukuate, mitujingile mu nkanu. Nanku tudi mua kukuatshila Mvidi Mukulu mudimu mushindu mupiamupia ku bulombodi bua Mueyelu wa Tshijila. Katumukuatshidi kabidi mudimu muetu mua kale ku bulombodi bua bivuabu bafunde mu mikenji.

Rome 9:3

Bualu ndi njinga bua Mvidi Mukulu antshipe meme, angumushe kudi Kristu, bu biobi mua kulengelela bana hetu, bena tshisamba tshianyi.

1 Korente 9:8

Tshiena njadika bindi ngamba ebi amu ne bilejilu bidi bantu bonsu bamanye to. Mikenji ya Moshe kabidi idi ilongesha bualu bua momumue.

Ngalate 4:21

Nudi basue kudienza bapika ba mikenji. Kadi kanuena bumvue tshidi mikenji eyi mene yamba anyi?