Rome 6:9 - MUKANDA WA MYIDI MUKULU

⁹ Nanku tudi bamanye ne: Kristu katshia wabika ku lufu, kena ne bua kufua kabidi to. Lufu kaluena kabidi ne bumfumu pambidi pende.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Tudi bamanye ne, Kilisto wakabishibua ku lufu kena ufua kabidi; lufu kaluena mua kumukokesha kabidi.

Rome 6:9 ပူးပေါင်းရင်းမြစ်များ

Rome 5:14

Kadi biangatshile ku tshikondu tshia Adame too ne ku tshia Moshe, lufu luvua amu ne bumfumu, nansha pambidi mene pa bantu bavua kabayi benze malu mabi mafuanangane ne avuabu benze kudi Adame, uvua mubenge kuitaba mikenji ya Mvidi Mukulu. Adame uvua tshimfuanyi tshia uvua ne bua kufika.

Rome 6:10

Lufu luvuaye mufue ndumumushe ku bubi musangu umue bua kashidi. Kadi muoyi udiye nawu mpindiewu, udi nawu bua Mvidi Mukulu.

Rome 6:14

Bualu malu mabi kaena mua kuikala ne bumfumu pambidi penu nansha. Kanuena ku bumfumu bua mikenji, kadi nudi ku bumfumu bua dinanga divua Mvidi Mukulu mutuleje.

Rome 6:4

Pavuabu batutue mu mayi, bavua batujike nende, bua tuikale bafue nende, tubike kabidi nende ku lufu, muvua Kristu mubike ku bukole bua butumbi bua Tatu, bua tupete petu nsombelu mupiamupia.

Ebrewu 7:16

Kabena bamuteke mutuangaji bilondeshile mikenji idi itangila ndelanganyi ya bantu. Kadi mmupete butuangaji ebu ku bukole bua muoyi udi kauyi ndekelu.

Ebrewu 7:25

Ke padiye mua kusungidila, mpindiewu ne matuku onsu, bonsu badi bapitshila kudiye bua kusemena pabuipi ne Mvidi Mukulu. Bualu yeye udi ne muoyi kashidi bua kubakuila kudi Mvidi Mukulu.

Didimanyisha 1:18

Ndi ne muoyi. Mvua mufue. Kadi mpindiewu ndi ne muoyi kashidi. Ndi Mfumu wa lufu ne wa kandondu ka bafue.