Rome 6:7 - MUKANDA WA MYIDI MUKULU

⁷ Bualu udi mufue kena kabidi ku bumfumu bua bubi.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Bua muntu udi mufue udi mubingishibue ku bubi.

Rome 6:7 ပူးပေါင်းရင်းမြစ်များ

Matayi 11:19

Kadi Muana wa muntu kufika, muikale udia, unua. Ke kumuambabu ne: “Ewu mmudiavi, munu wa maluvu, mulunda wa balambuishi ba bitadi, ne wa bena buenzayi!” Kadi midimu idi Mvidi Mukulu wenza, idi ileja meji mimpe adiye nawu.

Rome 6:2

Nansha kakese! Tudi bafue bua bubi. Nanku mmunyi mutudi mua kutungunuka kabidi ne dienza dia malu mabi?

Rome 6:8

Patudi bafue pamue ne Kristu, tudi tuitaba ne: netubike kabidi pamue nende.

Rome 7:2

Tuangate tshilejilu tshia mukaji musela. Mikenji idi imusuikakudi bayende, amu patshidi mulume ne muoyi. Kadi padi bayende ufua, mukaji udi usuluka ku mikenji ivua mimusuike kudi bayende.

Rome 7:4

Bana hetu, bidi bia momumue kabidi buenu nuenu. Nudi bafue ku bidi bitangila mikenji, bualu nudi badisange mu mubidi wa Kristu. Mpindiewu nudi bantu ba muntu mukuabu, ba muntu uvua mubike ku bafue, bua tukuatshile Mvidi Mukulu midimu idi imusankisha.

Rome 8:1

Nanku mpindiewu kabena bapisha kabidi badi badisanga ne Yezu Kristu.

1 Petro 4:1

Nudi bamanye mudi Kristu mumvue makenga mu mubidi. Ke munudi kabidi mua kukolesha muoyi, kuanyisha makenga. Bualu muntu udi umvua makenga mu mubidi, ulama lutuulu, mmubengangane ne bubi kashidi.